Luka 23:34 - I CILAGANE CIPYA 1991

³⁴ Yesu yakatya, “Baba, uwanenele, hambi nha si wamanyile yono wakwituma. Hanyuma wakagawana vivwalo vyakwe kwa kutowa kula.”

Luganuzi Luswanu Kuli Wanhu Wose 2002

³⁴ Yesu yakatya, “Baba, wuwanenele, hambi nha si wamanyile yono wakwituma. Hanyuma wakagawana vivwalo vyakwe mu nzila yo kutowa kula.”

Luka 23:34 Referans Kwoze

Matayo 5:44

Ninga ane nghumutyenyi, ‘Muwendaje iwalugu wenyu, kanyhi mweze kuwalombela wono wakumugazenyi nyenye,

Metumo ge Watumwa 7:60

Yakafugama yakabalaluka kwe izi iwaha, yakutya “Gwe Muwaha wulece kuwahosa so wubi wuwu.” Yaza kondya kulonga zizi, hodu ho baho yakawa kufwa. Na Sawulo nayo yawona viswanu vyono wamuwulaje.

1 Petelo 3:9

Mulece kuwagomolezeza wanhu wubi na wubi, hamba iligo ne ligo, langa muwalombele wumoteswe hambi anye nha mwacemwa no Mulungu ho muwubocele wumoti.

Walumi 12:14

Mumulombaje u Mulungu, yawalugutize wose wono wakumugazenyi, heya, mumulombaje yawalugutize, hamba mulece kuwalijita.

1 Wakolinto 2:8

Go mahala gono i watemi we yinze yiyi, si wasuma kugatanga, ku soko hono wali wagatanje, hamba si wali wamutumbice u Muwaha wo lukumyo mu musalaba,

1 Timoteyo 1:13

hambe bahalya halulongozi nene no mweneco nghamuliga no kumugaza no kumugalila. Ninga mwene Mulungu yakambonela lusungu, ku soko nali nghali sina wihuwilo, na holeka si nali manyile cono netumaga.

Metumo ge Watumwa 3:17

“Alu wandugu zangu, mumanyile vyono anye, hamonga ne wawaha wenyu, mwetumila citu.

1 Wakolinto 4:12

Kanyhi cikugazika, no kwituma imilimo kwe miwoko yetu co weneco. Na lono cikuligwa, ase cikuwalombela wumoteswe du, na lono cikuwingwa wingwa, ase cikukangalila du,

Matayo 11:25

Mwipango lilyo Yesu yakatya, “Nghukulumba gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Yohana 19:11

Yesu yakamupitula yakatya, “Si wali wuwe no wulajilize wo wose kuli nene hamba hadodo, hono wali wulece kupegwa no Mulungu. Ku soko yiyo, yuyo mono yandavizye kuli gwegwe, kacila kuwa no wubi.”

Maluko 15:24

Ale wakamutumbika mu musalaba, wakagawana vivwalo vyakwe ko kutowa kula, ho walamule nani kotuga cici.

Matayo 11:26

Heya, Baba, vyo wali wendile go mweneco.”

Luka 22:42

“Baba, hono wende, umbusize cikombe cici co Wusungu, ninga si wuhile wangu, langa wuhile wako witumwe.” [

Yohana 17:9

“Ane nghuwalombela wawa, si nghuwalombela we yinze, langa wono wamhela, hambi nha wako.

Metumo ge Watumwa 16:28

Ninga Pawulo yakacema kwe lizi yiwaha yakutya, “Wulece kwitamisa go mweneco, hambi ase nha cili baha wose.”