1 ጰፅሮሳ 3:4 - Ooratha Caaquwa Goofatho

⁴ Shin hintte wozanaa giddon de7iya yegelsatethay Xoossaa sinthan hinttew daro al77o gididi dhayonna, ashkkenne woppu gida ayyaana gido.

Gofa New Testament

⁴ Shin hintte wozanaa giddon de7iya yegelsatethay Xoossaa sinthan hinttew daro al77o gididi dhayonna, ashkkenne woppu gida ayyaana gido.

ጌሻ ማፃፋ

⁴ ሽን ህንተ ዎዛና ግዶን ደእያ የገልሳተይ ፆሳ ስንን ህንተዉ ዳሮ አልኦ ግድድ ዮና፥ አሽከነ ዎፑ ግዳ አያና ግዶ።

Geeshsha Maxaafa

⁴ Shin hinte wozanaa giddon de7iya yegelsatethay Xoossaa sinthan hintew daro al7o gididi dhayonna, ashkenne wopu gida ayyaana gido.

ኦራ ጫቁዋ ጎፋ

⁴ ሺን ሂንቴ ዎዛና ጊዶን ዴዒያ ዬጌልሳቴይ ፆሳ ሲንን ሂንቴው ዳሮ ኣልዖ ጊዲዲ ዮና፥ ኣሽኬኔ ዎፑ ጊዳ ኣያና ጊዶ።

1 ጰፅሮሳ 3:4 Referans Kwoze

Qolaasiyasa 3:12

Hessa gisho, Xoossan doorettida asada geeshshatanne dosettidayssata gididi, maarotethaa, keehatethaa, ashkketethanne dandda7a ma77ite.

Roome 2:29

Shin tuma Ayhudetethi gaatha baggan Ayhude gideyssa. Tuma qaxxaretethi Xoossaa Ayyaanan oosettiya wozana qaxxaretethafe attin xaafettida higgiyan oosettiya asatetha qaxxaro gidenna. He uray galataa Xoossafe ekkeesippe attin asappe gidenna.

Maatosa 11:29

Taani ta wozanan ashkkenne aada gidiya gisho ta qambbaran gelite, taappe tamaarite; hinttee, hintte shemppuwas shemppo demmana.

Tito 3:2

Qassi entti oodde bollaka iita odettonna mela, saro asi gidana mela, ashkketanne asa ubbaas kadhetteyssata gidana mela zora.

Maatosa 23:26

Neno qooqe Farisaawiyaw, shaatiyasinne keriyas garssaa kasetada geeshsha. Hessafe guye, bolla baggayka geeshshi gidana.

Roome 7:22

Taani ta wozanan Xoossaa higgiyan ufayttays.

2 ቆሮንቶሳ 4:16

Hessa gisho, nuuni ufayssi qanxoko. Nu benttiya asatethay daaburishe biyabaa gidikkoka, nu ayyaana asatethay gallas gallas ooraxees.

1 ተሰሎንቀ 4:11

Nuuni kase hinttew odidayssada woppu gida de7uwa de7ite. Hinttee, hintte ooso oothidi hinttew duussas koshshiyabaa demmite.

Efesoona 4:2

Hintte ubba wode aadanne hayo gidite; issoy issuwa dandda7itenne siiqon de7ite.

1 ጰፅሮሳ 3:15

Kiristtoosa hintte wozanan bonchchitenne godayite. Xoossay hinttew immida ufayssaas gaaso oychchiya ooddeskka zaaro immanaw ubba wode giigi uttite, shin hessa ashkketethaninne yashshan oothite.

1 ፅሞትዮሳ 2:2

Nuuni tuma ayyaana de7oninne geeshshatethan Xoossaa goynnishe sarotethaninne woppu gida de7on daana mela kawotasinne shuumata ubbaas woossite.

Luqaasa 11:40

Hinttenoo, eeyato, kare baggaa medhdhidayssi gaatha medhdhiday iya gidenneyye?

Yayqooba 1:21

Hessa gisho, tuna hanotanne iitatetha ubbaa diggidi, Xoossay hintte wozanan tokkida hintte shemppuwa ashshanaw dandda7iya qaala aadatethan ekkite.

2 ፅሞትዮሳ 2:25

I baara eqetteyssata ashkketethan seereyssa gidanaw bessees. Entti bantta nagaraappe simmidi tumaa eranaada Xoossay oothaneekko ooni eri.

2 ታሰሎንቀ 3:12

Nuuni hessa mela asati maara de7o daanadanne banttana koshshiyabaa oothidi demmanaada Godaa Yesuus Kiristtoosa sunthan entta kiittosinne zoroos.

Maatosa 5:5

Bantta wozanan ashkketi anjjettidayssata, entti sa7aa laattana.

Roome 6:6

Nu hizappe nagaras aylle gidonna melanne nu nagaranchcho asatethaa wolqqay dhayana mela nu cima asatethay Kiristtoosara kaqettidayssa eroos.

Luqaasa 16:15

I, “Hinttee hinttena asa sinthan xilliseeta, shin Xoossay hintte wozanaa erees. Asa sinthan bonchchettidayssi Xoossaa sinthan borettidayssa.

1 ጰፅሮሳ 1:23

Hintte nam77antho yelettiday dhayaa zerethafe gidonnashin merinaw de7iya Xoossaa qaalan dhayonna zerethaafe yelettideta.

Qolaasiyasa 3:3

Hintte hayqon shaakettida mela ha alamiyappe shaakettideta. Hintte de7oy Kiristtoosara issife Xoossan geemmis.

Galatiya 5:23

ashkketethi, bana haaro. Hayssa melabata ixxiya higgey baawa.

2 ቆሮንቶሳ 10:1

Ta hinttera de7iya wode shugo, qassi hinttefe haakkiya wode nu bolla minnees yaagettida, Phawuloosi, keehanne ashkke gidida Kiristtoosa sunthan hinttena woossays.

Maatosa 21:5

“Xiyoone katamaas, ‘Hekko, ne kawoy ashkke gididi, hare bollanne hare mara bolla uttidi, neekko yees’ yaagite” yaagidi xaafidayssi polettana mela hessi hanis.

Roome 1:23

Entti hayqqonna Xoossaa goynnanayssa aggidi, hayqqiya asa medhon, kafota medhon, do7ata medhoninne ulora gooshettiyabata daanisidi oothida misileta goynnidosona.