Luka 23:19 - I CILAGANE CIPYA 1991

¹⁹ (Balaba yo munhu mono yatajilwa mu jela, so wuma wono yawuleta mweneco mwikaya, kanyhi na ku soko yo wuwulaji.)

Luganuzi Luswanu Kuli Wanhu Wose 2002

¹⁹ (Balaba yo munhu mono yatajilwa mu jela, so wuma wono yawuleta mweneco mwi'kaya, kanyhi na ku soko yo wuwulaji.)

Luka 23:19 Referans Kwoze

Metumo ge Watumwa 3:14

Yali munhu muswanu na yali yelile. Ninga anye mwamulema, mukasaka munhu yunji mono yali muwulaji yo yawopolelwe.

Luka 23:5

Ninga wene wakacila kutya, “Yakusagahaza wanhu so mafundo gakwe, mu yisi yose ya Yudiya, yamuliziza ku Galilaya sunga naluno alu, yali baha.”

Luka 23:2

Wakanza kumusonjeza, wakutya, “Cimuwona yuyu yakuwafunda vibi i wanhu wetu, yakulemeza walece kulipa kodi kwa Kayisali, yakwiyitya ati mwene yo Kilisito Mutemi.”

Maluko 15:7

Ale, kwali na munhu yunji mono yacemwagwa Balaba, mono yali yafunjigwe hamonga ne wafyuzi wanji ku soko yo wuleta wufyule no wuwulaji.

Luka 23:18

Ninga wose wakazozeza hamonga, wakutya “Wumuwusaje ayu, langa uciwopolele Balaba.”

Luka 23:20

Pilato yahilaga kumuwopolela Yesu, holeka yakawalonjela kanyhi,

Metumo ge Watumwa 21:38

Si yo gwegwe yaye Mumisili yulya we mazuzi galya, mono yasagahaza wuma, yakawategula kunyika wanhu elufu yine i wawulaji?”