1 Yohana 4:4 - I CILAGANE CIPYA 1991

⁴ Ninga anye mo wana, muli wo Mulungu, kanyhi mwakondya kuwasuma wawo wawizi wo wulambi, hambi Muhe mono yali muli nyenye, nha yali vilungo muno muno, kuciza muhe mono yali muli wene, vyono wene wawo wo wanhu wa kononze.

Luganuzi Luswanu Kuli Wanhu Wose 2002

⁴ Ninga anye mo wana, muli wo Mulungu, kanyhi mwakondya kuwasuma wawo wawizi wo wulambi, hambi Muhe mono yali muli nyenye, nha yali vilungo muno muno, kuciza muhe mono yali muli wene, vyono wene wawo wo wanhu wa kononze.

1 Yohana 4:4 Referans Kwoze

Walumi 8:31

Hambi lu muli zizi, ho colonga citye wule kanyhi? Hono u Mulungu yali ku lubavu lwetu, alu nani kanyhi mono kocipingapinga?

1 Yohana 5:4

Hambi muli wose mono yawa mwana wo Mulungu nha kosuma kuyisuma i yinze. Mumo mo cikuyisumila i yinze, u wihuwilo wetu.

Walumi 8:37

Ninga muli zizi zose, cikutuga wusume wuwaha muno, ko wutazi wakwe mwene mono yacenda.

1 Yohana 4:16

Holeka ase cimanyile kanyhi cihuwiye u wendo wono Mulungu yena kuli sese. U Mulungu wo wendo, no munhu wo wose mono yakwikala mu wendo, yakwikala muli Mulungu, no Mulungu nayo yakwikala muli mwene.

1 Wakolinto 2:12

Ninga ase alu, si cabocela u muhe we yinze, langa camubocela u Muhe mono yakulawa kuli Mulungu, ho yacipele u wumanye wo kuzimanya azilya zono capegwa no Mulungu.

1 Yohana 5:19

Cimanyile vyono ase cili wo Mulungu, hamba yiwe i yinze yose yili mu vilungo vya ayulya u Mubi.

1 Yohana 4:13

Cimanyile nha vyono cikaye cili mu wumonga no Mulungu nayo u Mulungu yakwikala yali mu wumonga nase, hambi u mwene nha yacipela u Muhe wakwe.

Waefeso 6:10

Ze ndumilizo, nghumusacenyi mweze muli vilungo muli Muwaha na ko wutazi we vilungo vyakwe viwaha.

Waefeso 3:17

nayo Kilisito yekalaje mu zinhumbula zenyu ko wihuwilo. Nghumulomba muwe mukamile mu musinji wo wendo,

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.

1 Yohana 3:24

Mono yakugebata malajilizo go Mulungu, yo kekalaga muli Mulungu, nayo Mulungu yakwikala muli mwene. Mu nzila yo Muhe mono Mulungu yacipela, nase mo cikumanyila vyono Mulungu yakwikala muli sese.

Yohana 12:31

Alu co cipango co kulingʼanizwa iyinze yiyi, alu muwaha we yinze yiyi kotagwa kunze.

Yohana 17:23

ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono unyendile ane.

1 Yohana 4:6

Ninga ase cili wo Mulungu. No munhu mono yamumanyile Mulungu, yuyo langa kacihulikaga, no munhu mono si wo Mulungu, ase si kacihulikaga. Holeka mumo mo cikusuma kumanyila u wisimajile wo Muhe we mbeka, no muhe wo wulambi.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, Nane nowa Mulungu wawo, Nawo wowa wanhu wangu.”

1 Yohana 2:13

Nghumwandicilenyi nanye mo wasogo za munhu, hambi nha mumumanyile u mwene mono yali ho yuli kuwulawa ha mwamulizo. Nghumwandicilenyi nanye mo wazelelo, vyono mumusumile ayulya u mubi.

1 Wakolinto 6:13

Kosuma kutya, “Indigwa yili so yinda, nayo yinda yili so ndigwa.” Heya, ninga u Mulungu, kolovihodanga vyose vyono vyejete. Ninga u muwili wo munhu si wawumbwa ho witumamilwe mu wusenyha, aa, ngʼo, langa wawumbwa ho wumwitumamile u Muwaha, nayo u Muwaha so muwili.

Waefeso 2:2

Na mwipango lilyo mwekalilaga mu mikalile mibi ya mononze yiyi, nanye mukawa mukumuhulika u muwaha wo muhe mubi we vilungo wa mu mwanya, wo muhe wono wuwatemile alu, iwanhu wono si wakumuhulika u Mulungu.

Yohana 16:11

wasutizye kuli ze ningʼaniza yo Mulungu, ku soko vyono muwaha we yinze yiyi yalingʼanizwa yakondya.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Yohana 14:30

Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuliʼne.

1 Yohana 2:1

Mo wanangu nghumwandicilenyi zizi, ho mulece kwituma wubi. Ninga yisolaga munhu ketuma wubi, cina nayo yumonga mono kacilombelaga kuli Baba, yo Yesu Kilisito, mono yali lingʼani.

1 Yohana 3:20

Ku soko hamba yiwe ciselinji cetu cikucihosa, ninga cimanyile vyono u Mulungu yo muwaha yacizize ciselinji, na vyono u mwene yazimanyile zose.