ዛካራሳ ቲንቢቴ 9:8 - Geeshsha Maxaafa

⁸ Tani gidikko ta keeththa bonqqiza wolqqamatappe naagana; hayssafe guye un7eththizay ta deraa laattenna. Tani ha7i minna naagays.

ጋሞ ማጻፋ

⁸ ታኒ ጊዲኮ ታ ኬ ቦንቂዛ ዎልቃማታፔ ናጋና፤ ሃይሳፌ ጉዬ ኡንኤዛይ ታ ዴራ ላቴና። ታኒ ሃኢ ሚና ናጋይስ።

ዛካራሳ ቲንቢቴ 9:8 Referans Kwoze

ኢሳያሳ ቲንቢቴ 54:14

Neni xilloteththan minna eqqana; gene ogera aysoy neeppe haakkana. Nena babisiza miishshi deenna; shiroteththi neeppe haakkana; ne matakka shiiqenna.

ኢሳያሳ ቲንቢቴ 60:18

Hayssafe guye ne biittan shiroy, ne zawankka laaleteththinne bashshi siyettenna. Gido attiin ne dirsaa gimbe atoteththi, ne pengetakka galata gaada ne xeygana.

ኢሳያሳ ቲንቢቴ 52:1

Hanne Xiyoone denda; denda; wolqqa may7a; geeshsha katamaye Yerusalaamee! Ne bonchcho may7o may7a; hayssafe guye qaxxarettonttaynne tunay ne giddo gelenna.

ኤርማሳ ቲንቢቴ 31:12

Istti yiidi Xiyoone zuma bolla ufayssa mazamure yexxana; istti GODAA kiyateth gidida kaththan, woyne ushshan, zayten, deyshaninne dorsa laaqqatan, wofanotaninne ussatan ufayettana; istti haaththi paccontta atakilte soho mala gidana; hayssafe guye istti muuzottettenna.

ኣሞጼ ቲንቢቴ 9:15

Ta dere Isra7eele asaa tani kase istta biittan zaarada tokkana; tani isttas immida biittafe istti nam7anththo dhoqalletti dhayettenna» gees GODAY salo Xoossay.

ሂዚቄላ ቲንቢቴ 39:29

Tani Ayana Isra7eele asaa bolla gussana gishshas hayssafe guye tani ta ayfeso isttafe genththike. Tani Ubbaa Haariza GODAY hayssa yootays› gees» gides.

ኢሳያሳ ቲንቢቴ 52:12

Gidikkoka eeson kezekketa; woykko beti beekketa; GODAY inttefe sinth aadhdhidi inttena kaaleththana; Isra7eele Xoossayka guyera inttena naagana.

ኢሳያሳ ቲንቢቴ 31:5

Kafoy bollara aalanththiza mala Ubbaafe Wolqqama GODAY Yerusalaame kammana, naagananne ashshana; izi bollara aadhdhidi izo ashshana» gees.

ዬ ማጻፋ 72:4

Metotidayta gishshas izi mootettana; hiyeesata izi ashshana; un7eththizayssaka izi liiqisana.

ዬ ማጻፋ 34:7

GODAA kiitanchchay GODAAS yayyizayta naagees; izi istta yuushozan gididi istta ashshees.

2ሳሜላ ማጻፋ 16:12

GODAY ta kawushshateththaa be7idi hachcha doqeththaa gishshas izi taas lo7o ooththanaakko oonee erizay» gides.

ኬሳ ማጻፋ 3:9

Ha7i Isra7eele nayta waasoy taakko gakkides; Gibxe biitta asati istta qohiza qohokka ta beyadis;

ዮሃኒሳ ኣጁታ 20:9

Istti kumeththa biittaa bolla laalettidi geeshshati dizasoyo dosettida katamayo giddoththida shin saloppe wodhdhida tamay istta dippi histti xuuggides.

ዛካራሳ ቲንቢቴ 14:11

Yerusalaamey daro asi daanaso gidana; hessafe guye iza dhayukku; izin diza derey hirgay baynda woppan daana.

ዛካራሳ ቲንቢቴ 12:8

He gallas istta giddon daro laafa gididay Dawite mala mino gidana; Dawiteso asay qasse isttafe sinththe sinththe biza Xoossa malanne GODAA kiitanchcha mala gidana; Yerusalaamen dizaytas GODAY gondalle gidana.

ኤርማሳ ቲንቢቴ 46:13

Baabiloone kawo Nabukadanaxoorey Gibxe biitta yiidi olanayssa GODAY nabe Ermaasas yootida qaalay hayssafe kaalli dizayssa;

ኤርማሳ ቲንቢቴ 46:2

Gibxe gishshas Yuhuda kawo Iyosiyaasa naa Iyo7aaqemey kawotida oydanththo layththan, Efiraaxise Shaafa matan diza Karkamishen, Baabiloone kawo Nabukadanaxoorey xoonida Gibxe kawo Nika ola asaa bolla yootettida kiitay hayssafe kaalli dizayssa;

ኢሳያሳ ቲንቢቴ 26:1

He gallas ha yeththay Yuhuda biittan yexettana. Nuus mino katamay dees; Xoossi iza gimbetanne miixata atoteththas ooththides.

ኢሳያሳ ቲንቢቴ 4:5

GODAY Xiyoone zuma bollanne heen shiiqiza ubbata bolla gallas shaaranne cuwa, omars eexxiza tama poo7o kiittana; Xoossa bonchchoy katamayo dunkaane mala kammi naagana.

2ካዎታ ማጻፋ 24:1

Iyo7aaqemey kawotiza wode Baabiloone kawo Nabukadanaxoorey Yuhuda bolla worajjides; Iyo7aaqemeykka izas 3 layth giirides. Hessafe guye izi ba qofa laammidi Nabukadanaxoore bolla makkallides.

2ካዎታ ማጻፋ 23:29

Iyosiyaasi kawoteththan diza wode Gibxe kawo Faroon-Nikay Asoore kawo maaddanaas gede Efiraaxise shaafa bides; kawo Iyosiyaasikka izara olettanaas kezides; gido attiin Faroon-Nikay izara tiran gayttidi iza Magiddon wodhides.

ኬሳ ማጻፋ 3:7

Qasseka GODAY, «Tani Gibxe biittan ta asay waayiza waaye lo7eththa beyada, istti ba godatappe dendidayssan waassiza waaso siyadissinne istta waaye eradis.

ዛካራሳ ቲንቢቴ 9:7

Tani istta doonappe suuth, istta gacoppe montta mala digettida kath diggana; hankko attidayti ta dere gidana; Yuhuda biittan halaqatana; Aqaroone asaykka Yaabuse asa mala gidana.

2ካዎታ ማጻፋ 19:34

Ta gishshassinne ta aylle Dawite gishshas gaada hanno katamayo tani gondalla ashshana› gees.»

ሌሚሶ ማጻፋ 3:25

Akeekontta gakkiza metonne iitata bolla gakkiza dhayssas babbaka.

ዛካራሳ ቲንቢቴ 12:4

He gallas tani toga parata dagaman, parata toggida asaa gooshshana; istta morkketa parata qooqisana; gido attiin Yuhuda asaa tani ta kiya ayfen naagana.