Luka 18:23 - I CILAGANE CIPYA 1991

²³ Ninga yuyo munhu yaza kuzihulika zizi, yakakalala muno; hambi nha yali mugoli muno.

Luganuzi Luswanu Kuli Wanhu Wose 2002

²³ Ninga yuyo munhu yaza kuzihulika zizi, yakakalala muno; hambi nha yali mugoli muno.

Luka 18:23 Referans Kwoze

1 Yohana 2:15

Mulece kuzenda ze yinze, hamba zono zili mononze. U munhu mono yazendile za mononze, u wendo wo Mulungu siwosuma kwikala muli mwene.

Luka 21:34

“Ninga musuje, zinhumbula zenyu zize zilece kuvuhigwa ko wubuguci, no wugale, ne mahwele go wikale wuwu, lizuwa lilyo ho lilece kumutinicizenyi nha mutego.

Luka 12:15

Yakawatya wose, “Lanjenyi ta, mwiyikamisaje mu wusulumizi wose, hambi u wumi wo munhu nha si wutugaga mulamu ku soko yo winji we vinhu u munhu vyono yena navyo.”

Luka 8:14

Na zono zalagala mu mabici ge mamivya, co cihwanicizo ce wanhu wono wakuyihulika nghani, ninga mu wujendelele wawo, wakuzinjilizwa ne mahwele ne zisawo, no wiyendeze we mikalile yiyi, nawo siwakulela mikalo yono yikangaye.

Maluko 10:22

Nayo yali yeza kuzihulika zizo, hamba si yendezwa yaye, yakawuka akuno yakalaye, hambi nha yali yena sawo nyinji.

Matayo 19:22

Nayo u muzelelo yuyo yali yeza kuhulika zizo, hodu yakawa kutuluka akuno yena no wukalale muno, hambi nha yali yena sawo nyinji.

Wakolosayi 3:5

Holeka muwuwulajilaje lukulu u wusulumizi wa mononze wono wukali wuli muli nyenye, nha kotya, wusenyha, wavu, wumala-nyinji, wuhile wubi, wusulumizi, wo wuhemba vihwani.

Wafilipi 3:8

Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito,

Waefeso 5:5

Kanyhi yinojeye mumanye vyono, musenyha, hamba mwavu, hamba u musulumizi (hambi u wusulumizi nha wo wukumbika vihwani,) hamba munhu wo wose mono yenha nhavivyo, si kosuma kutuga co cose ntu wutemi wa Kilisito na wo Mulungu.

Luka 19:8

Ninga Zakayo yakema, yakamulonjela Yesu, “Lanje ta, Muwaha, Nusu ye sawo yangu nowagawila waciwa; na hono niwe namusolela yunji cinji ko wusugu, nomugomolela mwiwalo lilyo kali kane.”

Luka 18:22

Nayo Yesu yaza kuzihulika zizo, yakamutya, “Wukali wanjiye nghani monga du; uguze vyose vyono wina navyo, ukawagawile waciwa, nagwe kowa na sawo kuwulanga; hanyuma ho wuze unhyatye.”

Luka 18:24

Nayo Yesu yaza kumuwona vyono yakalaye, yakatya, “Kukamu kuli wono wena sawo ku winjile mu wutemi wo Mulungu!