1 Wakolinto 3:5 - I CILAGANE CIPYA 1991

⁵ Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

Luganuzi Luswanu Kuli Wanhu Wose 2002

⁵ Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

1 Wakolinto 3:5 Referans Kwoze

2 Wakolinto 6:4

Langa cikuhila kwitajila nha vyono ase mbeka cili wetumami wo Mulungu muli zose, ko wukangalizi wuwaha mwipango lyo wutamiswe, mu magayo na mu wuciwa.

2 Wakolinto 6:1

Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

1 Petelo 4:10

Kanyhi anye wose munojeye mwitumamile cipegwa cono mwapegwa no Mulungu so cambuzi ca wanji, nha vyono u mukozwa muswanu we vipegwa hayo hayo vyo Mulungu.

2 Wakolinto 3:6

hambi nha yo mweneco du mono yacipela u wusume wo kuwela i wetumami we cilagane Cipya, cono si cilagane co wulajilize wono mwandikwe, langa Cilagane co Muhe. Hambi u wulajilize wono mwandikwe, nha wuletaga yifwa, ningo Muhe, wuwumifyaga.

2 Wakolinto 11:23

Alo iwene wetumami wa Kilisito? Na nene ye, alu nhondo neza kulonga cimanghalukwale, ane nili mwitumami wa Kilisito kuciza wene. Ane netuma mulimo muzito muno muno, nadindilwa mu jela kali kenji muno, nghatowangwa kali kenji, sunga nghawa nili behi no kufwa kali kenji.

2 Wakolinto 4:7

Hamba nhavivyo, ase mono cina cico i ciwutwa co Muhe, cihwanile i viya vye lilongo, ho yijele calinze vyono i vilungo vivyo viwaha, vikulawa kuli Mulungu hamba si muli sese co weneco.

2 Wakolinto 4:5

Hambi ase, nha si cikwiyiganula sese co weneco, langa se cikumuganula Kilisito mono yo Muwaha, nase nha cili wetumami wenyu kusoko ya Yesu.

2 Wakolinto 3:3

Kanyhi yili calinze, nha vyono anye muli baluwa ya Kilisito yono yaletwa ne miwoko yetu. Ne baluwa yeneco siyandikwe ko wino aa, ngʼo, langa nyandikwe ko Muhe wo Mulungu mumi, hamba si nyandikwe mu cibanhi ceʼbwe, langa nyandikwe mu zinhumbula ze wanhu.

1 Wakolinto 3:10

Na mu witumamile i lihewa lyono u Mulungu yamhela, kanyhi nho muzenji muswanu, we mahala, nasuma kuwika musinji wono u munhu yunji, yakusuma kuzenga mucanyha yawo. Holeka yinojeye u munhu wo wose mono yakuzenga mucanyha yayo, yeze mulanjisi muno.

1 Wakolinto 12:28

Nayo u Mulungu yawika mwikanisa, walongozi, watumwa, we kejete, wawizi, we kadatu, wejizi, hanyuma yayo, yakawa kuwawika walya wono wena vipegwa vyo kunoza mapoto, kuponya, kutaza, walongola, na wono wakulonga nonga njenzi.

1 Wakolinto 9:17

Na hono nali niwe neyihagulila nene no mweneco u mulimo wuwu, haco nali niwe nanjiliye ho ndipwe musahala, ninga alu vyono nghuwituma u mulimo wuwu nha munhu mono nojeye niwitume, alu baho wo wutya, wo mulimo wangu du wono napegwa niwitume.

1 Wakolinto 3:7

Holeka alu mono yakuhadika, ayo si cinji yaye, hamba ayulya mono yakumwajilila i malenga, langa u Mulungu du yo yakwiliye, mono yakuyiwilusa i mbeyu.

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Luka 1:2

Wakandika nha vyono calonjelwa na awalya wono wewonelela weneco kulawa mwamulizo, no kulwanza Luganuzi lulo.

Matayo 25:15

Nayo yakawapela munhu mu nghango ye mahala gakwe, u mulongozi yakamupela silinje elufu makumi mejete neʼhano, na we kejete yakamupela silinje elufu ikumi, nayo we kadatu, yakamupela silinje elufu yihano, hodu u mwene yakawa kutuluka.

Wakolosayi 1:25

Nane nanozwa ho niwe mwitumami we likanisa, nha vyono winha u mulimo wo Mulungu wono yamhela so cambuzi cenyu, wuwikanize wo kuyiganula inghani yakwe ko wukwilanicile,

Waefeso 3:7

Ane nanozwa ho niwe mwitumami wo Luganuzi Luswanu ha nghango ye cipegwa ce lihewa lilya lyo Mulungu lyono napegwa ha nghango yo witume we vilungo vyakwe.

Metumo ge Watumwa 18:24

No Muyahudi yunji litagwa lyakwe Apolo mulelelwa ku Alekizandeliya, yakaza ku Efeso. Munhu mono yali yena nonga swanu kanyhi yali yena wizuce wuwaha wa mu Mandiko Gono Gelile.

Metumo ge Watumwa 19:1

Kukawa lono Apolo yali ku Kolinto, Pawulo yaza kukola ku zisi za kusumuka, yakafika ku Efeso, na kuko yakawagana wejizwa wanji.

Walumi 15:16

ho niwe mwitumami wa Kilisito kuli wanhu we makungugo. Wo mulimo wangu we cikohani kuwaganulila u Luganuzi Luswanu lo Mulungu, ho wanhu we makungugo ganji wawe yikumbiko lyono likuvumilwa no Mulungu, likumbiko lyono lyezigwe no Muhe Mono Yelile.

1 Wakolinto 3:22

Hono Pawulo, hamba Apolo, hamba Kefa, hamba yinze, hamba u wumipe, hamba lifwa, zinghani za lulu, hamba zono zikuza, zizi zose nha zenyu.

1 Wakolinto 16:12

Kuli ze ndugu yetu Apolo, ane nimunena muno muno ho yaze kwenyu, hamonga na wezindugu wanji, ninga mwene si yakwendela lukulu kuza kuko lulu, langa kolokuza du kolo yikusumika.

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

2 Wakolinto 5:18

Na zizi zose wo mulimo wo Mulungu mweneco kucilamula ase no mweneco mu nzila ya Kilisito, yakawa kucipela nase u mulimo wo kuwanoza wanhu welamule nayo.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

1 Timoteyo 1:12

Nghumulumba u Mutwa wetu Yesu Kilisito mono yamhela i vilungo ku soko yo mulimo wangu. Kanyhi nghomulumba vyono yambona ane nili mwihuwilwa, yakahagula nimwitumamile,