Luka 15:22 - I CILAGANE CIPYA 1991

²² Ninga usogwe yakawatya wetumami wakwe. ‘Letenyi mbela mwenda muswanu mumuvwice; muvwicenyi nyamwidole ne malatu.

Luganuzi Luswanu Kuli Wanhu Wose 2002

²² Ninga usogwe yakawatya wetumami wakwe. ‘Letenyi mbela mwenda muswanu mumuvwice; muvwicenyi nyamwidole ne malatu.

Luka 15:22 Referans Kwoze

Wugubule 6:11

Nawo wo wakapegwa yumonga yumonga civwalo cizelu, wakalonjelwa vyono walindile lindile hadodo, sunga kolo lyakondya kuficilicila i liwalo lye wetumami wayawo, kanyhi ne wandugu zawo wono wowulagwa nha vyono wawulagwa weneco.

Wugubule 19:8

Nayo yavwalile mwenda we bafuta swanu…, kanyhi yikungʼalala!” (U mwenda wuwo we bafuta swanu go metumo maswanu ge wanhu wo Mulungu.)

Wugubule 7:9

Hanyuma naza kulanga, nghawona ipuga yiwaha lye wanhu si wakuwala, wanhu we zimbeyu zose, ne milango yose, na we zinonga zose. Nawo wali wemile heʼgoda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.

Walumi 8:15

Hambi u Muhe mono mwamubocela, nha si Muhe mono komunozenyi muwe wawanda kanyhi, no kumuwicenyi mu woga, ninga mwamubocela u Muhe mono yakumunozenyi anye, ho muwe wana wo Mulungu, na mu vilungo vyo Muhe yuyo, nase cosuma kumucema u Mulungu, “Aba” wo wutya, “Baba.”

Wugubule 2:17

“Mono yena makutu go kuhulicila, ale yazihulikaje zono u Muhe yakugalonjela i Makanisa! “Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe itagwa yipya, lyono munhu yunji sikosuma kulimanya, langa wawo du wono wolibocela.

Wagalatiya 3:27

Nanye wose mono mwabaputizwa, mukelunza na Kilisito, alu mwamuvwala Kilisito.

Walumi 13:14

Langa u Muwaha Yesu Kilisito yaweze co civwalo cenyu, kanyhi mulece kwipiganziza u wusulumizi wenyu wo muwili, no kuwufisiliza.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.

Waefeso 6:15

No wusaka kuluganula u Luganuzi Luswanu lo mulamu, wuweze nha malatu mu migulu yenyu.

Walumi 3:22

U Mulungu yakuwanoza iwanhu, ho wavumilwe hali mwene mu nzila yo wihuwilo wawo, muli Yesu Kilisito: Nayo u Mulungu, ketumaga nha vivyo kuli wose wono wakwihuwila, hamba hasina wusiwanule wo wose.

Luka 15:21

Nayo mwana yakamutya sogwe, ‘Baba, nimusutizyo Mulungu, nghusutizya na gwegwe nha vivyo. Sinojeye kanyhi kucemwa mwanago.’

Luka 15:23

Muwulaje ne ngʼombe yono yijinile cinoze sikukuu, cilye, cisangalale.