Efesoona 5:8 - Gofa New Testament

⁸ Kase hintte dhuman de7ideta, shin ha77i Godaa baggara poo7on de7eeta. Hiza, poo7o asada poo7on simerettite.

ጌሻ ማፃፋ

⁸ ካሰ ህንተ ማን ደእደታ፥ ሽን ሀእ ጎዳ ባጋራ ፖኦን ደኤታ። ህዛ፥ ፖኦ አሳዳ ፖኦን ስመረትተ።

Geeshsha Maxaafa

⁸ Kase hinte dhuman de7ideta, shin ha77i Godaa baggara poo7on de7eeta. Hiza, poo7o asada poo7on simeretite.

Ooratha Caaquwa Goofatho

⁸ Kase hintte dhuman de7ideta, shin ha77i Godaa baggara poo7on de7eeta. Hiza, poo7o asada poo7on simerettite.

ኦራ ጫቁዋ ጎፋ

⁸ ካሴ ሂንቴ ማን ዴዒዴታ፥ ሺን ሃዒ ጎዳ ባጋራ ፖዖን ዴዔታ። ሂዛ፥ ፖዖ ኣሳዳ ፖዖን ሲሜሬቲቴ።

Efesoona 5:8 Referans Kwoze

Yohaanisa 8:12

Qassika Yesuusi asaakko, “Taani alamiyas poo7o. Tana kaalliya oonikka de7o immiya poo7uwa ekkanaappe attin dhuman simerettena” yaagidi odis.

1 ዮሃንሳ 1:7

Shin poo7on I de7eyssada, nukka poo7on de7ikko, nuus woli giddon issifetethi de7ees. Iya Na7aa, Yesuusa suuthay nagara ubbaafe nuna geeshshees.

ሃዋሬታ ኦሱዋ 26:18

Neeni entta ayfiyaa dooyana, dhumappe poo7okko, Xalahe kusheppe Xoossako entta zaarana. Entti tanan ammanidi nagara atotethaa ekkana. Xoossay doorida asaa giddon bantta laata demmana’ yaagis.

Qolaasiyasa 1:13

I nuna dhuma wolqqaafe ashshidi ba dosiya na7aa kawotethaako nuna ehis.

Yohaanisa 12:46

Tana ammaniyaa ubbay dhuman doonna mela taani poo7o gidada alamiya yas.

Efesoona 4:18

Entta qofay dhumis; bantta wozanaa muumisidosona. Entti eratetha dhayoninne ixxas guussan Xoossay immiya de7uwappe haakkidosona.

Yohaanisa 12:36

Poo7o nayta gidana mela poo7oy de7ishin poo7uwa ammanite” yaagis. Yesuusi hessa odettidaappe guye bidi enttafe geemmis.

Efesoona 2:2

He wode hintte ha alamiya iita ogiya kaallideta. Carkkuwa bolla de7iya ayyaana wolqqata halaqaasinne ha77ika Xoossaas kiitettonna asaa haariya ayyaanas kiitettideta.

2 ቆሮንቶሳ 4:6

“Dhuman poo7oy poo7o” gida Xoossay, Kiristtoosa som77uwan poo7iya Xoossaa bonchchuwa eraa poo7uwa immanaw ba poo7uwa nu wozanan poo7isis.

Tito 3:3

Nuuni kase eeyata, kiitettonayssata, balettidayssata, dumma dumma asho ufayssasinne amos ayllettidayssata. Nuuni iitatethaninne qanaaten kumidayssata; nu ase ixxeyssata, asikka nuna ixxeyssata.

Luqaasa 16:8

Keethaaway ammanettiboonna shuumaa iya bilaamatethaas nashshis. Ha alamiya nayti ase oythan poo7o naytappe aadhdhida wozanaamata.

Efesoona 6:12

Nu olay asara gidonnashin, salon de7iya tuna ayyaana olanchchotara, maata aawatara, haareyssataranne ha dhuma alamiya wolqqatara.

2 ቆሮንቶሳ 3:18

Nuuni ubbay kametiboonna som77on Godaa bonchchuwa be7ana. Nuuni Ayyaana gidida Godaa malaa daananaw bonchchofe bonchchon laamettana.

Luqaasa 1:79

Hessika dhumaninne, hayqo kuya garssan de7eyssatas poo7isanaassa, nu tohuwakka saro ogiyakko zaaranaassa” yaagis.

2 ቆሮንቶሳ 6:14

Ammanonna asaara bessonna ogen waaxettofite. Xillotethasinne nagaras aybi gaytethi de7ii? Poo7osinne dhumas aybi issifetethi de7ii?

1 ቆሮንቶሳ 1:30

Shin Xoossay hinttew Kiristtoos Yesuusara issifetethi daana mela oothis. I nuus Xoossaafe cinccatethi, xillotethi, geeshshatethinne atotethi gidis.

Roome 2:19

Neeni qooqeta kaaletheyssa, qassi dhuman de7eyssatas poo7o gideyssa shaakka eraasa.

Yohaanisa 1:9

Asa ubbaas poo7isiya tuma poo7oy alamiya yees.

Maatosa 4:16

dhuman de7iya derey, wolqqaama poo7o be7is. Hayqo kuya biittan, de7eyssatas poo7oy keyis” yaagidi odettida qaalay polettana melassa.

Galatiya 5:25

Nu Ayyaanan de7iyabaa gidikko, nuna Ayyaanay kaaletho.

Roome 1:21

Entti Xoossaa erishe, iya bonchchibookonanne galatibookkona. Entta qofay maaddonnabaa gidis; entta akeekonna wozanay dhumis.

Efesoona 5:2

Kiristtoosi nuna dosidi bana nu gisho Xoossaas sawiya imonne yarshsho oothidi immidayssada hintteka siiqon de7ite.

ሃዋሬታ ኦሱዋ 17:30

Hessa gisho, Xoossay kase wode asay eronna oothidayssa aggidi aadhdhis, shin ha77i ubbason de7iya asi ubbay nagaraappe simmana mela kiittees.

Maatosa 3:8

Hiza, hinttee, hintte nagaraappe simmidayssa erisiyabaa oothite.

Yohaanisa 12:35

Yesuusi, “Poo7oy hinttera guutha wode gam77ana. Hinttew dhumonna mela poo7oy de7ishin, poo7uwan hamuttite. Dhuman hamuttiya asi aw biyakko erenna.

Roome 13:12

Dhuma wodey aadhdhanaw hanees; wonttay matis. Hiza, nuuni dhuma ooso aggidi poo7o ola miishe oykkoos.

Qolaasiyasa 1:12

Qassi geeshshata poo7o kawotethaa laattana mela hinttena oothida Aawa galatite.