Filemoni 1:1 - I CILAGANE CIPYA 1991

¹ Ane yo nene Pawulo mono mbopigwe mu jela ku soko ya Kilisito Yesu, na Timoteyo ndugu yetu, cikukwandicila agwe Filemoni u mwendece wetu no mwitumami muyetu,

Luganuzi Luswanu Kuli Wanhu Wose 2002

¹ Ane yo nene Pawulo mono mbopigwe mu jela ku soko ya Kilisito Yesu, na Timoteyo ndugu yetu, cikukwandicila agwe Filemoni u mwendece wetu no mwitumami muyetu,

Filemoni 1:1 Referans Kwoze

Waefeso 3:1

Ku soko yiyo holeka ane no Pawulo no muwopwa wa Kilisito Yesu ku soko ya nyenye mo we makungugo, nghumulomba u Mulungu.

Filemoni 1:9

Ninga ku soko yo wendo, mbona yili ciba hono nghulombe. Nghunoza nha vivi, hamba yiwe ane Pawulo nili mutumwa wa Kilisito Yesu, nalu kanyhi nili mufungwa mu jela ku soko yakwe.

Wakolosayi 1:1

Yo nene Pawulo u mutumwa wa Kilisito Yesu ko wuhile wo Mulungu, na ndugu yetu Timoteyo,

Wafilipi 2:25

Ninga nawona cinojele nimutumilenyi ndugu yetu Epafulodito, u mwitumami muyangu no mulewani muyangu, mono mwanhumila, nayo yakanhaza mu visakwa vyangu.

1 Wakolinto 3:9

Hambi ase wose nha cili ndugu monga, kanyhi ciliwetumami hamonga no Mulungu, na anye nanye, yo nyenye mono muli mugunda wakwe, kanyhi muli izengo lyo Mulungu.

2 Timoteyo 1:8

Ale, holeka wulece kuwona cevu kumuhomelela u Muwaha wetu Yesu, hamba wulece kuwona cevu ku soko yangu nene no mufungwa, mono funjigwe ku soko yakwe, Yesu. Ninga wuhanje magazo ku soko yo Luganuzi Luswanu, mu nghango ye vilungo vyono Mulungu yakukupela.

1 Watesalonike 3:2

cikamutumilenyi ndugu yetu Timoteyo, kanyhi mwitumami muyetu muli Mulungu mu wuganule u Luganuzi Luswanu lwa Kilisito. Cikamutumilenyi ho yaze yamusikamyenyi no kumusindamicenyi,

Wakolosayi 4:11

Nha vivilya na Yoshuwa mono kacemagwa Yusito, nayo yakumulamusenyi. Na muli wanji Wayahudi wono wabocela u wihuwilo, wo wawa du wali wene wono cikwitumana nane mulimo ku soko yo wutemi wo Mulungu, na kanyhi wo wakunhaza muno muno.

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

Waefeso 4:1

Holeka ane mono nili muwopwa kusoko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

2 Wakolinto 1:1

Kulawa kuli nene Pawulo no mutumwa wa Kilisito Yesu so wuhile wo Mulungu no ndugu yetu Timoteyo. Cikumwandicilenyi anye mono muli we likanisa lyo Mulungu lyono lili kuko ku Kolinto, hamonga ne wanhu wose wo Mulungu we hanhu hose mu Akaya.

Filemoni 1:24

Nawo wa Maluko na Alisitaliko na Dema na Luka, i wetumami wayangu, wose wakukulamusa.

2 Watesalonike 1:1

Ane Pawulo na Silivano hamonga na Timoteyo, cikumwandicilenyi anye nyo we likanisa lya kuko ku Tesalonike, mono muli wanhu wo Mulungu Baba na wo Muwaha Yesu Kilisito.

Waefeso 6:20

Ane nili mutumwa ku soko ya lulo Luganuzi Luswanu hamba niwe alu nili mu jela. Ale lombenyi ho sume kuwa sina woga mu wuganule nha vyono yinojeye.

Metumo ge Watumwa 16:1

Pawulo yakafika ku Delibe, na ku Lusitela, kono yekalaga mwijizwa yunji itagwa lyakwe Timoteyo, u nyina yali Muyahudi, nayo nha vivyo yakawa mwijizwa. Ninga u sogwe yali Mugiliki.

Wagalatiya 3:26

Na mu nzila yo wihuwilo, anye wose mwawa wana wo Mulungu muli Kilisito.

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

Filemoni 1:23

Epafala u mufungwa muyangu mu jela muli Kilisito Yesu, yakukulamusa.