Luka 19:42 - I CILAGANE CIPYA 1991

⁴² yakutya, “Yali yiwe yili ciba hono nagwe wali wumanye mwizuwa lili, inghani yo mulamu! Ninga alu yihundicizwe ha meso gako.

Luganuzi Luswanu Kuli Wanhu Wose 2002

⁴² yakutya, “Yali yiwe yili ciba hono nagwe wali wumanye mwizuwa lili, inghani yo mulamu! Ninga alu yihundicizwe ha meso gako.

Luka 19:42 Referans Kwoze

Wahebelaniya 3:15

I Mandiko gakutya nhavi: “I zuwali hono muhulice lizi lyo Mulungu Mulece kuzikamufya zinhumbula zenyu nha vyono wanoza wasogo zenyu lono wamubezeza u Mulungu.”

Metumo ge Watumwa 10:36

Ayi yo nghani yo Mulungu yono yawategulila iwana wa Isilayeli, yakuganula u Luganuzi Luswanu lono lukule ta mulamu muli Yesu Kilisito, mono yo Muwaha wa wose.

Wahebelaniya 3:13

Ninga mweze kwiyilanjiza nhondo zose, lono hakali kutegwa, “I zuwali,” muyenyu yunji yalece kukamufywa no wukoci wo wubi no kuwa ne cibede.

Luka 19:44

Wolokongomeza gwegwe, hamonga ne wanago wono wali mumo. Nawo si wolokusigaziza hamba ibwe limonga mucanyha mwibwe liyagwe, vyono si watanga ilipango lyono Mulungu yaziza kukuponya.”

Metumo ge Watumwa 13:46

Ninga hamba nha vivyo, Pawulo na Balanaba, wakalonga muno akuno wasina woga, wakatya, “Vyo yali yinojeye Inghani yo Mulungu yamule yimuficilenyi nyenye. Ninga vyono muyikumhiye kutali, no kwiwona vyono wumi we cibitilila si wukumunojelenyi nyenye, ale, ceza kumulecenyi, no kuwabitila wanhu we makungugo ganji.

Wahebelaniya 3:7

Holeka nha vyono yakulonga u Muhe Mono Yelile, yakutya: “Holeka i zuwali hono muhulice lizi lyo Mulungu,

Luka 19:41

Nayo yaza sejelela, yakaliwona likaya yakalililila,

Luka 19:43

Hambi vilo nha vyolokuziza, lono Walugu wako wolokupilima no kukutejela kose kose.