Luka 24:27 - I CILAGANE CIPYA 1991

²⁷ Yesu yakawaloloseza zose za mu Mandiko Gono Gelile, zono zali zimunojeye mwene, kuwulawilila kwa Musa sunga na mu wawizi wose.

Luganuzi Luswanu Kuli Wanhu Wose 2002

²⁷ Yesu yakawaloloseza zose za mu Mandiko Gono Gelile, zono zali zimunojeye mwene, ku wulawilila kuli Musa, sunga na mu wawizi wose.

Luka 24:27 Referans Kwoze

Luka 24:44

Yakawatya, “Azi zo nghani zono namulonjelenyi, lono nali nghali hamonga nanye, nha vyono yali yinojeye kuzifisiliza zose, zono nandicilwa mu Wulajilize wa Musa, na mu wawizi, na mu Zabuli.”

Metumo ge Watumwa 10:43

Sunga ne wawizi wose walonga zo Mwene, vyono munhu wo wose mono komwihuwila, kopegwa wunenelwe wo wubi wakwe mwitagwa lyakwe.”

Yohana 5:39

Anye musomaga Mandiko Gono Gelile mukwihwesa vyono, mugati yayo muli gago, motuga wumi we cibitilila, na kumbe gago mandiko go gakuhomelela nene!

Yohana 1:45

Nayo Filipo yakamwagana Nataneli, yakamutya, “Cimuwona ayulya mono Musa yandika i zakwe, mu citabu co Wulajilize, na kanyhi mono wawizi nawo wandika i zakwe, Yesu u mwana wa Yusufu, mulawa ku Nazaleti.”

Luka 24:25

Nayo Yesu yakawatya “Nhawule muli walele nha vivi, kanyhi muli wakamu mu zinhumbula zenyu, kuzihuwila zose zono walonga wawizi?

Metumo ge Watumwa 7:37

Yo mwene yuyo Musa mono yawatya wana wa Isilayeli, ‘U Mulungu kolomwinulilenyi Muwizi kulawa mu wandugu zenyu yenha nene.’

Metumo ge Watumwa 3:24

Iwawizi wose, kuwulawilila Samwili, na wose wono wamutyatya munyuma, wose walonga ze zinghani zizi zono zikwitumwa mu vilo vivi.

Metumo ge Watumwa 3:22

Hambi mbeka Musa nha yalonga yakatya, ‘U Muwaha Mulungu, komwinulilenyi muwizi nha nene, mono kolawa muli nyenye mo wenco.’

Wugubule 19:10

Ale, nane nghagwa hasi funama ha magulu gakwe nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, yo yikuwamulicila wawizi.

Maluko 4:34

Nayo siyalonga nawo co cose cono cali cisina cihwanicizo, ninga lono yali hamonga ne wejizwa wakwe, wene, yawalolosesaga zose.

Yohana 5:37

Nayo Baba mono yanhuma, yo yakuhomelela. Nanye mukali si nalihulika lizi lyakwe hamba nhavi, hamba kuwuwona wusu wakwe.

Yohana 12:41

Isaya yazilonga zizi, vyono yaluwona ulukumyo lwa Yesu, yakalonga zo mwene.

Metumo ge Watumwa 3:18

Ninga u Mulungu vyo yazifisiliza nha vivyo, azilya zono yazilajila katali mu milomo ye wawizi wose, vyono Kilisito wakwe kolotamiswa.

Metumo ge Watumwa 8:35

Nayo Filipo yakamulila ha Mandiko gago Gono Gelile, yakamuganulila za Yesu.