Luka 18:12 - I CILAGANE CIPYA 1991

¹² Mu vilo mupunghati ndekaga kulya kejete, ndavyaga zaka, cipinga ce likumi muli vyono sawaga vyose.”

Luganuzi Luswanu Kuli Wanhu Wose 2002

¹² Mu vilo mupunghati ndekaga kulya kejete, ndavyaga zaka, muli vyono sawaga vyose.”

Luka 18:12 Referans Kwoze

Luka 11:42

“Ninga woyi he nyo Wafalisayo! Hambi nha mulifyaga wanhu ipinga lye likumi, sunga na mu hati yose yo kutajila mu zindigwa, sunga na mu fwene, ne zimboga zinji, kuno mukuleka lingʼani no wendo wo Mulungu. Ninga zizi cinojele mwali muzitume hamba kuleka zinji.

Matayo 9:14

Hanyuma i wejizwa wa Yohana u Mubaputizi, wakamubitila Yesu wakamuwuza wakutya, “Ase sunga ne Wafalisayo, cilekaga kulya kali kenji, Alu nhawule i wejizwa wako si wakuleka kulya?”

Luka 17:10

Ale na nyenye nha vivyo, kolo mukukondya kwituma zose zono mulajilizwe, mutye, ‘Ase cili wetumami mono cisina cambuzi, cifisiliza du zono zali zicinojeye kwituma.’ ”

1 Timoteyo 4:8

Hambi wizoweleze wo muwili nha wina cambuzi cayo, ninga wizoweleze we cimuhe, wina cambuzi ce mawala gose, hambi nha wukucihuwiza zo wumi we vilo vivi na wuwo kanyhi we vilo vyono vikuza.

Matayo 6:1

“Mulanjilile, mulece kwitumila i metumo genyu maswanu ha meso ge wanhu, ho mwilajise hali wene. Hambi hono munoze nha vivyo cagalanze, nha si mosuma kupegwa icihumbilizwa no Sogo yenyu wa ku wulanga.

Waefeso 2:9

Hamba si so metumo getu co weneco, ho munhu yalece kwilumba mu nghani yo yose.

Wagalatiya 1:14

Heya, sunga nghawaciza wenji wanyawusi wayangu we lizika lyangu mu wibata yiyo dini ye Ciyahudi, nane kanyhi nghasimbilila muno muno mu wibate myoto ye wasogo zetu.

1 Wakolinto 1:29

Holeka hasina munhu wo wose mono kowa yena cinhu co cose co kwilumbila hali Mulungu.

Walumi 3:27

Hambi cosuma kwilumbila ya hayi? Hasina! Ku soko ya hayi? Hamba vyono cikuwufisiliza u wulajilize? Aa, ngʼo, langa ku soko vyono cihuwiye.

Matayo 6:16

“Na lono mukuleka kulya, mulece kusininghala ha wusu nhe wanhu wakoci. Hambi iwene nha wasininghalaga ha wusu, ho wejele hali wanhu vyono walecile kulya. Nghumulonjelenyi mbeka, vyono wawo, wakondya kucituga icihumbilizwa cawo.

Matayo 6:5

“Nanye lono mukulomba, mulece kuwa nhe wakoci. Hambi iwene wakoci, nha wendile kwima wima mu matangʼanilo go wuhembelo, sunga na mu zinzila, no kulomba, ho welajise kuli wanhu. Mbeka nghumulonjelenyi, vyono wawo wakondya kucituga icihumbilizwa cawo.

Matayo 5:20

Holeka nghumulonjelenyi nghutya, u wuswanu wenyu, hono wulece kuciza awulya we Wafalisayo ne wejizi wo Wulajilize, nanye si mwokwinjilila lukulu mu wutemi wa ku wulanga.