ሶፎናሳ ቲንቢቴ 2:15 - Geeshsha Maxaafa

¹⁵ Kase ufayssan diza katamaya hanno; izakka ba wozinan, «Ta xalla days; taappe haray oonikka deenna» gidaara histtiin ha7i waanada wora do7ati guurizaso bazzo biitta gida attadee? Izi achchara aadhdhi biza ubbay izo qidhishe ba kushe wuxxees.

ጋሞ ማጻፋ

¹⁵ ካሴ ኡፋይሳን ዲዛ ካታማያ ሃኖ፤ ኢዛካ ባ ዎዚናን፥ «ታ ጻላ ዳይስ፤ ታፔ ሃራይ ኦኒካ ዴና» ጊዳራ ሂስቲን ሃኢ ዋናዳ ዎራ ዶኣቲ ጉሪዛሶ ባዞ ቢታ ጊዳ ኣታዴ? ኢዚ ኣቻራ ኣ ቢዛ ኡባይ ኢዞ ቂሼ ባ ኩሼ ዉጼስ።

ሶፎናሳ ቲንቢቴ 2:15 Referans Kwoze

ሂዚቄላ ቲንቢቴ 28:2

«Haysso asa nawu! Xiroose halaqas Ubbaa Haariza GODAY: «Ne wozinay otoron kumidi, ‹Tani xoossa; xoossa araatan abbaas giddo addan uttadis› gides. Aykkoska neni tani xoossa mala aadho eranchcha ga qoppikokka neni asa attiin xoos daakka.

ናሆሜ ቲንቢቴ 3:19

Ne madunth paththana dandayzay deenna; neni hayqos gaththiza meqo meqqadasa; ne gishshas siyida ubbay ne kundeththaan ufayetti kushe baqqana; zaway baynda ne menxe iitateththi bochchonttay oonee?

ኢሳያሳ ቲንቢቴ 22:2

Hanne wocamay kumida katamayee! Shiroynne dirbbay kumida katamayee! Neeppe hayqqidayti mashshan hayqqibeettenna; woykko olan hayqqibeettenna.

ሂዚቄላ ቲንቢቴ 28:9

Histtiin neni nena wodhizayta sinththan, ‹Tani xoossa› gaandii? Nena wodhizayta kushen ne gelashe neni asa attiin xoos daakka.

ኤርማሳ ዚላስ 2:15

Ne achchara aadhdhi biza ubbay ne bolla ba kushe baqqi kaa7ana; biitta ubbaan aadho lo7o geetettiza katamayanne dere ubbay ufayettiza katamaya hanii?» gaana; qidhishekka ba hu7e qaaththana.

ኤርማሳ ዚላስ 1:1

Kase izin daro kawoteththay diza katamaya waanada oletta attadee! Dereta giddon kase gita gididaara waanada am7i mala gidadee! Awuraajjata garsan godatto gididaara ha7i waanada aylle gidadee!

ኤርማሳ ቲንቢቴ 19:8

Tani ha katamayo mulera dhayssana; miichchaska kessana; izi matara aadhdhiza asay ubbay hanno pala! gi qidhi kaa7ana.

Maatosa 27:39

Ogera aadhdhi biza asay cayishenne hu7e qaaththishe, «Xoossa Keeththaa laallada heedzdzu gallassan zaara keexxana gizayssoo! Ane nena ashsha; ne Xoossa Naa gidikko ane masqaleza bollafe wodhdha» gida.

ሂዚቄላ ቲንቢቴ 29:3

Neni izas Ubbaa Haariza GODAY, «Shaafa haaththa giddon ichchida haysso gita do7azoo! Gibxe kawo Paaroone! Ta ne bolla dendadis; ‹Abbaye shaafay tayssa; tani taas medhdhadis› gaasa.

ሂዚቄላ ቲንቢቴ 27:36

Hara kawoteththata giddon diza zal7anchchati ne bolla ay keena wayqidoo! ne wurseththay daganththizaaz gidides; ne mernaas beettaka» gides.

ኤርማሳ ዚላስ 2:1

GODAY Xiyoone macca nayo ba hanqon wostti kawushshidee! Isra7eele bonchcho saloppe duge sa7an yeggides; izi ba hanqo gallas ba toho shempisizaso gididaaro zaari qoppanaas koyibeenna.

ኢሳያሳ ቲንቢቴ 32:9

Intteno otoroy tuccida maccassatoo! Dendite; ta gizaaz siyite; intteno badhdhi gi uttida macca naytoo! tani inttes yootizayssa ezgite.

ኢዮቤ ማጻፋ 27:23

Carkozi iza bolla kushe baqqides; izi dizasoppe wayqeththan pixiri yeggides.

ኢዮቤ ማጻፋ 16:4

Intte ta sozan gidiin tani intte sohon gididaakko kadhen tani hu7e qaaththada ha7i intte gizayssa ubbaa intte bolla lo7eththa haasayanakkoshin.

ኢሳያሳ ቲንቢቴ 32:11

Intteno otoroy tuccida maccassatoo! Kokkorite. Intteno badhdhi gida macca naytoo! Hirgan gajigajite. Intte may7ida may7o qaari yeggite; intte xeessan maaqa danccite.

ኢሳያሳ ቲንቢቴ 32:14

Miixati kayzana; daro shirotiza katamaya dimmi gaana; miixatinne qatoti mernaas gongolo, hardidati guppizasohonne wudey heemettizaso gidana.

ኤርማሳ ቲንቢቴ 18:16

Istta biittay bulanne mernaas kadhettidaaz gidana; heera aadhdhiza ubbay malalettana; ba hu7ekka qidhishe qaaththana.

ኢሳያሳ ቲንቢቴ 47:10

Neni ne iitateththan ammanettada, ‹Tana ooninne be7enna› gadasa. Qasse, ‹Tana; taappe attiin haray deenna ne gida wode ne aadho erateththaynne cinccateththi nena baleththida› gadasa.

ኤርማሳ ቲንቢቴ 50:13

GODAA hanqo gaason iza bazzo gidana attiin asi izin deenna; izi bolla gakkida bashsha gaason Baabiloonera aadhdhi biza ubbay malalettishe iza qidhana.

ዳኔላ ቲንቢቴ 4:27

Hessa gishshas kawoo! Tani ta baggara nena zorizayssa siya; neni nagara ooso agga; suure ooso ubba wode ooththa; ne iita ooso aggada qohettizaytas qadhetta; hessaththo ne ooththiko ne saron duussa layththay aduqqontta aggenna» gides.

ኢምባቆ ቲንቢቴ 1:7

Isttika babisizaytanne daganththizayta; istta pirdaynne bonchchoy isttafe kezana.