Luka 18:7 - I CILAGANE CIPYA 1991

⁷ Alu ma, Mulungu nayo, si kowalamulila wahagulwa wakwe wono wamulililaga misi ne cilo? Hambi kocela kuwataza?

Luganuzi Luswanu Kuli Wanhu Wose 2002

⁷ Alu ma, Mulungu nayo, si kowalamulila wahagulwa wakwe wono wamulililaga misi ne cilo? Hambi kocela kuwataza?

Luka 18:7 Referans Kwoze

2 Petelo 3:9

Hambi Muwaha nha sikacelaga kuzifisiliza zizilya zono yehuwiza, nha vyono wanhu wanji wehwesaga vyono kocela. Umwene yena ngola ku soko yenyu, hambi nha siyendile hamba hadodo muyenyu yunji yajilile, langa yakuwasaka wose wafice ku wunene.

Luka 11:13

Hono anye mono muli wabi mumanyile kuwapela wana wenyu vinhu viswanu, u sogo yenyu wa ku wulanga yo yacilile, u mwene kuwapela Muhe Mono Yelile wono wakumulomba.”

1 Timoteyo 5:5

Ale, umucekulu mono mufwile mbeka, mono yasina munhu wo kumutaza, yakondya kumuwicilo Mulungu witumbilo wakwe, kanyhi yakujendelela kumulomba Mulungu no kuneneleza u wutazi wakwe cilo ne misi.

Wugubule 6:10

Nawo wakalila kweʼzi ʼwaha wakutya, “Agwe go Muwaha, mono welile kanyhi mono wuli mwihuwilwa, alo sunga vipulute vilo vilinga, ho wuze wuwalingʼanize no kuwalipiciza wose wono wekaye mononze, ku soko yo wu wulagwe wetu wono wali kuciwulaga?”

2 Watesalonike 1:6

No Mulungu kokwituma lingʼani; kowalipa u wugaye wawo wono wukumugazenyi anye,

Luka 2:37

Nayo yakekala mufwile sunga mu cipango cico, nayo yali yafika myaka makumi munana na mine kuwulawa u wulelwe wakwe. Na mu cipango cico cose si yawukaga mu Nyumba yo Mulungu, na mu wuleko kulya, no kumuhembo Mulungu cilo na misi.

Matayo 7:11

Holeka hono anye mono muli wabi, ninga mumanyile kuwapela iwana wenyu ivinhu viswanu, mbeka, u Sogo yenyu wa ku wulanga kokwituma nha vivyo yacizilize, nayo kowapela iviswanu wose wono wakumulomba.

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, ale musecelele nha vivyo! Hambi u Mulungu nha kalilipiciza ku soko ye metumo galyo gono lyamutendelenyi nyenye!

1 Watesalonike 3:10

Cikumulomba u Mulungu cihidimbaye kwe mitima yetu yose cilo na misi, ho yacipele i cilejeho co kumuwonenyi wusu na wusu, ho cisume kuzinozeleza zono zikali zicepuce mu wihuwilo wenyu.

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

Walumi 8:33

Alo nani mono komusonjezenyi mo wahagulwa wo Mulungu? U Mulungu mweneco yo yakuwa kumuwusizenyi masutya!

Wugubule 7:15

Holeka wukuwawona wali heʼgoda lyo wutemi lyo Mulungu. Nawo wamwitumamilaga u Mulungu mu wuhembelo wakwe, misi na cilo, nayo mono yekaye mwigoda lyo wutemi, nayo kokoma lihema lyakwe muli wene ho yawadime.

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatanga ho wayimanye i mbeka yo wuhembi wetu,

2 Timoteyo 1:3

Nghumulumbo Mulungu mono nghumwitumamila ne ciselinji ciswanu, nha vyono wanoza i wasogo zangu, nghumulumbo Mulungu nhondo zose lono nghukukumbucila mu wulombe wangu cilo ne misi.

Matayo 24:22

Ne vilo vivyo hono vyali vilece kucepulwa, hali hawe hasina munhu wo wose mono yali yapone, ninga alu, ivilo vivyo vyocepulwa, ku soko ya awalya iwahagulwa.

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Luka 21:28

Ninga gaga kolo gakwamula kwijela, mwinule mitwe yenyu mugalamile kucanyha, vyono wukombozi wenyu wasejelela.”

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nha vivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.

1 Petelo 1:1

Nene Petelo, umutumwa wa Yesu Kilisito. Nghumwandicilenyi nyenye nyo wahagulwa wo Mulungu Sogo yo munhu, mono mwiyagaye no kwikala kuko ku Pontiyo, Galatiya, Kapadokiya, Asiya na Bituniya kotya muli watizi.