1 ዮሃንሳ 1:2 - Gofa New Testament

² He de7oy qonccin, nuuni iya be7idi, iyabaa markkattoos. Aawa matan de7iya nuus qonccida, merinaa de7uwabaa hinttew awaajjos.

ጌሻ ማፃፋ

² ሄ ደኦይ ቆንጭን፥ ኑኒ እያ በእድ፥ እያባ ማርካቶስ። አዋ ማታን ደእያ ኑስ ቆንጭዳ፥ መርና ደኡዋባ ህንተዉ አዋጆስ።

Geeshsha Maxaafa

² He de7oy qoncin, nuuni iya be7idi, iyabaa markatoos. Aawa matan de7iya nuus qoncida, merinaa de7uwabaa hintew awaajos.

Ooratha Caaquwa Goofatho

² He de7oy qonccin, nuuni iya be7idi, iyabaa markkattoos. Aawa matan de7iya nuus qonccida, merinaa de7uwabaa hinttew awaajjos.

ኦራ ጫቁዋ ጎፋ

² ሄ ዴዖይ ቆንጪን፥ ኑኒ ኢያ ቤዒዲ፥ ኢያባ ማርካቶስ። ኣዋ ማታን ዴዒያ ኑስ ቆንጪዳ፥ ሜሪና ዴዑዋባ ሂንቴው ኣዋጆስ።

1 ዮሃንሳ 1:2 Referans Kwoze

1 ዮሃንሳ 5:20

Nuuni tuma Xoossaa eranaada Xoossaa Na7ay yidayssanne nuus akeeka immidayssa eroos. Nuuni iya na7aa, Yesuus Kiristtoosa baggara tuma Xoossan de7oos. Yesuusi tuma Xoossaanne merinaa de7uwa.

Yohaanisa 1:4

Iyan de7oy de7ees; he de7oy asaas poo7o.

1 ፅሞትዮሳ 3:16

Nu ammanuwa xuuray sidhey baynna gita. Kiristtoosi asho ma7idi qonccis. Iya tumatethaa Geeshsha Ayyaanay markkattis. Kiitanchchotas benttis; I kawotetha ubbaas sabbakettis. Alamen de7iya asan ammanettis; bonchchon salo ekettis.

Yohaanisa 17:3

Merinaa de7oy, nena, issi tuma Xoossaanne ne kiittida Yesuus Kiristtoosa ero.

1 ዮሃንሳ 5:11

Hiza, markkatethay hayssa; Xoossay nuus merinaa de7o immis; he de7oykka iya Na7an de7ees yaageyssa.

1 ዮሃንሳ 3:8

Xalahey koyroppe nagara oothida gisho nagara ubba wode oothiya oonikka Xalahe dabbo. Hessa gisho, Xoossaa Na7ay Xalahe ooso dhayssanaw qonccis.

Tito 1:2

He ammanoynne eratethay merinaa de7uwa ufayssaa bolla zemppis. Hessa daro wodeppe sinthe worddotonna Xoossay nuus immana gidi qaala gelis.

Yohaanisa 14:6

Yesuusi zaaridi, “Ogey, tumaynne de7oy tana. Ta baggara gidonna ixxiko oonikka ta Aawakko baanaw dandda7enna.

1 ዮሃንሳ 3:5

Kiristtoosi asaa nagara dhayssanaw qonccidayssa hintte ereeta; iyan nagari baawa.

2 ፅሞትዮሳ 1:10

Ha77i ha aadho keehatethay nuna ashshiya Kiristtoos Yesuusa yuussan qonccis. I hayqo wolqqaa dhayssidi, Wonggelaa baggara dhayonna de7o nuus qonccisis.

Galatiya 4:4

Shin wodey gakkida wode Xoossay higgefe garssan, maccasappe yelettida ba na7aa kiittis.

Yohaanisa 15:27

Hintteka koyroppe doomidi taara de7iya gisho tabaa markkattana.

ሃዋሬታ ኦሱዋ 3:15

De7uwa immeyssa hintte wodhideta, shin Xoossay hayqoppe iya denthis. Hessas nuuni markka.

1 ጰፅሮሳ 5:1

Hiza, woosa keethaa cimatara cima gididayssi, Kiristtoosa waayiya markkatteysinne qonccanaw de7iya bonchchuwa shaakettanaw de7iya taani, hintte giddon de7iya cimata zorays.

Roome 8:3

Nu nagara asatethaa gaason, higgey daaburanchcho gidiya gisho nuna ashshanaw dandda7ibeenna. Xoossay ba na7aa nagaranchcho asa leemison nagaras yarshsho gidana mela kiittidi hessa oothis. Yaatidi, Xoossay Kiristtoosa ashuwa baggara nagara, nagaranchcho asa giddon pirddis.

ሃዋሬታ ኦሱዋ 10:41

He qonccethay Xoossay koyro doorida markkatassafe attin asa ubbaas gidenna. I hayqoppe denddidaappe guye iyara midanne uyida.

ሃዋሬታ ኦሱዋ 5:32

Hessas nuuni markka; qassi Xoossay bana ammaneyssatas immida Geeshsha Ayyaanaykka markka” yaagidosona.

ሃዋሬታ ኦሱዋ 2:32

“Xoossay, ha Yesuusa hayquwappe denthidayssas nuuni ubbay markka.

ሃዋሬታ ኦሱዋ 1:22

qassi Xammaqiya Yohaannisa wodiyappe doomidi Godaa Yesuusi salo bida gallas gakkanaw nuura de7eyssatappe issi asi iya dendduwas nuura markka gidanaw bessees” yaagis.

Yohaanisa 21:14

Yesuusi hayqoppe denddidi ba tamaaretas qonccishin hayssi heedzantho.

Yohaanisa 17:5

Ha77ika, Aawaw, alamey medhettanaappe sinthe ne matan taw de7iya bonchchuwan tana bonchcha.

Yohaanisa 16:28

Taani Aawa matappe ha alamiya yas; qassi alamiya aggada Aawakko baana” yaagis.

Yohaanisa 8:38

Taani ta Aaway tana bessidayssa odays, shin hintteka hintte aawappe si7idayssa ootheeta” yaagis.

Yohaanisa 7:29

Shin taani I kiittin iya matappe yida gisho iya erays” yaagis.

Yohaanisa 3:13

Saloppe wodhdhida Asa Na7aappe attin salo keyiday oonikka baawa; [salon de7iya Asa Na7ay tana]” yaagis.

Yohaanisa 1:18

Xoossaa be7ida asi oonikka baawa; ba Aawa matan de7iya issi Na7aa xalaali baw Xoosse gididayssi iya qonccisis.

1 ዮሃንሳ 1:1

Nuuni koyroppe doomidi de7iya, nu haythan si7ida, nu xeellida, ayfiyaan be7ida, nu kushiyan bochchida de7o qaalabaa hinttew xaafoos.

Yohaanisa 10:28

Taani enttaw merinaa de7uwa immays; entti ubbarakka dhayokkona. Oonikka ta kusheppe entta bonqi ekkanaw dandda7enna.

Yohaanisa 19:35

Hintte ammanana mela hessa be7idayssi markkattis. Iya markkatethayka tuma. Qassi I odeyssi tuma gideyssa erees.

1 ዮሃንሳ 2:25

Na7ay nuus merinaa de7uwa immana gidi qaala gelis.

1 ዮሃንሳ 4:2

Xoossaa Ayyaana gideyssa hintte hayssan erana; “Yesuus Kiristtoosi ase gididi yidayssa markkattays” giya ayyaana ubbay Xoossaafe yees.

1 ዮሃንሳ 4:14

Aaway ba Na7aa, ha alamiya ashsheyssa gidana mela kiittidayssa nuuni be7idi markkattoos.

1 ዮሃንሳ 5:13

Xoossaa Na7an ammaniyaa hinttew merinaa de7oy de7eyssa hintte erana mela hayssa hinttew xaafas.