ዛካራሳ ቲንቢቴ 6:12 - Geeshsha Maxaafa

¹² Neni izas, «Ubbaafe Wolqqama GODAY, ‹Iza sunththay Hagga› geetettidayssi hayssa; izikka ba dizason daayana; izi GODAA keeth zaaridi keexxana.

ጋሞ ማጻፋ

¹² ኔኒ ኢዛስ፥ «ኡባፌ ዎልቃማ ጎዳይ፥ ‹ኢዛ ሱንይ ሃጋ› ጌቴቲዳይሲ ሃይሳ፤ ኢዚካ ባ ዲዛሶን ዳያና፤ ኢዚ ጎዳ ኬ ዛሪዲ ኬጻና።

ዛካራሳ ቲንቢቴ 6:12 Referans Kwoze

ዛካራሳ ቲንቢቴ 3:8

«Haysso qeeseta halaqa Iyaaso siya! Ne matan nena ooththi maaddizayti buro sinththafe hanana lo7o malata gidida gishshas isttika siyetto; hekko tani buro purcciza ta aylleza ehana.

ኤርማሳ ቲንቢቴ 33:15

«He gallassataninne he wodetan tani Dawite zareppe issi xillo hagga aacisana; izi he biittan suure pirdanne xilloteth ooththana.

ኤርማሳ ቲንቢቴ 23:5

GODAY, «Tani Dawites xillo zare denththana wodey yaana; izi tumu pirdanne xilloteth ooththizaade, aadho erateththan haariza kawo gidana.

ኢሳያሳ ቲንቢቴ 11:1

Isseye durumappe aacay purccana; iza xaphotappe issi haggay ayfe immana.

ኢሳያሳ ቲንቢቴ 4:2

He wode GODAA miththa haggay lo7ananne bonchchettana; Isra7eele asaappe dhayshe attidaytas he biitta kaththay ceeqossinne bonchchos gidana.

ኢሳያሳ ቲንቢቴ 53:2

Izi iza sinththan caarechcha mala, mela biittafe mokkiza xapho mala mokkides; nu iza xeellanaas shicateththi woykko teemay deenna; nu iza dosanaas iza malay lo7enna.

ሃዋሬታ ኦሶ 17:31

Izi ba dosidaade baggara biitta bolla xilloteththan pirdana gallas bare woththides. Izakka hayqoppe denththidi as ubbaas hayssa tumateththa erisides.

Ibirawe 8:3

Qeeseta halaqay shuumettizay asay Xoossas immizayssa Xoossas shiishshanaassinne yarsho yarshanaassa; hessa gishshas hayssi ha qeeseta halaqaykka Xoossas shiishshanaas issi shiishshiza miish izas koshshees.

Ibirawe 7:24

Yesusi gidikko mernaas dizaade gidida gishshas iza qeeseteththi shaarettontta qeeseteththa.

Ibirawe 7:4

Ane intte izi ay mala gitakko qopite, haray attoshin aawatas ubbaas koyroy Abrahaamey ba di7i ekkida ubbaafe tammaafe issaa kessi immides.

1ቆሮንቶሴ ኣሳስ 3:9

Gaasoykka nu Xoossara issife ooththizayta; intteka Xoossa goshsha gadenne Xoossa Keeththata.

ሃዋሬታ ኦሶ 13:38

Hessa gishshas ta ishatoo! Nagaras maaroteththi beettizay Yesusa baggara gididayssi inttes sabbakettidayssa erite.

ዮሃኒሳ ሚሺራቾ 1:45

Piliphoosi Natina7eele demmidi, «Musey woga maxaafan qasse nabetikka buroppe hananayssa yootiza ba maxaafatan iza gishshas xaafida addeza nu demmidos. Izikka Yooseefe naa Naazirete Yesusaakko!» gides.

ሉቃሳ ሚሺራቾ 1:78

nu Xoossaa lo7o maaroteththaafe dendidayssan Saloppe nuus arshey kezides.

ማርቆሳ ሚሺራቾ 15:39

Yesusa ginara eqqida issi mato halaqay Yesusi hessaththo gita qaalara waassidi shempo kezishin be7idi, «Hayssaadey tumu Xoossa naakkoshin» gides.

ማርቆሳ ሚሺራቾ 15:29

Ogera aadhdhi bizaytikka ba hu7e qaaththishe, «Oy! Oy! Xoossa Keeththaa laallada heedzdzu gallassan keexxanay nenee?» giidi iita cashshe cayishe,

ማርቆሳ ሚሺራቾ 14:58

«Hayssi addezi, ‹Ta asa kushen keexettida Xoossa Keeththaa laallada asa kushey bochchonttaaz hara heedzdzu gallassara ta keexxana› gishin nu siyidos» gi markkattida.

Maatosa 16:18

Neni zaalla; hayssa zaalla bolla tani ta Woosa Keeththe keexxana; Gaanname pengetikka izo xoonettenna.

ዛካራሳ ቲንቢቴ 13:7

«Ubbaafe Wolqqama GODAY, ‹Mashsha! Ta heenththanchcha ta daro dosizayssa bolla beegga! Heemmizayssa shoca; dorsatikka laalettana; tanikka ta qese guuththata bolla denththana› » gees.

ዛካራሳ ቲንቢቴ 8:9

Ubbaafe Wolqqama GODAY, «Ubbaafe Wolqqama GODAA Keeththaas yochchi yegettishin heen diza nabeti yootida qaalaa ha7i siyizayti ubbay Ubbaafe Wolqqama GODAA Keeth keexxanaas intte kushe minththite.

ሚኪያሳ ቲንቢቴ 5:5

Isttas saroteththi iza gidana. GODAY Isra7eele Asaa Ashshananne Istta Morkketa Dhayssana Asoore asay nu biitta worajjishin nu miixataka menththi gelishin laappun heemmizayta hessafekka osppun halaqata nu iza bolla denththana.

ኢዝራ ማጻፋ 3:10

Oosanchchati Xoossa Keeththaa yoch yeggida wode qeeseti ba qeeseteththa may7o may7idinne dinke mala yeththa miish oykkidi qasse Aasaafe zereththafe gidida Leweti daala oykkidi Isra7eele kawo Dawite wodeesoppe woga gididi yida mala Xoos ziiren eqqidi galatida.

ኢዝራ ማጻፋ 3:8

Yerusalaamen diza Xoossa Keeththay kase dizaso asay gakkidaappe nam7anththo layththan, nam7anththo aginan, Salatiyaale naa Zerubaabelenne Iyosaadoqe naa Iyaasora hara attida ishati heytikka qeeseta, Lewetanne isttara issife di7eteththafe haa Yerusalaame simmi yida asay ubbay issi bolla ooso doommida; 20 layth gakkidaytinne hessafe bolla gidida Leweti wuri Xoossa Keeththa ooso aawateththan oosisana mala doorettida.

Ibirawe 10:12

Kirstoosi gidikko yarsho issito mernaas gidanayssa shiishshidi Aawaa ushachchan uttides.

ዮሃኒሳ ሚሺራቾ 19:5

Hessa gishshas Yesusi agunththa zawude hu7en woththi ekkidi zo7o kaabba may7idi kare kezides. Philaxoosikka isttas, «Hekko addezi hayssich!» gides.

ሂዚቄላ ቲንቢቴ 37:25

Tani ta aylle Yaaqoobes immidanne intte aawati de7ida biittan istti daana. Heen isttas, istta naytinne istta nayta nayti mernaas daana; ta aylle Dawiti istta bolla mernaas kawo gidana.

ኣሞጼ ቲንቢቴ 9:11

«Coo kundi laalettida keeththa mala gidida Dawite zereththata kawoteththas tani zaara essana wodey yaana; tani gimbeza zaara gimbana; laalettidayssaka ooraxissana; kaseyssaththo zaara ooththana.

2ሳሜላ ማጻፋ 7:13

Ta sunththaas keeth keexxanay iza; tanikka iza kawoteththaa mernaas minththana.

ሂዚቄላ ቲንቢቴ 41:1

Hessafe simmidi he bitaney tana Xoossa Keeththan diza Geeshshasoho gelththides. He Geeshshasoho godaa ordeteththaa mizaanin usuppun wadha gidides.