ሶፎናሳ ቲንቢቴ 3:8 - Geeshsha Maxaafa

⁸ GODAY, «Hessa gishshas ta pirdana gallassay gakkanaas diishshite; tani dere asanne kawota shiishshanaas qachchadis. Tani ta mino hanqoza istta bolla gussanaas qachchadis. Ta hanqo taman kumeththa biittay eexxana.

ጋሞ ማጻፋ

⁸ ጎዳይ፥ «ሄሳ ጊሻስ ታ ፒርዳና ጋላሳይ ጋካናስ ዲሺቴ፤ ታኒ ዴሬ ኣሳኔ ካዎታ ሺሻናስ ቃቻዲስ። ታኒ ታ ሚኖ ሃንቆዛ ኢስታ ቦላ ጉሳናስ ቃቻዲስ። ታ ሃንቆ ታማን ኩሜ ቢታይ ኤጻና።

ሶፎናሳ ቲንቢቴ 3:8 Referans Kwoze

ኢዩኤሌ ቲንቢቴ 3:2

Tani kawoteththata ubbaa shiishshada duge Iyoosaafixe zulle woththana; heenkka ta istta bolla pirdana; gaasoykka ta dere Isra7eele asaa kawoteththata giddon laallidi istti biitta gishetti ekkida gishshassa.

ሶፎናሳ ቲንቢቴ 1:18

GODAA bashsha gallas istta biraynne worqqay istta ashshanaas dandayenna. Biittay kumeth iza hanqon dhayana; iza zil7eteththa suulen biitta ubbay xuugettana; biitta bolla diza ubbaa bolla qoppontta dishin wurseth ehana» gees GODAY.

ሚኪያሳ ቲንቢቴ 7:7

Tani gidikko Xoossa hidota ooththays; tana ashshida ta Xoossaa naagays; ta GODAYKKA taas siyana.

ዬ ማጻፋ 27:14

GODAAN ammanetta; minna, hidota qanxxofa, GODAAN ammanetta.

2ጴጽሮሳ ኪታ 3:10

Godaa gallassay qasse kayso yeeththa mala qoppontta dishin gakki wodhdhana; he gallas saloti gita giirissan aadhdhana; medheteththi wurikka taman xuugetti dhayana; biittaynne iza bolla dizaazi wurikka xuugettana.

ዮሃኒሳ ኣጁታ 16:14

Heyti malaatata ooththiza daydanththa ayanata. Heyti ayanati Ubbaa Dandayza Godaa gita gallas hanana olas asaa shiishshanaas alame kawoti dizaso ubbaa baana.

Maatosa 25:32

Derey wuri iza sinththi shiiqana; izikka mehe heemmizaadey deysh dorsafe qori shaakkiza mala asaa issaa issaafe qori shaakkana.

ኢምባቆ ቲንቢቴ 2:3

Ne ajjuutazi baas imettida wode naagees; izikka wurseththa gishshas yootees, wordotenna. Gam7ana misatikkoka naaga; izi tumappe yaana; mulekka gam7enna.

ሆሴኤ ቲንቢቴ 12:6

Hessa gishshas ne Xoossako simma; siiqonne tumu pirda lo7eththa oykka; ubba wode ne Xoossan ammanetta.

ኢሳያሳ ቲንቢቴ 30:18

Gido attiin GODAY inttes kiya ooththanaas naagees; inttena ba qadheteththa bessanaas dendees; GODAY tumu pirdiza Xoossa gidida gishshas ammanettidi iza naagizayti anjjettidayta.

Siiqo Saba 8:6

Mernaa siiqon ne wozinan tana woththa; tana xalla ne qese bolla maatame mala shoca; ays giikko siiqoy hayqo mala mino; qanaatey duufo mala menxe iita; izi lacoykka tama laco mala popol7u gees.

ሌሚሶ ማጻፋ 20:22

Neessi iita ooththida asas, «tani izas halo kessana» gooppa; GODAAN ammanettada naaga; izi nena ashshana.

ዬ ማጻፋ 123:2

Ashkaray ba godaa kushe xeelliza mala, ashkarayakka ba godattey kushe xeelliza mala, nunikka izi nuna maarana gakkanaas nu GODAAKKO pude xeelloos.

ዬ ማጻፋ 62:5

Ta shemppoyee! Woppu gaada Xoossa xalla naaga; taas hidotay izappe yaana.

ዬ ማጻፋ 62:1

Ta shemppoya Xoossan xalla shemppo demmawus; taas atoteththi izappe yees.

ዬ ማጻፋ 37:34

GODAA hidota ooththa; iza azazokka naaga; izi nena biitta laatissana; zaaridikka bonchchana; iita asati dhoommi dhayshin ne beyana.

ዬ ማጻፋ 37:7

GODAA sinththan co7u gaada izi ooththana gakkanaas dandayan naaga; iita asati duretikkonne istta qofay polettiko ne istta bolla yiillotoppa.

ዬ ማጻፋ 12:5

GODAY, «Hiyeesati un7ettida gishshassinne, metotanchchata waaso gishshas ha7i tani dendana; tani istti amottiza saroteththan istta woththana» gees.

ዮሃኒሳ ኣጁታ 16:1

Hessafe guye laappun kiitanchchata, «Intte biidi Xoossa hanqo oykkida laappun xuu7ata duge biitta bolla gussite!» giza gita qaalay Xoossa Keeththafe kezishin ta siyadis.

ዬ ማጻፋ 79:5

Abeet GODAWU! Hayssi awude gakkanaas hananee? Neni mernaas hanqettanee? Ne qanaatey tama mala eexxishe de7anee?

ዬ ማጻፋ 79:6

Nena erontta dereta bollanne ne sunththa xeygontta kawoteththata bolla ne hanqoza gussa.

ኢሳያሳ ቲንቢቴ 14:26

Sa7a ubbaas qofettida qofay hayssa; kawoteththata ubbaa bollan micettida kushey hayssa.

ኤርማሳ ቲንቢቴ 10:25

Yaaqoobe mulera mi mittidayta bollanne ne sunththaa xeygontta asata bolla guussa. Iza duussasokka kayzisida gishshas neni ne hanqoza nena erontta dereta bollanne ne sunth xeygontta kawoteththata bolla gussa.

ሃጌ ቲንቢቴ 2:22

Kawota ta istta araataappe diggana; allaga kawotas diza wolqqa ta dhayssana; para-gaaretanne istta toganchchata ta shira yeggana; paratinne para toggizayti issoy issaara bantta giddon hayqettana.

ኢሳያሳ ቲንቢቴ 34:2

GODAY kawoteth ubbaa hanqettides; iza hanqoyka iza olanchchata ubbaa bollana. Izi istta mulera dhayssana; shukaska aaththi immana.

ኢሳያሳ ቲንቢቴ 63:6

Ta hanqon kawoteththata yedhdhadis; ta bashshan istta maththosadis; istta suuththaaka biittan gussadis» gaana.