1 Yohana 2:16 - I CILAGANE CIPYA 1991

¹⁶ I vinhu vyose vya mononze, wusulumizi wo muwili, i vinhu vyono i wanhu wakuviwona, wawa kuvisulumila, hamonga no wiwoni wono wukuletwa so sawo, vyose vivyo sivikulawa muli Baba, langa vikulawa mononze.

Luganuzi Luswanu Kuli Wanhu Wose 2002

¹⁶ I vinhu vyose vya mononze, wusulumizi wo muwili, i vinhu vyono i wanhu wakuviwona, wawa kuvisulumila, hamonga no wiwoni wono wukuletwa so sawo, vyose vivyo sivikulawa muli Baba, langa vikulawa mononze.

1 Yohana 2:16 Referans Kwoze

Walumi 13:14

Langa u Muwaha Yesu Kilisito yaweze co civwalo cenyu, kanyhi mulece kwipiganziza u wusulumizi wenyu wo muwili, no kuwufisiliza.

Wagalatiya 5:17

Hambi i masulumizi ga mononze, nha vipinganaga no wuhile wo Muhe, no wuhile wo Muhe nawo, vipinganaga no kwituma zono mwali mwende nyenye nyo weneco.

Waefeso 2:3

Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nha vivyo na sese, ilikuwo lyo Mulungu lyali licinojeye licagane.

Yakobo 3:15

Mahala gono genha nha vivi, sigalawaga kucanyha ku wulanga, langa imahala gago ga kononze, kanyhi ga ciyinze yinze, na kanyhi ga cisetani.

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.

2 Petelo 2:10

Na ko muno wa walya wono watyatyaga imasulumizi mabi go muwili na wono wakubedegala no kulema kutemwa no Mulungu. Iwanhu we liwala lilyo wasina cihuliko kanyhi wedunhumuzi, hambi nha watovulaga, kanyhi wasina cogopo kuli viwumbwa vyono vyelile vya kucanyha.

Tito 2:12

Ne Uhewa Hiyo likucijiza ciwulekaje wavu wose no wusulumizi wose wa mononze, ciweze no wiyimizi, ho cikale mu mikalile ye lingʼani yo kumogopa u Mulungu mono yinze yiyi ya lulu,

2 Petelo 2:18

Hambi nha walongaga zinghani zo wiwoni zono zisina nhunizo, kanyhi wegetumamilaga imasulumizi gawo mabi go muwili ho wawagwise awalya wono wakondya kwilega mu wanhu wono wekalaga mu wajilile.

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

Tito 3:3

Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

Matayo 5:28

Ninga ane nghumulonjelenyi vyono, umunhu mono komulanga mucekulu sunga yamusulumile, yuyo yakondya kusenyha nayo mu nhumbula yakwe.

Luka 4:5

Hanyuma Setani yakamutegula hacanyha, hanhu hono hali henucile, yakamulajila matemi gose ga kononze lwa kamonga. Setani yakamutya,

Wagalatiya 5:24

I wakwe Kilisito, wakondya kuwuwulaga u wuwe wawo we ciyinze-yinze hamonga ne mahweso gayo i mabi ne masulumizi gayo.

Matayo 4:8

Hanyuma kanyhi Setani yakamutegula sunga kwitunda litali, yakamulajila i matemi gose ga kononze hamonga ne zinhojo zayo,

1 Wakolinto 10:6

Alu i zinghani zizo zose, zali nha cihwanicizo du kuliʼse, zikucisugula ase ho cilece kuwusulumila u wubi, nha vyono wakawusulumila wene.

Yakobo 4:16

Ninga lu mukwidunhumula no kwisaja, no widunhumuzi wono winha wuwu wo wubi.