1 Wakolinto 5:1 - I CILAGANE CIPYA 1991

¹ Ko zili nghani za mbeka, vyono, mowuli wusenyha muli nyenye, kanyhi no wusenyha wuwo wono mwina nawo, wo wusenyha wubi muno muno, wono wukali hamba si wunawa muli wanhu wono wakali si namumanya Mulungu. Nonjelwa vyono u muyenyu yunji, ati yekaye no mugolece wo sogwe!

Luganuzi Luswanu Kuli Wanhu Wose 2002

¹ Ko zili nghani za mbeka, vyono, mowuli wusenyha muli nyenye, kanyhi no wusenyha wuwo wono mwina nawo, wo wusenyha wubi muno muno, wono wukali hamba si nawa muli wanhu wono wakali si namumanya Mulungu. Nonjelwa vyono u muyenyu yunji, ati yekaye no mugolece wo sogwe!

1 Wakolinto 5:1 Referans Kwoze

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lyeʼfwa lye kejete.”

Wugubule 2:21

Nimuleceye cipango co kunena wubi wakwe, ningo mwene ho si yakusaka kwilega no wusenyha wakwe.

Wakolosayi 3:5

Holeka muwuwulajilaje lukulu u wusulumizi wa mononze wono wukali wuli muli nyenye, nha kotya, wusenyha, wavu, wumala-nyinji, wuhile wubi, wusulumizi, wo wuhemba vihwani.

Waefeso 5:3

Ninga wusenyha, no wavu wose, hamba wusulumizi, vilece kutambulilwa lukulu muli nyenye, hambi nha vyo yinojeye kuli anye mo wana wo Mulungu.

Wagalatiya 5:19

Ale, ne metumo ge ciyinze yinze nha gali calinze; nago nha goga, wusenyha, wavu, yihede,

1 Watesalonike 4:7

U Mulungu si yacicema ho cikale mu mikalile yo wusenyha, langa ho cikale mu wele.

2 Wakolinto 12:21

Kanyhi nghogopa, na lunji kolo neza kuza mu muhinzo wuwo wono nokuza, u Mulungu wangu komhela u wula nyemo hali nyenye, nane nolila ku soko ya wenji wa muli nyenye wono wetuma wubi hamba kunena wuwo wavu wawo, ne masulumizi gawo mabi, hamonga ne mawubi gawo go wusenyha wawo, gono wali wakondya kwituma.

1 Wakolinto 6:18

Holeka muwulecelaje lukulu u wusenyha. U wubi wunji wose wunozezagwa kunze yo muwili, ninga u musenyha, kawunozezaga u wubi wuwo mu muwili wakwe mweneco.

1 Wakolinto 6:13

Kosuma kutya, “Indigwa yili so yinda, nayo yinda yili so ndigwa.” Heya, ninga u Mulungu, kolovihodanga vyose vyono vyejete. Ninga u muwili wo munhu si wawumbwa ho witumamilwe mu wusenyha, aa, ngʼo, langa wawumbwa ho wumwitumamile u Muwaha, nayo u Muwaha so muwili.

1 Wakolinto 6:9

Hamba si mumanyile lo, vyono i wanhu wabi, si wosuma kuwuhala u Wutemi wo Mulungu? Ale, mulece kwikonga! Iwanhu wono wekalilaga mu mikalile yo wusenyha, na wono wahembaga vihwani, na wono wakwisulumila walume wose, hamba wono wakwitendya,

1 Wakolinto 5:11

Ninga ane cono natunilizaga mu wandice wangu nha coci, mulecele lukulu kuhanga na we ndugu Mukilisito, u musenyha, mubuguci, mono yakuhemba vihwani, musonjeza wayagwe, mugaloʼjimbi, kanyhi mulambilambi. U munhu we liwala lilyo, hamba kulya du, mulece kulya hamonga nayo.

Metumo ge Watumwa 15:29

Mulece kulya zindigwa zono zilavigwe so vihwani, mulece kungʼwa sakami, mulece kulya nyama ye nimu yono yinyonjigwe, kanyhi mwile-gaje no wusenyha. Mowa mwetuma viswanu, hono mulece kwituma zizo. Ale mwikalaje!”

Metumo ge Watumwa 15:20

Langa ciwandicile baluwa, ciwalonjele vyono, walece kulya zindigwa zisemunwa, zono zilavigwe so vihwanicizo vye milungu, weleje no wusenyha, walece kulya nyama yo yose yono yinyonjigwe, kanyhi walece kungʼwa sakami.

2 Wakolinto 7:12

Holeka hamba hiwe nghandika baluwa yiyilya, si nayandika ku soko yo munhu musutyi, hamba si nayandika ku soko yo munhu mono yasutizywe. Ane nayandika ho zijele calinze hali Mulungu vyono mwina no wuhidimbale ku soko yetu.

1 Wakolinto 1:11

Nye, wandugu zangu, izinghani azilya zono nazituga kulawa kuli wanhu wanji we mhuga ya Kuloye, zikulajila calinze vyono hagati yenyu, ho wuli wula kwiyitanga.

2 Wakolinto 2:5

Ninga hono hawe hoyuli yunji mono yamukalaze muyagwe yunji, ale si vyono kanghalaza nene, langa kamukalazenyi anye wose. (Nane nghulonga zizi ho ndece kwijela nha nili mukali muno muno muli mwene.)