Luka 13:15 - I CILAGANE CIPYA 1991

¹⁵ Ninga Muwaha yakamupitula, yakatya, “Nye mo wakoci, ma, muli nyenye moyuli yunji mono si katulusaga ngʼombe yakwe hamba ndogowe yakwe, no kuzingʼwesa mwizuwa lye Sabato?

Luganuzi Luswanu Kuli Wanhu Wose 2002

¹⁵ Ninga Muwaha yakamupitula, yakatya, “Nye mo wakoci, ma, muli nyenye, moyuli yunji mono si katulusaga ng'ombe yakwe hamba ndogowe yakwe, no kuzing'wesa mwizuwa lye sabato?

Luka 13:15 Referans Kwoze

Luka 14:5

Hanyuma yakawatya, “Nani lu wa muli nyenye mono yena mwanagwe lunji ngʼombe, hono yigwile mwisima, mono si koyinimula kamonga mwizuwa lye Sabato?”

Matayo 23:28

Alu sunga na nyenye nanye iwanhu wakumuwonenyi mudeha nha muli wanhu waswanu, kumbe mugati yenyu, mumemile wukoci no wavu wose.

Luka 12:1

Baho lono wanhu maelufu menji wali wetangʼanila, sunga wakawa kwikanyanjila, Yesu yakamula kuwalonjela wejizwa wakwe, “Musuje kuli cisase ce Wafalisayo wo wukoci.

Luka 6:42

Hamba kosuma nhawule kumutya nduguyo, “Ndugu yangu, leka ta nghuwuse i cilagala cono cili mu liso lyako, na akuno si ukulanga ibici lyono lili mu liso lyako go mweneco? Go mukoci gwe, wamule kuwusa ibici lyono lili mu liso lyako, ho kosuma kuwona viswanu no kusuma kuwusa icilagala cono cili mu liso lyo nduguyo.”

Matayo 23:13

“Woyi he kuliʼnye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Matayo 15:7

Mo wakoci nye! Kumbe Isaya yaziwilila mu mbeka izenyu, lono yatya

Matayo 7:5

Go mukoci gwe! Wamule wuliwuse ilibici lyono lili mu liso lyako go mweneco, ale, ho kosuma kuwona viswanu no kusuma kuwusa icilagala cono cili mu liso lyo nduguyo.

Luka 7:13

No Muwaha yaza kumuwona mucekulu yuyo, yakamuwonela lusungu, yakamutya, “Ulece kulila.”

Luka 7:19

yakawatuma wabite kuli Muwaha wakamuwuze “Alu agwe! yo yulya mono yakuza, hamba cimulanjilile yunji?”