1 Yohana 3:2 - I CILAGANE CIPYA 1991

² Mo wendece wangu, alu ase cili wana wo Mulungu ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

Luganuzi Luswanu Kuli Wanhu Wose 2002

² Mo wendece wangu, alu ase cili wana wo Mulungu, ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

1 Yohana 3:2 Referans Kwoze

Wafilipi 3:21

Mwene koloyihundusa i miwili yetu yono yifwizaga, ho yiwe yihwanile no muwili wakwe wo lukumyo, so vilungo vyono yadahile kuviwicila vinhu vyose hasi yo wutemi wakwe.

Wakolosayi 3:4

Na Kilisito wo wumi wenyu we mbeka, yalaza kwijela, ale, anye nanye baho ho molokwijela hamonga nayo mu lukumyo.

2 Wakolinto 3:18

Holeka ase wose mono si cifunicize wusu wetu, ale cikumulajilila lukumyo lo Muwaha kotya nha mwilole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

1 Wakolinto 13:12

Cono cikuciwona alu cinha futa du mwilole, yono si yikwijela viswanu, ninga baho hanyuma langa, ho colowona viswanu ciwonelela. Aluno manyile hadodo vivi du, ninga baho hanyuma langa, ho nolomanyila zose lukulu, nha vyono u Mulungu nayo yamanyile ane.

Walumi 8:29

Hambi wawo wono yawahagula kuwulawa mwamulizo, wawa kanyhi yawasiwanula, ho wehwane no Mwanagwe, u mwana nayo, ho yawe mulongozi muli wanduguze wenji.

1 Wakolinto 15:49

Alu nase, nha vyono cihwanile na ayulya mono yawumbwa ko muhangha, ale vyo nha vivyo kanyhi, vyo cokwihwana na yuyo mono yalawa ku wulanga.

Wugubule 22:4

Nawo wowuwona wusu wakwe, ne litagwa lyakwe lyokwandikwa mu mahanda go wusu wawo.

2 Petelo 1:4

Hambi muli zizo nha yakondya kucipela vipegwa viwaha vyo wuguzi wukamu vyono yacihuwiziza, na ku so vipegwa vivyo, ho musume kuhanga u wuwe wakwe wo wulungu.

1 Wakolinto 2:9

ninga nha vyono gakulonga i Mandiko Gono Gelile, “Izinghani zono hamba liso likali si naziwona, hamba i likutu kuzihulika izinghani zono, hamba munhu yakali si nazihwesa mu nhumbula yakwe, ale, zizo zo u Mulungu yawawikaniziza wa walya wono wamwendile.”

1 Yohana 3:1

Alu lanjenyi ta, vyono u Sogo yo munhu yacenda muno muno, sunga citegwe cili wana wo Mulungu! Na mbeka vyo cinha. Na co cikuleka i yinze siyikucimanya, hambi nha si yimumanyile u Mulungu.

Wagalatiya 4:6

Alu vyono muli wana, u Mulungu yamutuma u Muhe wo Mwanagwe mu zinhumbula zetu, u Muhe mono kacemaga, “Aba,” wo wutya “Baba.”

Walumi 8:18

Hambi nha nghuwona vyono magayo ga lulu si nghani yaye, hono cigalingʼanize no lukumyo lono lologubulilwa kuliʼse.

Wagalatiya 3:26

Na mu nzila yo wihuwilo, anye wose mwawa wana wo Mulungu muli Kilisito.

Yohana 17:24

“Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali si yinawumbwa.

Matayo 5:8

Wamoti wono wena nhumbula nzelu, hambi nha womuwona u Mulungu.

1 Yohana 2:28

Holeka mo wanangu mwikalaje muli mwene, ne lidaha lilaza kuwa lyaza, ciwe cikamile, ho cilece kuwa na soko yo kwihundika so cevu, mwizuwa lyo wuze wakwe.

Wahebelaniya 9:28

nha vivyo nayo Kilisito yelavya i kumbiko lwa kamonga du ho yawuwuse u wubi wa wenji. Nayo yalaza kuza lwe kejete ho yalece kuziza so wihoma no wubi, langa so kuwakomboza wawo wono wakumulindila.

2 Wakolinto 4:17

Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nha vivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

1 Yohana 5:1

U munhu wo wose mono yehuwiye vyono Yesu yo Kilisito, yuyo yo mwana wo Mulungu, na mono yamwendile u mulezi, yakuwa kumwenda no mwana wa yuyo mulezi.

Luka 17:30

Nha vivyo vyo yolowa yinha mwizuwa lilyo lyono kologubulilwa u Mwana wo Munhu.

Luka 20:36

Na mbeka hamba si wolofwa kanyhi yaye, hambi nha wokwihwana ne wamalayika; nawo wo wana wo Mulungu, vyono wazukulwa kulawa mu wafu.

Yohana 1:12

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Yohana 11:52

Kanyhi hamba si likungugo lyawo du, langa ho yasume kuwakongholela hamonga iwana wo Mulungu wono wali weyagaye.

Walumi 8:16

U Muhe mweneco vikuhomelelana no muhe wetu, vyono ase cili wana wo Mulungu.

Walumi 8:19

Hambi iviwumbwa vyose, nha vikulanjilila muno, u Mulungu yawalajile calinze iwanagwe.

1 Yohana 2:7

Nyo wendece wangu, i lilajilizo lili lyono nghumwandicilenyi, si ilajilizo yipya yaye, langa lye lajilizo lililya lye katali du, lyono mwali mwina nalyo ku wulawa mwamulizo. Ne lilajilizo lilyo lye katali, yo nghani yi yilya yono mwayihulika.

1 Yohana 3:10

Ninga muli wose mono siketumaga ze lingʼani, hamba mono siyamwendile u nduguye, yuyo yo si mwana wo Mulungu. Na wuwo wo wisimajile wa muli wana wo Mulungu ne wana wa Setani.

1 Yohana 3:21

Nye mo wendece wangu, i ciselinji cetu hono yiwe sicikucihosa cinji, ho ceza cina u wuluwuce hali Mulungu,

Wugubule 2:28

Nawo wogatema makungugo no kugadimila nghome ya cuma, no kugatulanjiza nha ciya ce lilongo. Kanyhi nowapela i nyelezi yi mwacinghunghu.