1 Wakolinto 4:1 - I CILAGANE CIPYA 1991

¹ Ale, u munhu yaciwonaje ase nha cili wetumami wa Kilisito mono cakozwa i zinghani ze cinyele zo Mulungu.

Luganuzi Luswanu Kuli Wanhu Wose 2002

¹ Ale, u munhu yaciwonaje ase nha cili wetumami wa Kilisito mono cakozwa i zinghani ze cinyele zo Mulungu.

1 Wakolinto 4:1 Referans Kwoze

1 Petelo 4:10

Kanyhi anye wose munojeye mwitumamile cipegwa cono mwapegwa no Mulungu so cambuzi ca wanji, nha vyono u mukozwa muswanu we vipegwa hayo hayo vyo Mulungu.

Tito 1:7

Nayo Askofu vyono yo mulanjilizi wo mulimo wo Mulungu, holeka yimunojeye yawe munhu mono yasina yilema. Yalece kuwa mwidunhumuzi, hamba kuwa mukolwa ne likuwo mbela, hamba mukolwa ku wujimbi, hamba mufyuzi, hamba si musulumila cambuzi cono si ce lingʼani.

1 Timoteyo 3:9

hambi nha yiwanojeye kwibata ko mutima muswanu imbeka ya mugati yo wihuwilo.

2 Wakolinto 4:5

Hambi ase, nha si cikwiyiganula sese co weneco, langa se cikumuganula Kilisito mono yo Muwaha, nase nha cili wetumami wenyu kusoko ya Yesu.

Waefeso 6:19

Munombelaje na nene nha vivyo, lono nghuduwa, ho Mulungu yamhele cono nolonga, ho sume kuwamanyiza i wanhu sina woga, inghani yono yihundikwe yo Luganuzi Luswanu.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka yono yali hundikwe mu ndelo nyinji zono zapuluta.

Wakolosayi 4:3

Mucilombelaje na sese nha vivyo, u Mulungu ho yacipele i cilejeho co kuyiganulila i nghani yakwe Kilisito yono hundikwe. Alu ane nili mu jela ku soko ya yiyo.

Waefeso 1:9

U Mulungu yacifisiliza cicilya cono yali yatemizye, yakacimanyiza zo wuhile wakwe wono wali wihundice, wono yali yewikanize kuwufisiliza mu nzila ya Kilisito.

2 Wakolinto 12:6

Na hono nali nyende kwilumba, si nali niwe nili mulele hamba hadodo, hambi nha nali niwe nghulonga ze mbeka du. Ninga alu si nosuma kwilumba, hambi nha sinyendile munhu yunji yanyihweseze kuziza nha vyono yakumbona no kuhulika kulawa kuliʼne.

2 Wakolinto 11:23

Alo iwene wetumami wa Kilisito? Na nene ye, alu nhondo neza kulonga cimanghalukwale, ane nili mwitumami wa Kilisito kuciza wene. Ane netuma mulimo muzito muno muno, nadindilwa mu jela kali kenji muno, nghatowangwa kali kenji, sunga nghawa nili behi no kufwa kali kenji.

Luka 12:42

U Muwaha yakatya, “Nani mbi u mwitumami mwihuwilwa kanyhi we mahala? Yo yulya mono mutwawe komuwika kuwa mwitumami mu nyumba yakwe, ho yawagawile ndigwa mu cidaha cono cikwiliye?”

Matayo 24:45

Nayo Yesu, yakajendelela kulonga yakutya, “Alu nani mbi u mwitumami mwihuwilwa, kanyhi we mahala, mono muwaha wakwe komuwika, ho yawapele zindigwa iwanhu wakwe mucipango cono cinojeye?

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

1 Timoteyo 3:6

Kanyhi u munhu mono yakali sinakangala mu wihuwilo, yalece kunozwa kuwa mulongola mwi kanisa, ho yalece kumema wiwoni, no kulingʼanizwa na vyono setani yakalingʼanizwa.

2 Wakolinto 6:4

Langa cikuhila kwitajila nha vyono ase mbeka cili wetumami wo Mulungu muli zose, ko wukangalizi wuwaha mwipango lyo wutamiswe, mu magayo na mu wuciwa.

1 Wakolinto 4:13

na hono wakucivila ko wulambi, ase cikuwapitula kwe cogopo du. Sunga na lulu baha du, ase cikutendelwa nha cili makwe ge yinze du, sunga na kuli wanhu wose, ase cikwijela kotya nha cili cugulu ca takataka du!

1 Wakolinto 3:5

Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

1 Wakolinto 2:7

Imahala gono cikwitumamila ase, go mahala ge zinghani zo Mulungu zono hundikwe, imahala gono mahundikwe, go mahala gono u Mulungu yali yagatemizye ku wulawa ku mwamulizo, ku soko yo lukumyo lwetu.

Maluko 4:11

Nayo Yesu yakawatya, “Anye mupejigwe kumanya ze cinyele zo wutemi wo Mulungu, ninga kuli walya wono wali kunze, wolonjelwa zose mu vihwanicizo.

Matayo 13:11

Nayo Yesu yakawapitula yakawatya, “Anye mwapegwa u wumanye wa zo Mulungu zono zihundicigwe, ninga wene awa si wapegwa yaye.

Luka 8:10

Yakawatya, “Anye mupegwa kumanya zono zihundicigwe zo wutemi wo Mulungu, ninga kuli wanji, vyo si yinha. Langa wene walonjelagwa mu vihwanicizo, hono wakuwona, ho walece kuwona, na hono wakuhulika, ho walece kwizuka.”

Luka 1:2

Wakandika nha vyono calonjelwa na awalya wono wewonelela weneco kulawa mwamulizo, no kulwanza Luganuzi lulo.

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu we makungugo ganji wamuziza u Mulungu.

1 Wakolinto 4:2

Na hoyili nghani monga du yono yimunojeye u munhu wo wose mono yapegwa u mulimo wuwu, nayo yoyi, yawe mwihuwilwa.