3 Yohana 1:14 - I CILAGANE CIPYA 1991

¹⁴ Ninga nitumbiye vyono si notinya kukuwona, baho ho coduwana meso kwa meso.

Luganuzi Luswanu Kuli Wanhu Wose 2002

¹⁴ Ninga nitumbiye vyono si notinya kukuwona, baho ho coduwana cidomile.

3 Yohana 1:14 Referans Kwoze

1 Petelo 5:14

Mwiyilamusaje mu citanjilo co wendo wa Kilisito. U mulamu kuliʼnye wose mono muli wakwe Kilisito.

Waefeso 6:23

Nghulomba mulamu wuwe muli nyenye we zindugu wose, hamonga no wendo, no wihuwilo wono wukulawa kuli Mulungu Baba na kuli u Muwaha Yesu Kilisito.

Wagalatiya 5:16

Holeka ane nghutya nhavi, i mijendele yenyu yeze kulongozwa no Muhe, nanye ho si motyatizya lukulu i masulumizi ga mononze.

Yohana 10:3

U mulindilizo mulango we libululu, kamudigulilaga yuyo, ne zingholo zikuwa kumuhulika lizi lyakwe, nayo yakuwa kuzicema kwe matagwa zingholo zakwe, yimonga yimonga, kazitulusaga zilawile kunze.

Yohana 20:19

Mwizuwa lilyo lye jumapili cinyamihe, iwejizwa wali wehangulize hamonga mu nyumba mugati, ne milango yikawa midinde, kusoko vyono wawogopaga iwalongola we Wayahudi. Nayo Yesu yakaza, yakema haciligati yawo, yakawatya, “Mulamu wuweze muli nyenye.”

Yohana 20:21

Nayo Yesu yakawatya kanyhi. “Mulamu wuweze muli nyenye. Nha vyono ane Baba yanhuma, nane vyo nghumutumenyi nanye nhavivyo.”

2 Yohana 1:12

Nina nyinji zo kumulonjelenyi, ninga sinyendile kumwandicilenyi mu kalatasi no wino, langa nitumbiye kuza kuko kwenyu ho ciduwane nanye meso kwa meso, i nyemo yetu ho yimemelecele.