ሶፎናሳ ቲንቢቴ 3:18 - Geeshsha Maxaafa

¹⁸ «Bonchcho ba7aale gallassati attida gishshas neni muuzottidayssanne, nees tooho gidida yeellaa ta neeppe diggana.

ጋሞ ማጻፋ

¹⁸ «ቦንቾ ባኣሌ ጋላሳቲ ኣቲዳ ጊሻስ ኔኒ ሙዞቲዳይሳኔ፥ ኔስ ቶሆ ጊዲዳ ዬላ ታ ኔፔ ዲጋና።

ሶፎናሳ ቲንቢቴ 3:18 Referans Kwoze

ሂዚቄላ ቲንቢቴ 36:24

« ‹Tani inttena kawoteththata giddofe kessana; dere ubbaafe ta shiishshana. Histtada inttena intte biitta zaara ehana.

ኤርማሳ ዚላስ 1:4

Oonikka izi ba7aaleta bonchchanaas yontta gishshas Xiyoone ogeti yeekkeettes; izi pengetara gelizaynne kezizay deenna; izi qeeseti ceeceettes; geela7otikka muuzotteettes; izakka gita meto garsan tuggatawus.

ሶፎናሳ ቲንቢቴ 3:20

He wode ta inttena shiishshana; intte dere ta inttena zaarana. Intte intte ayfera beyishin, inttefe di7ettida miishshaa ta inttes zaariza wode biitta bolla diza dere ubbaa sinththan ta inttes sabanne bonchcho immana» gees.

ሆሴኤ ቲንቢቴ 9:5

Histtiin intte dumma dumma ba7aale gallassataninne GODAA ba7aale gallassatan ay ooththeetii?

ሆሴኤ ቲንቢቴ 1:11

He wode Yuhuda asaynne Isra7eele asay simmidi issino gidana. Nam7ati banttana ayssanaade issi as doorana. Qasseka istti bantta deren dichchaninne dureteththan de7ana. Izra7eele gallassay gita gidana.

ሂዚቄላ ቲንቢቴ 34:13

Kawoteththata giddofe ta istta kessana; derey dizasoppe ta istta shiishshana; ta istta istta biitta zaara ehana; Isra7eele zumata bolla, shaafata lanqeninne biittay bolla duussaso ubbaan ta istta heemmana.

ኤርማሳ ዚላስ 1:7

Yerusalaamey metotida wodeninne waayettida gallassatan kase izis diza aqota yuushsha qoppawus; iza morkke kushen kundida wode izo maaddizay oonikka baynda wode, izi morkketi izi kundeththaa be7idi izi bolla miiccida.

ኤርማሳ ቲንቢቴ 23:3

Hessafe guye ta wudeppe attidayta kase ta goodda yeddida dere ubbaafe tani tarkka shiishshada kase ta heemmizasoho zaara ehana; isttika hessan yelettidi corattana.

ዬ ማጻፋ 43:3

Ne poo7onne ne tuma taas kiitta; istti tana kaaleththetto; pude geeshsha zuma bolla ne dizaso tana gaththetto.

ሂዚቄላ ቲንቢቴ 9:4

GODAY xeygidi iza, «Yerusalaame katama ubbaa baada izi giddon oosettida harassiza eeqa xoossata gishshas mishettidi yeekkiza asata liiphe bolla malata woththa» gides.

ዬ ማጻፋ 79:4

Nu shoorotas nuni qilccas gididos; nu heeran dizaytas qidhessinne miichchas attidos.