2 Wakolinto 1:22 - I CILAGANE CIPYA 1991

²² kanyhi yo yaciwicila mutozo wo kuwela cili sawo yakwe mweneco, kanyhi yakacipela no Muhe Mono Yelile mu zinhumbula zetu, ho ciwe co cipingo ca zose zono yaciwiciye.

Luganuzi Luswanu Kuli Wanhu Wose 2002

²² kanyhi yo yaciwicila mutozo wo kuwela cili sawo yakwe mweneco, kanyhi yakacipela no Muhe Mono Yelile mu zinhumbula zetu, ho ciwe co cipingo ca zose zono yaciwiciye.

2 Wakolinto 1:22 Referans Kwoze

Waefeso 4:30

Mulece kumukalaza u Muhe Mono Yelile wo Mulungu, hambi yuyo u Muhe nha yo citanjilo co Mulungu kuli nyenye, vyono anye muli wanhu wakwe, kanyhi co cihomelezi vyono ilizuwa lyokuza lono u Mulungu kolomukombozenyi.

2 Wakolinto 5:5

U Mulungu mweneco yaciwikaniziza u wukawanizwe wuwo, nayo yacipela u Muhe wakwe wuwe co cipingo ca vyose vyono yaciwiciye.

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Wugubule 9:4

Zinzije zizo zikalonjelwa vyono, zilece kuhodanga mahanze ge yinze, hamba dedede yose, hambe mibici yose, langa zibite zikawahodanje wanhu wawalya du wono wasina citanjilo co Mulungu mu wusu wawo.

Walumi 8:23

Hamba si viwumbwa vivyo vili wene du, langa sunga na sese mono cina u Muhe, mono yo cipegwa cilongozi muli vipegwa vyo Mulungu, sunga na sese co weneco cikulilanzika mu zinhumbula zetu, akuno cikulanjilila kunozwa wana wo Mulungu, no wukombozwe wo muwili wetu.

Walumi 8:9

Ninga anye, si muli mu mikalile ye cimunhumunhu, langa mu mikalile yo Muhe, hono u Muhe wo Mulungu yakwikala muli nyenye. Ninga yunji hono yamusina u Muhe wa Kilisito yuyo si wakwe Kilisito.

Wugubule 7:3

nayo malayika yuyo yakatya, “Mulece kuyihodanga yisi, hambe malenga, hambe mabici, sunga kolo cakondya kuwawicila citanjilo mu wusu wawo, i wetumami wo Mulungu wetu.”

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, ale yimunojeye yeleje no wavu.”

Walumi 4:11

Abulahamu yalama hanyuma yayo, na mu walame wuwo, cali citanjilo cono cakangazaga vyono, u Mulungu yali yamuvumila vyono yali lingʼani, ku soko yo wihuwilo wakwe wono yali yena nawo, sunga na lono yali yakali si nalama. Holeka Abulahamu yaweza Sogo ya wose wono, hamba wawe si walame, ninga wamwihuwiye u Mulungu no kunozwa lingʼani.

Wugubule 2:17

“Mono yena makutu go kuhulicila, ale yazihulikaje zono u Muhe yakugalonjela i Makanisa! “Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe itagwa yipya, lyono munhu yunji sikosuma kulimanya, langa wawo du wono wolibocela.

Yohana 3:33

Ninga munhu wo wose mono yakuwubocela wuhomelezi wakwe, yakukangaza vyono, Mulungu yo we mbeka.

1 Watesalonike 4:8

Holeka mono yakugabedegala i mejizo gago, si yakumubedegala munhu, langa yakumubedegala u Mulungu mweneco mono yakumupelenyi u Muhe wakwe Mono Yelile.