Luka 16:10 - I CILAGANE CIPYA 1991

¹⁰ Wo wose mono kowa mwihuwilwa mu nghani ndodo muno, yo kowa mwihuwilwa na mu nghani mbaha, na wo wose mono si mwihuwilwa mu nghani ndodo, si kowa mwihuwilwa mu nghani mbaha.

Luganuzi Luswanu Kuli Wanhu Wose 2002

¹⁰ Wo wose mono kowa mwihuwilwa mu nghani ndodo muno, yo kowa mwihuwilwa na mu nghani mbaha, na wo wose mono si mwihuwilwa mu nghani ndodo, si kowa mwihuwilwa mu nghani mbaha.

Luka 16:10 Referans Kwoze

Matayo 25:21

U Muwaha wakwe nayo yakamutya, ‘Ale viswanu, wuli mwitumami muswanu, kanyhi wuli mwihuwilwa. Wali mwihuwilwa mu nghani ndodo, ninga alu nokupela zimbaha kuciza. Ale wuze wasangalalane hamonga no muwaha wako.’

Luka 19:17

Nayo yakamutya, ‘Ale, kunoza viswanu, uli mwitumami muswanu. Vyono wali mwihuwilwa mu nghani ndodo muno, ale weze muwaha mu makaya ikumi.’

Matayo 25:23

U Muwaha wakwe yakamutya, ‘Ale viswanu wuli mwitumami muswanu kanyhi mwihuwilwa. Wali mwihuwilwa muli nghani ndodo du, alu nokupela i zimbaha zono zicizize zizi. Ale wuze wusangalalane hamonga no muwaha wako.’

Wahebelaniya 3:2

U mwene yali mwihuwilwa kuli Mulungu mono yamuhagula ho yetume u mulimo wakwe, nha vyono Musa nayo yali mwihuwilwa mu nyumba yose yo Mulungu.

Yohana 12:6

Yalonga zizi si vyono yawakumbucilaga waciwa, langa ku soko vyono u mwene yo yali mutunza mufuko we zipesa, kanyhi yali muhizi, na kenji na kenji, yahizaga zipesa zono zatajilagwa mumo.

Yohana 13:27

Nayo Yuda yaza kuyibocela inhonje yiyo, yakenjilwa na Setani. Nayo Yesu yakamutya, “Yono wukwituma, ale, witume mbela.”

Yohana 13:2

Na ha ndigwa ze cinyamihe, lono Yesu yali yekaye hamonga ne wejizwa wakwe, Setani yali yakondya kumufunda Yuda Musikaliyota u mwana wa Simoni, ho yamugaluce Yesu.

Matayo 24:45

Nayo Yesu, yakajendelela kulonga yakutya, “Alu nani mbi u mwitumami mwihuwilwa, kanyhi we mahala, mono muwaha wakwe komuwika, ho yawapele zindigwa iwanhu wakwe mucipango cono cinojeye?