Yohaanisa 19:24 - Ooratha Caaquwa Goofatho

²⁴ Wotaaddareti, “Oona gakkaneekko, saama yegganaappe attin ma7uwa peedhokko” yaagidosona. Hessi haniday Geeshsha Maxaafan, “Ta ma7uwa shaakki ekkidosona; ta adussa ma7uwa bollaka saama yeggidosona” geetettidayssi polettana melassa. Hessa gisho, wotaaddareti hessa oothidosona.

Gofa New Testament

²⁴ Wotaaddareti, “Oona gakkaneekko, saama yegganaappe attin ma7uwa peedhokko” yaagidosona. Hessi haniday Geeshsha Maxaafan, “Ta ma7uwa shaakki ekkidosona; ta adussa ma7uwa bollaka saama yeggidosona” geetettidayssi polettana melassa. Hessa gisho, wotaaddareti hessa oothidosona.

ጌሻ ማፃፋ

²⁴ ዎታዳረት፥ “ኦና ጋካኔኮ፥ ሳማ የጋናፐ አትሽን፥ ማኡዋ ፔኮ” ያግዶሶና። ሄስ ሀንዳይ ጌሻ ማፃፋን፥ “ታ ማኡዋ ሻክ ኤክዶሶና፤ ታ አዱሳ ማኡዋ ቦላካ ሳማ የግዶሶና” ጌተትዳይስ ፖለታና መላሳ። ሄሳ ግሾ፥ ዎታዳረት ሄሳ ኦዶሶና።

Geeshsha Maxaafa

²⁴ Wotaaddareti, “Oona gakaneeko, saama yegganaape attishin, ma7uwa peedhoko” yaagidosona. Hessi haniday Geeshsha Maxaafan, “Ta ma7uwa shaaki ekidosona; ta adussa ma7uwa bollaka saama yeggidosona” geetetidaysi poletana melasa. Hessa gisho, wotaadareti hessa oothidosona.

ኦራ ጫቁዋ ጎፋ

²⁴ ዎታዳሬቲ፥ «ኦና ጋካኔኮ፥ ሳማ ዬጋናፔ ኣቲን ማዑዋ ፔኮ» ያጊዶሶና። ሄሲ ሃኒዳይ ጌሻ ማፃፋን፥ «ታ ማዑዋ ሻኪ ኤኪዶሶና፤ ታ ኣዱሳ ማዑዋ ቦላካ ሳማ ዬጊዶሶና» ጌቴቲዳይሲ ፖሌታና ሜላሳ። ሄሳ ጊሾ፥ ዎታዳሬቲ ሄሳ ኦዶሶና።

Yohaanisa 19:24 Referans Kwoze

Yohaanisa 19:28

Hessafe guye, Yesuusi ubbay ha77i polettidayssa eridi, Geeshsha Maxaafan xaafettidayssi polettana mela “Tana saamees” yaagis.

ሃዋሬታ ኦሱዋ 13:27

Ays giikko, Yerusalaamen de7iya asaynne entta halaqati Yesuusa eribookkona. Sambbaata ubban nabbabettiya nabeta qaala akeekiboonna gisho iya bolla pirddidi nabeti odida qaala polidosona.

Yohaanisa 10:35

Geeshsha Maxaafay merinaw laamettenna. Xoossay ba qaala immida asata, ‘xoossata’ gidi xeegikko,

Maatosa 27:35

Entti masqaliya bolla iya kaqqidayssafe guye iya afilaa shaakkidi, saama yeggidi ekkidosona.

Marqoosa 15:24

Entti masqaliya bolla iya kaqqidosona. Oona aybi gakkaneekko gidi iya afilaa shaakkidi saama yeggidosona.

Luqaasa 23:34

Yesuusi, “Ta aawaw, entti ay oothiyako eronna gisho neeni enttaw atto yaaga” yaagis. Entti iya afilaa bolla saama yeggidi shaakettidi ekkidosona.

Yohaanisa 13:18

“Taani hinttena ubbaa giikke; taani dooridayssata erays. Shin Geeshsha Maxaafan, ‘Ta barssidayssi ta kushiya saxxis’ geetettidayssi tuma gidanaw bessees.