Luka 24:26 - I CILAGANE CIPYA 1991

²⁶ Wulenyi, si yali yimunojeye Kilisito kugazwa nha vivyo, ho yenjile mu nhojo yakwe?”

Luganuzi Luswanu Kuli Wanhu Wose 2002

²⁶ Wulenyi, si yali yimunojeye Kilisito kugazwa nhavivyo, ho yenjile mu nhojo yakwe?”

Luka 24:26 Referans Kwoze

1 Petelo 1:11

Wakajela kumanya ivilo ne ndawililo ye litumo lilyo, nha cinji vilo vyono yalonga u Muhe wa Kilisito mono yali yali muli wene, lono yawilaga ze magazo gono gomuziza Kilisito, no lukumyo lono lotyatya.

Metumo ge Watumwa 17:3

Yakalolosa no kulajila vyono yali yimunojeye Kilisito yatamiswe, no kuzuka kanyhi muli wafu. Yakawatya “Yesu yuyo mono nghumuganulilenyi, yo mwene Kilisito.”

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Luka 24:46

Yakawatya, “Vyo yandikwa, vyono yimunojeye Kilisito yatamiswe, na mwizuwa lye kadatu yimunojeye yazuce muli wafu.

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya mu wuzukula Yesu muli wafu. Yakondya kucipela u witumbilo wo wumi,

Luka 24:44

Yakawatya, “Azi zo nghani zono namulonjelenyi, lono nali nghali hamonga nanye, nha vyono yali yinojeye kuzifisiliza zose, zono nandicilwa mu Wulajilize wa Musa, na mu wawizi, na mu Zabuli.”

Luka 24:7

lono yatya, u Mwana wo Munhu si koleka kukombolwa kuli wanhu wabi, nawo womutumbika mu musalaba ne lizuwa lye kadatu kozuka kanyhi.”

Yohana 2:22

Nayo Yesu yaza kuzuka muli wafu, ho wejizwa wakwe wakakumbucila vyono yalonga zizi, wakagehuwila Mandiko Gono Gelile, ne nghani yono Yesu yali yayilonga.

Yohana 20:9

Wali wakali si nagezuka i Mandiko Gono Gelile, gono galonga gakutya, “Yali yimunojeye yazuce muli wafu.”)