Luka 23:4 - I CILAGANE CIPYA 1991

⁴ Pilato yakawalonjela wakohani wawaha ne lipuga lye wanhu yakutya, “Ane singhuwona lisutya lyo lyose muli munhu yuyu.”

Luganuzi Luswanu Kuli Wanhu Wose 2002

⁴ Pilato yakawalonjela Wakohani wawaha ne lipuga lye wanhu yakutya, “Ane singhuwona lisutya lyo lyose muli munhu yuyu.”

Luka 23:4 Referans Kwoze

Yohana 18:38

Pilato yakamutya Yesu, “Alo yiyo imbeka co cici?” Nayo Pilato yaza kukondya kuzilonga zizo, yakawabitila kanyhi Wayahudi kunze, yakawatya, “Ane si nghuwona lisutya lyo lyose muli munhu yuyu.”

1 Petelo 2:22

Umwene siyetuma wubi, hamba nghani yo wulambi, siyahulikwa mu mulomo wakwe.

1 Petelo 1:19

langa mwakombozwa kwe sakami yo lukumyo ya Kilisito, mono yali yenha nyana ye ngholo yono yisineliema hamba inamha.

Luka 23:22

Pilato yakawatya lwe kadatu, “Alu kahodanga nghani ci munhu ayu? Ane si mbwene lisutya lyo lyose muli mwene lyono lyoleka yafwe, holeka nomukuna viboko, hanyuma nimuwopolele.”

Maluko 15:14

Ninga mwene Pilato yakawawuza, yakutya, “Ku sokoci? Kahodanga cici?” Ninga wene ho wakacila muno kuzoza, wakutya, “Umutumbice mu musalaba!”

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we lingʼani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanya wubi, nayo yenuywe sunga ko ku wulanga.

Matayo 27:19

Nayo Pilato lono yali yekala mwigoda lyakwe lyo wulingʼanizi u mugolece wakwe yakamutegulila nghani, yakutya, “Wayiko, wulecele lukulu kwiyinjiza mu zinghani zo munhu yuyu muswanu, ku soko no muyago, izuwali ngazika muno muno mu ndoto, ku soko yakwe.”

Metumo ge Watumwa 3:13

U Mulungu wa Abulahamu, na wa Isaka, na wa Yakobo, u Mulungu we wasetu, yo yamukumizye Mwitumami wakwe Yesu; mono mwamulavya anye, mwene yo yuyo mono mwamutajila mu miwoko ye wawaha, no kumulema hamwande ya Pilato, hambe Pilato yasakaga kumulecela.

Metumo ge Watumwa 25:25

Ninga ane si nghawona vyono yanozize nghani yo yose yimbi yono yimunojeye yafwe. Ninga vyono Pawulo mweneco yakasaka zinghani zakwe zikalamulwe na Kayisali, holeka nghalajiliza yategulwe.