ዮሃኒሳ ቆንጬ 5:13 - Gofa New Testament

¹³ Hessafe guye, sa7an, salon, sa7appe garssaninne abbaa giddon de7iya medhetetha ubbay, “Araata bolla uttidayssasinne Dorssas, galatay, bonchchoy, sabaynne wolqqay meri merinaw gido” yaagidi yexxishin si7as.

ጌሻ ማፃፋ

¹³ ሄሳፈ ጉየ፥ ሳአን፥ ሳሎን፥ ሳአፐ ጋርሳንነ አባ ግዶን ደእያ መተ ኡባይ፥ “አራታ ቦላ ኡትዳይሳስነ ዶርሳስ፥ ጋላታይ፥ ቦንቾይ፥ ሳብነ ዎልቅ፥ መር መርናዉ ግዶ” ያግድ የፅሽን ስአስ።

Geeshsha Maxaafa

¹³ Hessafe guye, sa7an, salon, sa7ape garsaninne abba giddon de7iya medhetethi ubbay, “Araata bolla uttidaysasinne Dorsaas, galatay, bonchoy, sabinne wolqi, meri merinaw gido” yaagidi yexishin si7as.

Ooratha Caaquwa Goofatho

¹³ Hessafe guye, sa7an, salon, sa7appe garssaninne abbaa giddon de7iya medhetethi ubbay, “Araata bolla uttidayssasinne Dorssas, galatay, bonchchoy, sabaynne wolqqay meri merinaw gido” yaagidi yexxishin si7as.

ኦራ ጫቁዋ ጎፋ

¹³ ሄሳፌ ጉዬ፥ ሳዓን፥ ሳሎን፥ ሳዓፔ ጋርሳኒኔ ኣባ ጊዶን ዴዒያ ሜቴ ኡባይ፥ «ኣራታ ቦላ ኡቲዳይሳሲኔ ዶርሳስ፥ ጋላታይ፥ ቦንቾይ፥ ሳባይኔ ዎልቃይ ሜሪ ሜሪናው ጊዶ» ያጊዲ ዬፂሺን ሲዓስ።

ዮሃኒሳ ቆንጬ 5:13 Referans Kwoze

ፍልጵስዩሳ 2:10

Saloninne sa7an, sa7appe garssan de7iya ubbay, Yesuusa sunthaa bonchchuwas gulbbatana.

ዮሃኒሳ ቆንጬ 5:3

Shin salon gidin sa7an woykko sa7appe garssan gidin he xaatha maxaafaa billanawunne gidduwa be7anaw dandda7ey oonikka benttibeenna.

ዮሃኒሳ ቆንጬ 5:12

He kiitanchchoti dhoqqu gida qaalan, “Shukettida Dorssay wolqqaa, duretethi, cinccatethinne minotethi, bonchcho, sabanne galataa ekkanaw bessees” yaagidosona.

Roome 11:36

Ubbaa I medhdhis; ubbay iyan de7ees; ubbay iya bonchchossa. Xoossaas merinaw bonchchoy gido. Amin7i.

1 ጰፅሮሳ 5:11

Merinaappe merinaa gakkanaw Xoossay kawoto. Amin7i.

Luqaasa 2:14

“Bonchchoy Xoossaas dhoqqa saluwan, saroy biitta bolla Xoossay dosiya asaas gido” yaagidi galatidosona.

ዮሃኒሳ ቆንጬ 6:16

Enttika zumaakkonne zaallako, “Nu bolla wodhdhite; nuna qosite; araatan uttidayssa ayfiyaappenne Dorssa hanquwafe nuna genthite.

Yihuda 1:25

nuna ashshiya issi Xoossaas, nu Godaa Yesuus Kiristtoosa baggara bonchchoy, gitatethi, wolqqinne maati, kasekka, ha77ika, merinawukka iyaw gido. Amin7i.

Roome 16:27

Yesuus Kiristtoosa baggara cinccatethi iya xalaalas de7iya, issi Xoossaas merinaw bonchchoy gido. Amin7i.

Roome 9:5

Entti yeletethan mayzata zare; qassi Kiristtoosi ashon entta zare gididi yis. Ubbaafe bolla gidida Xoossay merinaw galatetto. Amin7i!

ዮሃኒሳ ቆንጬ 5:6

Hessafe guye, shukettida Dorssay araatas, oyddu de7on de7iya medhetethatasinne cimatas giddon, eqqidayssa be7as. Iyaw laappun kacetinne laappun ayfeti de7oosona. Hessati sa7a ubbaa kiitettida Xoossaa laappun ayyaanata.

ዮሃኒሳ ቆንጬ 1:6

Nuuni Xoossaa iya Aawas oothana mela nuna kawotethaa kahine oothis. Iyaw merinaappe merinaa gakkanaw bonchchoynne wolqqay gido. Amin7i.

1 ጰፅሮሳ 4:11

Yesuus Kiristtoosa baggara ubbaban Xoossay galatettana mela oonikka odiyabaa gidikko Xoossaafe qaala ekkidaada odo. Qassi oonikka maaddiyabaa gidikko Xoossay iyaw immiya wolqqaada maaddo. Bonchchoynne wolqqay merinaappe merinaa gakkanaw iyaw gido. Amin7i.

Efesoona 3:21

woosa keethaninne Kiristtoos Yesuusan wode ubban merinaappe merinaa gakkanaw bonchchoy gido. Amin7i.

ዮሃኒሳ ቆንጬ 5:9

Entti, “Xaatha maxaafaa ekkanaw, maatamiya billanaw new bessees. Ays giikko, neeni shukettadasa; zerethi ubbaafe, dumma dumma doonappe, yaratappenne kawotethata ubbaafe ne suuthan Xoossaas wozadasa.

Qolaasiyasa 1:23

Hinttee, hintte ammanuwan qaaxxonna minnidinne xaphphidi daanaw bessees. Hintte Wonggelaa qaalaa si7ida wode ekkida ufayssaa minthi oykkite. He Wonggelay hintte si7idayssanne biitta ubban sabbakettidayssa. Ta, Phawuloosikka ha Wonggelaas oosanchcho gidas.

Maatosa 6:13

Nuna iitappe ashshafe attin paacen gelssofa. [Kawotethay, wolqqaynne bonchchoy merinaw neessa. Amin7i.]

1 ፅሞትዮሳ 4:16

Ne huu7esinne ne timirttiyas naageeta. Neeni hessa ubba wode oothiko nenanne nena si7eyssata ashshaasa.

Yohaanisa 1:29

Yohaannisi wonttetha gallas Yesuusi baakko yishin be7idi, “Alamiya nagara quchchiya Xoossaa Dorssay hayssa!

ዮሃኒሳ ቆንጬ 5:1

Hessafe guye, araata bolla uttidayssa ushachcha kushen giddoranne karera xaafettida laappun maatamen gorddettida xaatha maxaafaa be7as.

ዮሃኒሳ ቆንጬ 13:8

Alamey medhettosappe doomidi, shukettida Dorssa de7o maxaafan entta sunthay xaafettona ha sa7an de7iya asa ubbay he do7aas goynnana.