ፍልጵስዩሳ 3:17 - Ooratha Caaquwa Goofatho

¹⁷ Ta ishato, tana daanite; hessadakka, nu leemisuwa kaalliya asata akeekidi be7ite.

Gofa New Testament

¹⁷ Ta ishato, tana daanite; hessadakka, nu leemisuwa kaalliya asata akeekidi be7ite.

ጌሻ ማፃፋ

¹⁷ ታ እሻቶ፥ ታና ዳንተ፤ ሄሳዳካ፥ ኑ ሌምሱዋ ካልያ አሳታ አኬክድ በእተ።

Geeshsha Maxaafa

¹⁷ Ta ishato, tana daanite; hessadaka, nu leemisuwa kaalliya asata akeekidi be7ite.

ኦራ ጫቁዋ ጎፋ

¹⁷ ታ ኢሻቶ፥ ታና ዳኒቴ፤ ሄሳዳካ፥ ኑ ሌሚሱዋ ካሊያ ኣሳታ ኣኬኪዲ ቤዒቴ።

ፍልጵስዩሳ 3:17 Referans Kwoze

ፍልጵስዩሳ 4:9

Hintte taappe tamaaridabaa, ekkidabaa, si7idabaanne be7idabaa ubbaa oothite. Sarotethaa immiya Xoossay hinttera issife gidana.

1 ቆሮንቶሳ 4:16

Hiza, hintte tana leemiso oothidi kaallana mela hinttena woossays.

1 ጰፅሮሳ 5:3

Hintte aawatethaafe garssan de7iya wudiyas leemiso giditeppe attin godatoppite.

2 ታሰሎንቀ 3:9

Nuuni hessa oothiday, hinttew leemiso gidanaassafe attin hinttefe maade oychchanaw nuus maati dhayina gidenna.

Ibraawe 13:7

Xoossaa qaala koyro hinttew odida hinttena kaaletheyssata qoppite. Entti waanidi de7idaakko entta duussaa be7idi entta ammanuwa kaallite.

1 ፅሞትዮሳ 4:12

Neeni yalaga gidiya gisho nena oonikka kadhoppo. Shin ammaneyssatas neeni odan, ooson, siiqon, ammanoninne geeshshatethan leemiso gida.

2 ታሰሎንቀ 3:7

Nuuda hanidi daanaw besseyssa hinttee, hintte huu7en ereeta. Nuuni hinttera de7iya wode ooso billibookko.

1 ቆሮንቶሳ 10:32

Ayhudeta gidin Giriketa gidin woykko Xoossaa woosa keethi gidin ooddeskka dhube gidoppite.

2 ታሰሎንቀ 3:14

Ha77i nuuni ha dabddaabbiyan kiittida kiitas kiitettonna asi oonikka de7ikko he uraa erite. I yeellatana mela iyappe shaakettite.

1 ተሰሎንቀ 1:6

Hintte daro meto ekkikokka Geeshsha Ayyaanay immiya ufayssan kiitaa ekkideta; nunanne Godaa daanideta.

Roome 16:17

Ta ishato, hintte tamaarida timirttiya ixxidi, hintte giddon shaaketethinne meto medhdhiya asatappe naagettite. Enttafe haakkite.

1 ቆሮንቶሳ 11:1

Taani Kiristtoosa leemisuwa kaalleyssada, hintteka tana kaallite.