ሃዋሬታ ኦሱዋ 19:17 - Gofa New Testament

¹⁷ Efesoonan de7iya Ayhudetinne Ayhude gidonnayssati ubbay hessa si7idi daro yayyidosona. Godaa Yesuusa sunthay daro bonchchettis.

ጌሻ ማፃፋ

¹⁷ ኤፈሶናን ደእያ አይሁደትነ አይሁደ ግዶናይሳት ኡባይ ሄሳ ስእድ ዳሮ ያይዶሶና። ጎዳ የሱሳ ሱንይ ዳሮ ቦንቸትስ።

Geeshsha Maxaafa

¹⁷ Efesoonan de7iya Ayhudetinne Ayhude gidonnaysati ubbay hessa si7idi daro yayyidosona. Godaa Yesuusa sunthay daro bonchetis.

Ooratha Caaquwa Goofatho

¹⁷ Efesoonan de7iya Ayhudetinne Ayhude gidonnayssati ubbay hessa si7idi daro yayyidosona. Godaa Yesuusa sunthay daro bonchchettis.

ኦራ ጫቁዋ ጎፋ

¹⁷ ኤፌሶናን ዴዒያ ኣይሁዴቲኔ ኣይሁዴ ጊዶናይሳቲ ኡባይ ሄሳ ሲዒዲ ዳሮ ያዪዶሶና። ጎዳ ዬሱሳ ሱንይ ዳሮ ቦንቼቲስ።

ሃዋሬታ ኦሱዋ 19:17 Referans Kwoze

2 ታሰሎንቀ 1:12

Hessan nu Xoossaanne nu Godaa Yesuus Kiristtoosa aadho keehatethan, Godaa Yesuusa sunthaa hintte bonchchana; hinttenakka I bonchchana.

2 ታሰሎንቀ 3:1

Wurssethan nu ishato, Godaa qaalay hintte giddon ellesidi aakkanaadanne bonchchettanaada nuus woossite.

ፍልጵስዩሳ 1:20

Ta gita amoynne ufayssan naagiya naagoy ta yeellatonna attanayssa. Shin ubba wode ootheyssada, ha77ika taani paxa de7in woykko hayqqin yayyonna ta kumetha asatethan Kiristtoosi bonchchettana gada minotethan odays.

ሃዋሬታ ኦሱዋ 13:12

Deriya ayseyssi hessa be7ida wode Godaaba tamaarsseysan malaalettidi ammanis.

ሃዋሬታ ኦሱዋ 5:11

Kumetha woosa keethaynne hessa si7ida hara asay ubbay daro yayyidosona.

ሃዋሬታ ኦሱዋ 5:5

Hananey he qaala si7ida mela kunddidi hayqqis; hessa si7ida ubbay daro yayyis.

ሃዋሬታ ኦሱዋ 18:19

Entti Efesoona gakkida wode Phawuloosi Phirisqilonne Aqiila yan aggis. Shin baw Ayhude Woosa Keethi gelidi Ayhudetara odettis.

ሃዋሬታ ኦሱዋ 5:13

Hara asappe enttara gayttanaw issi asikka minnibeenna, shin asay entta bonchchees.

ሃዋሬታ ኦሱዋ 2:43

Hawaareta kushen daro oorathabaynne malaati oosettiya gisho asa ubbay yayyidosona.

Luqaasa 7:16

Asa ubbay yashettidi, “Gita nabey nu giddon denddis; Xoossay ba asaa be7is” yaagidi Xoossaa galatidosona.

Luqaasa 1:65

Shooroti ubbay yashshan kumidosona. Ha hanidabay geze Yihuda biittan odettis.

ሃዋሬታ ኦሱዋ 18:21

Enttafe shaakettishe, “Taani yaa baaliya Yerusalaamen bonchchanaw bessees. Shin Xoossi giikko hintteko simma yaana” yaagidi Efesoonappe markkabiyan bis.

ሃዋሬታ ኦሱዋ 19:1

Aphiloosi Qoronttoosan de7ishin, Phawuloosi qommo baggara aadhdhidi Efesoona bis. Yan issi issi ammaniyaa asata demmis.

ሃዋሬታ ኦሱዋ 19:16

Tuna ayyaanay oykkida addey entta bolla guppi wodhdhidi, entta madunxisidi, he keethafe kallo baqatana gakkanaw wolqqaamis.

ሃዋሬታ ኦሱዋ 19:18

Ammaneyssatappe daroti bantta oothida iita oosuwa paaxishenne qonccen odishe yoosona.