Luka 18:16 - I CILAGANE CIPYA 1991

¹⁶ Ninga Yesu yakawacemela kuli mwene, yakutya, “Walecenyi wana wadodo wanyizize, mulece kuwalemeza; hambi wutemi wo Mulungu, nha we wanhu wono wenha wawa.

Luganuzi Luswanu Kuli Wanhu Wose 2002

¹⁶ Ninga Yesu yakawacemela kuli mwene, yakutya, “Walecenyi wana wadodo wanyizize, mulece kuwalemeza; hambi wutemi wo Mulungu, nha we wanhu wono wenha wawa.

Luka 18:16 Referans Kwoze

1 Wakolinto 14:20

Nye wandugu zangu, mulece kuwa nhe wana wadodo mu mahala genyu. Kuli zo wavu muweze nhe wana wagalika, ninga mu wihwese wenyu, yinojeye muwe nhe wanhu wono wakangaye.

1 Wakolinto 7:14

Ku soko u mulume yuyo mono si yehuwiye, kosuma kubocelwa kuli Mulungu ku soko yo wilunze no mugolece, no mugolece yuyo nayo mono si yehuwiye kabocelagwa no Mulungu kusoko yo wilunze no mulume wakwe. Yali yiwe si nha vivyo, i wana wawo wali wawe si wo Mulungu, ninga aluno nawo wakuwa wana wo Mulungu.

1 Petelo 2:2

Nha vyono iwana wadodo wasulumilaga mele, na nyenye nha vivyo munojeye muwe no wusulumizi we mele geneco ge cimuhe, na mu vilungo vyago, ho musume kuwiluka no kukombozwa.

Metumo ge Watumwa 2:39

Hambi wihuwizo wuwo nha wehuwizwa ku soko yenyu, na ku soko ye wana wenyu, na ku soko ya wose wono wali kutali, na ku soko ya wo wose walya wono Muwaha Mulungu kowacemela kwakwe.”

Matayo 19:14

Ninga Yesu yakawatya, “Muwalekaje iwana wawo wadodo waze kwangu, mulece kuwemila, hambi u wutemi wa ku wulanga nha wa wanhu wono wenha iwana wawa, nha wo wanojeye ku wutemi wa ku wulanga.”

Luka 18:15

Wanhu wakamuletela Yesu i wana wadodo, ho yawawicile miwoko yakwe. Ninga iwejizwa waza kuwawona, wakawatacila no kuwemila.

Luka 18:17

Mbeka nghumutyenyi, muli wose mono si kowubocela wutemi wo Mulungu nho mwana mudodo, si kokwinjila mumo ngʼo.”