Luka 15:29 - I CILAGANE CIPYA 1991

²⁹ Ninga mwene yapitula yakamutya sogwe, ‘Kumbucile baba, vyono myaka yiyi yose nghwitumamilaga, hamba nghali si nabeza malajilizo gako hamba kamonga, ninga wumhelile cici? Wukali namhela hamba cipene cidodo vivi, ho noze nane sikukuu ne wendece wangu.

Luganuzi Luswanu Kuli Wanhu Wose 2002

²⁹ Ninga mwene yapitula yakamutya sogwe, ‘Kumbucile baba, vyono myaka yiyi yose nghwitumamilaga, hamba nghali si nabeza malajilizo gako, ninga wumhelile cici? Wukali namhela hamba cipene cidodo vivi, ho noze nane sikukuu ne wendece wangu.

Luka 15:29 Referans Kwoze

Wugubule 3:17

Agwe wukwiyitya, ‘Ane nili mugoli, nina vinhu vyose, hamba si nyanjize cinji co cose.’ Kumbe si wumanyile vyono agwe wuli musocele, kanyhi wuli munhu wo kuwonelwa lusungu, wuli muciwa, kanyhi wuli mubofu, kanyhi wusawuce!

Wugubule 2:17

“Mono yena makutu go kuhulicila, ale yazihulikaje zono u Muhe yakugalonjela i Makanisa! “Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe itagwa yipya, lyono munhu yunji sikosuma kulimanya, langa wawo du wono wolibocela.

Walumi 10:3

Hambi nha si wamanya vyono u Mulungu kawanozaga wanhu, ho wavumilwe hali mwene, wene wakajela kwinozeza nzila yawo weneco, holeka si wasuma kuyivumila inzila yiyo yo Mulungu, yono yowanoza ho wavumilwe hali mwene.

Walumi 7:9

nane ha mwamulizo, nekalaga mumi hono hasina Wulajilize, ninga ililajilizo lyali lyeza kuza, uwubi wukawumipa,

Luka 19:21

hambi nha nakogopa vyono agwe uli munhu mukali. Agwe uli munhu mono kusolaga cono si wawika, no kududula cono si wahadika.”

Luka 18:9

Hanyuma Yesu yakawalonjela cihwanicizo cici, awalya wono wewonaga nha waswanu, no kuwabedegala wayawo wose.

Luka 17:10

Ale na nyenye nha vivyo, kolo mukukondya kwituma zose zono mulajilizwe, mutye, ‘Ase cili wetumami mono cisina cambuzi, cifisiliza du zono zali zicinojeye kwituma.’ ”

Luka 15:7

Ale, nghumutyenyi, kowa nyemo nha vivyo ku wulanga so munhu mubi monga mono yakunena, si nha awalya wanhu makumi cenda ne cenda wono wakiwona wali lingʼani wono si wakusaka kunena.

Matayo 20:12

Wakatya, ‘Wanhu awano wetuma mulimo mu cipango ca saa monga du, alu nhawule kucipela sawa sawa na wene, na kumbe ase ho cikangalila mu mulimo mukamu mwizuwa likali misi yose?’

Walumi 3:27

Hambi cosuma kwilumbila ya hayi? Hasina! Ku soko ya hayi? Hamba vyono cikuwufisiliza u wulajilize? Aa, ngʼo, langa ku soko vyono cihuwiye.

Walumi 3:20

Hambi nha hasina munhu wo wose, mono kosuma kuvumilwa hali Mulungu so wibatoʼ lajilize, ku soko u mulimo wo Wulajilize, wene wukuwa kumulajila du munhu vyono yetumile wubi.

Luka 15:28

“Yuyo muwahawe yakatolwa ne likuwo, hamba si yenda kwinjila na mu kaya. Nayo sogwe yakalawila kunze, yakamuneneleza yenjile.

Luka 15:30

Ninga yeza kuza du mwanago ayu, mono yalya sawo yako hamonga ne wasenyha, kuwa kumuwulajila ngʼombe yono yijinile.’