ዛካራሳ ቲንቢቴ 4:10 - Geeshsha Maxaafa

¹⁰ «Guuththa miishshati haniza gallassi kadhiday oonee? Asay Zerubaabele kushen tumbe be7idi ufayettana; heyti laappun xomppeta istta bolla woththiza laappun ballati alame bolla yuuyi xeelliza GODAA ayfeta.»

ጋሞ ማጻፋ

¹⁰ «ጉ ሚሻቲ ሃኒዛ ጋላሲ ካዳይ ኦኔ? ኣሳይ ዜሩባቤሌ ኩሼን ቱምቤ ቤኢዲ ኡፋዬታና፤ ሄይቲ ላፑን ጾምፔታ ኢስታ ቦላ ዎዛ ላፑን ባላቲ ኣላሜ ቦላ ዩዪ ጼሊዛ ጎዳ ኣይፌታ።»

ዛካራሳ ቲንቢቴ 4:10 Referans Kwoze

ኢዮቤ ማጻፋ 8:7

Ne doomeththay guuth misatikkoka, nees poloy keehi lo7o gidana.

2ታሪኬ ማጻፋ 16:9

Ba kumeththa wozinappe GODAA ammanettiza as minththeththanaas GODAA ayfey sa7aa bollan ubbaso xeellees. Neni ha yo7ozan eeyateththa ooso ooththida gishshas hachchife doommiin neeppe olay duuxxenna» gides.

ሃጌ ቲንቢቴ 2:3

‹Intte garsan hayssa keeththa kase izi bonchchora dishin be7idaadey oonee? Ha7i qasse inttes ay misati beettizee? Hayssi intte achchan qoodan gelonttaaz gidennee?

ሌሚሶ ማጻፋ 15:3

GODAA ayfeti ubbaso xeelleettes; iitatanne lo7ota ubbaa lo7eththi be7eettes.

ዮሃኒሳ ኣጁታ 5:6

Hessafe guye algaa bollan oyddu do7ata giddon cimata giddonkka shukettida dors misatizayssi eqqidayssa ta beyadis; he dorsazas laappun kaceynne laappun ayfey dees; he ayfetikka kumeththa alame kiitettida Xoossa Ayana laappunata.

ዛካራሳ ቲንቢቴ 3:9

Beya! Tani Iyaaso sinththan laappun ayfey diza shuch woththana; ta he shuchchaa bollan xaafettizaaz wooca wooca xaafana; he biittay nagarakka ta issi gallas diggana» gees.

ሌሚሶ ማጻፋ 4:18

Xillota ogey seeta gallas gakkanaas poo7i poo7i biza mallado xalqqe mala.

ኢሳያሳ ቲንቢቴ 66:14

Intte hessa be7iza wode intte wozinay ufayettana; intte meqeththaykka maata mala cililana; qasse GODAA kushey iza aylleta bolla dizayssi erettana; iza hanqoy gidikko iza morkketa bolla qonccana.

ኢሳያሳ ቲንቢቴ 66:11

Minththeththiza izi dhanththaa intte dhammidi kallana; inttes gidanaashe gakkanaas intte uyana; keehippe daro gidida izi dureteththan intte ufayettana» gees GODAY.

ዮሃኒሳ ኣጁታ 8:2

Xoossa sinththan eqqiza laappun kiitanchchata tani beyadis; he asataskka laappun dinkey imettides.

ሆሴኤ ቲንቢቴ 6:3

Ane nuni GODAA eroos! Nu iza lo7eththi eranaas ane minettoos! Izi wontta poo7o mala nuus qonccana; biitta kalssiza assura ira malanne balgo ira mala izi nuukko yaana» gees.

ሉቃሳ ሚሺራቾ 15:32

Hayssi ne ishay hayqqides shin paxides; dhaydes shin beettides; hessa gishshas nuni ufayettanaas bessees› gides.»

ኤርማሳ ቲንቢቴ 16:17

Ta ayfey istta oge ubbaa be7ees; istti taappe geemmettenna; istta nagaraykka ta ayfeppe geemmibeenna.

ሂዚቄላ ቲንቢቴ 1:14

Ha shemppora paxa diza medheteththati wolqqanththi eeson wawaci giza mala yaanne haa simeretteettes.

ኣሞጼ ቲንቢቴ 7:2

Boolezikka biitta bolla diza cilila ubbaa pitti midayssa tani beyada, «Ubbaafe Wolqqama GODAWU! Ne dere qohoza maararkkii! Ne dere Isra7eeles wolqqay baynda gishshas izi hayssa wostti eqetti dandayanee?» ga woossadis.

ኣሞጼ ቲንቢቴ 7:5

He wode tani, «Ubbaafe Wolqqama GODAWU! Hayssa tamaa toyssarkkii! Ne dere Isra7eeles wolqqay baynda gishshas izi hayssa wostti eqetti dandayanee?» ga woossadis.

ዬ ማጻፋ 33:14

GODAY ba araatan uttidi sa7an de7iza ubbaa xeellees.

ዛካራሳ ቲንቢቴ 9:1

Isra7eele asa ubbaa ayfey pude GODAAKKO xeellees; hessa gishshas GODAY kase yooti woththida mala Sedireeke bollanne Damasqo bolla pirdana.