Luka 1:19 - I CILAGANE CIPYA 1991

¹⁹ Malayika yakamupitula yakatya, “Ane nili Gabuliyeli, mono nyimaga hali Mulungu, nane nhumwa ho nongane nagwe, nghuletele lulu Luganuzi Luswanu.

Luganuzi Luswanu Kuli Wanhu Wose 2002

¹⁹ Malayika yakamupitula yakatya, “Ane nili Gabuliyeli, mono nyimaga hali Mulungu, nane nhumwa ho nongane nagwe, nghuletele Luganuzi lulu Luswanu.

Luka 1:19 Referans Kwoze

Luka 1:26

Mu mwezi wo mutandatu wo muda wa Elizabeti, malayika Gabuliyeli yatumwa no Mulungu, yabite kwi tumbi lyono likucemwa Nazaleti ya ku Galilaya.

Matayo 18:10

“Ale mwilanjililaje! Mulece kumubedegala yunji muyagwe ne wadodo wawa. Nghumulonjelenyi imbeka, vyono i wamalayika wawo kuko ku wulanga, wekalaga nhondo zose ha mwande yo Sogo yangu mono yali ku wulanga. [

Wahebelaniya 4:14

Hambi nha yicinojeye ciwibatilile lukulu u wihuwilo wetu. Hambi nha cina u Mukohani Muwaha, Yesu u Mwana wo Mulungu, mono yenjila mweneco sunga kuli Mulungu.

Luka 2:10

Malayika yakawatya, “Mulece kogopa, ane nghumuletelenyi Luganuzi Luswanu lwe nyemo mbaha kuli wanhu wose,

Luka 1:20

Hulicize, alu kowa cibwibwi, vyono si wihuwiye zinghani zangu, nagwe si kosuma kulonga sunga zizi zono nghulonjeye kolo zakondya kufisilizwa.”

Luka 21:36

Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”