Luka 21:36 - I CILAGANE CIPYA 1991

³⁶ Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”

Luganuzi Luswanu Kuli Wanhu Wose 2002

³⁶ Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”

Luka 21:36 Referans Kwoze

1 Yohana 2:28

Holeka mo wanangu mwikalaje muli mwene, ne lidaha lilaza kuwa lyaza, ciwe cikamile, ho cilece kuwa na soko yo kwihundika so cevu, mwizuwa lyo wuze wakwe.

1 Petelo 5:8

Mwikalaje meso, kanyhi mweze musujile. Hambi umulugu wenyu Setani, yakupilima pilima nha simba yikukoloma, yikulondola yunji yimuhawanje.

Matayo 25:13

Baho Yesu yakawatya, “Holeka munojeye mwikalaje meso, hambi nha si mumanyile ilizuwa hamba cipango.

Matayo 24:42

Holeka munojeye mwikalaje meso, hambi nha simumanyile ilizuwa lyono kokuziza u Muwaha wenyu.

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

1 Wakolinto 16:13

Ale, mwikalaje meso, kanyhi mwimaje mukamile mu wihuwilo, akuno musina woga, kanyhi mweze muli vilungo.

Luka 18:1

Hanyuma Yesu yakawalonjela cihwanicizo Wejizwa wakwe, yakuwalajila vyono yiwanojeye kulomba nhondo zose, walece kukatala.

Maluko 13:33

Musuguce, mwikalaje meso, hambi nha simumanyile cipango cico hono cokuza nili.

Yuda 1:24

Alu kuli mwene mono kosuma kumukamisenyi ho mulece kugwa, kanyhi ho yamuletenyi sunga ko kulukumyo lwakwe akuno musina yilema,

Matayo 26:41

Ale mwikalaje meso akuno mukulomba ho mulece kwinjila mu wujelwe. Mbeka nhumbula yendile ninga muwili wusoceye.”

1 Watesalonike 5:17

akuno mukulomba musina wudile,

Maluko 13:37

Na zono nghumulonjelenyi nyenye, nghuwalonjela na wose, nghutya, Mwikalaje meso!”

2 Timoteyo 4:5

Agwe, ninga wikalaje meso muli zose, wukangalile magazo, witumaje u mulimo wo muganula Luganuzi Luswanu, uwufisilizizaje lukulu u witumami wako.

Wakolosayi 4:2

Mweze kulomba nhondo zose, kanyhi mweze kulanjliila lono mukulomba, akuno mukumulumba u Mulungu.

Metumo ge Watumwa 10:2

Yali munhu mwihuwilwa, u mwene hamonga na wa mu nyumba yakwe wose, wali wehuwilwa na kanyhi wali wogopo Mulungu, nayo yetuma zi nyinji, ko kuwataza iwaciwa we Ciyahudi, kanyhi yali yendile kumulomba u Mulungu nhondo zose.

Luka 20:35

ninga awalya wono Mulungu kowapela kulificila lizuwa lyo wuzuce we wafu, si wolotola hamba kutolwa.

Matayo 8:20

Ninga Yesu yakamupitula yakamutya, “Imacewe, gena mamwina, ne zindeje nazo zina manhuli, ninga u Mwana wo Munhu, yasina hamba hanhu ho kuceha.”

Matayo 24:43

Ninga mweze kuyikumbucila ne nghani yiyi, vyono hono munya kaya, yali yawe yamanyile ilipango lyono u muhizi kokuziza, mbeka yali yekale meso, hamba si yali yayileceleze ikaya yakwe yibenwe.

Matayo 24:44

Holeka nanye nhavivyo, mweze mwiwikanizize lukulu, hambi Mwana wo Munhu nha kokuziza mwipango lyono anye si mwihwesize yaye.”

Luka 1:19

Malayika yakamupitula yakatya, “Ane nili Gabuliyeli, mono nyimaga hali Mulungu, nane nhumwa ho nongane nagwe, nghuletele lulu Luganuzi Luswanu.

Luka 21:35

Hambi nha vyo lyolowaziza nha mutego, wose wono wekaye mononze yose.

2 Wakolinto 4:14

Nase cimanyile vyono u Mulungu mono yamuzukula u Muwaha Yesu muli wafu, kocizukula nha vivilya na sese hamonga na Yesu, no kucinyasula hamonga nanye no kuciwika hali mwene.

Wugubule 6:17

Hambi lizuwa lyo kogofya, lye likuwo lyawo, nha lyakondya kuza. Alu nani ʼmbi mono kosuma kwima no kwidoma nalyo?”

Wugubule 7:9

Hanyuma naza kulanga, nghawona ipuga yiwaha lye wanhu si wakuwala, wanhu we zimbeyu zose, ne milango yose, na we zinonga zose. Nawo wali wemile heʼgoda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.

Wugubule 8:2

Hanyuma nghawa kuwawona wa walye wamalayika mupunghati wono wemile hali Mulungu wakupegwa ndulele mupunghati.

Wugubule 11:4

Ne wahomelezi wawo wejete, yo mibici myejete ye mizeyituni, ne zitala zinyejete zono zimaga hali Muwaha we yinze.