ዛካራሳ ቲንቢቴ 3:7 - Geeshsha Maxaafa

⁷ Ubbaafe Wolqqama GODAY, «Ne ta ogen biikko, ne ta azazo naagikko ta keeththa ne ayssana; gibbezasikka ne aawatana. Qasseka hayssan eqqidaytara issife ne gelana malanne kezana mala ta nees maata immana.

ጋሞ ማጻፋ

⁷ ኡባፌ ዎልቃማ ጎዳይ፥ «ኔ ታ ኦጌን ቢኮ፥ ኔ ታ ኣዛዞ ናጊኮ ታ ኬ ኔ ኣይሳና፤ ጊቤዛሲካ ኔ ኣዋታና። ቃሴካ ሃይሳን ኤቂዳይታራ ኢሲፌ ኔ ጌላና ማላኔ ኬዛና ማላ ታ ኔስ ማታ ኢማና።

ዛካራሳ ቲንቢቴ 3:7 Referans Kwoze

ሜቴ ማጻፋ 26:5

Gaasoykka Abrahaamey ta qaalaa siyidi azazettides; ta izas yootidayssa izi ubbaa naagida gishshassa» gides.

Maatosa 19:28

Yesusikka isttas, «Ta inttes tumu gays; Asa Nay buro yaana ooraththa alamen ba bonchcho araata bolla uttiza wode intte tana kaallidayti tammanne nam7u araatata bolla uttidi tammanne nam7u Isra7eele nayta bolla pirdana.

ሌዌታ ማጻፋ 8:35

Hessa gishshas GODAY azazidayssa polanaas laappun gallas kumeth gallassinne omars Gaytoteththa Dunkaaneza pengefe kichchofte; GODAA wogaakka naagite; histtontta aggiko intte hayqqana; tana GODAY azazida wogay hayssa» gides.

ዮሃኒሳ ኣጁታ 3:21

Tani xoonada ta Aawara iza algan uttidayssaththo xoonidaadey tanara issife ta algan uttana mala ooththana.

ዮሃኒሳ ሚሺራቾ 14:2

Ta Aawaa achchan daro duussasoy dees; hessa gidonttaakko, ‹Inttes daanaso giigsanaas ta baana› gaana shin.

ሉቃሳ ሚሺራቾ 22:30

Hessika ta kawoteththan ta maaddafe intte maana malanne uyana mala; qasseka ta kawoteththa algan uttidi tammanne nam7u Isra7eele nayta bolla pirdanaassa» gides.

ዛካራሳ ቲንቢቴ 6:5

Kiitanchchazikka, «Hayti sa7a ubbaa Goda sinththan ooththizasoppe kezida salo ayana oyddata.

ዛካራሳ ቲንቢቴ 4:14

Izi qasseka, «Hayti nam7ati medheteththa ubbaa Goda sinththan ooththana tiyettida asata» gides.

ሂዚቄላ ቲንቢቴ 48:11

Ha dummasi woththida sohoy Isra7eele asay ta ogeppe wora simmiza wode isttara wora simmida Leweta mala gidontta mala ammanettidi taas ooththishe gam7ida geeshsha qeesetas Saadooqe zaretas imetto.

1ታሪኬ ማጻፋ 23:32

Gaytoteththa Dunkaanenne Xoossa Keeth naaganaas, iza giddon oosettiza goyno wogata polishin ba dabbo Aaroone zereththata maaddanaas aawateththi imettides.

1ካዎታ ማጻፋ 2:3

GODAA ne Xoossaa azazo naaga; iza ogetan hemetta; Muse wogan xaafettida mala iza awajjata, azazota, wogatanne maarata naaga; histtiko neni ooththiza miish ubbaynne neni biza soho ubbay nees injjetana.

ሂዚቄላ ቲንቢቴ 44:8

Qasse ta geeshsha miishshata bolla aawatontta ixxidi, ta Keeththan allagata aawasideta.

ሌዌታ ማጻፋ 10:3

Musey qasse Aaroones, «GODAY, ‹Ta sinththe shiiqidi taas ooththizaytas tani ta geeshshateththaa qonccisana; tanikka ta dereza achchan bonchchettidaade gidana› giidi izi asaa kase qofsidayssi hayssa» gides. Aarooneykka ay zaarokka immontta co7u gides.

1ካዎታ ማጻፋ 3:14

Ne aawa Dawiti ta ogera bida mala nekka ta ogera biikko, ta wogaanne ta azazota naagikko ne layth ta adussana» gides.

ኢሳያሳ ቲንቢቴ 62:9

Gido attiin kaththaa shiishshidayti maana; GODAAKKA galatana; woyne teera maxi shiishshidayti ta keeththa pengen uyana» gi caaqqides.

ዛካራሳ ቲንቢቴ 3:6

GODAA kiitanchchayka Iyaasoy naagettana mala izas zore immides.

ዛካራሳ ቲንቢቴ 6:15

Heyti haahon dizayti yiidi GODAA Keeththay keexettishin istta ooson maaddana; intteka tana Ubbaafe Wolqqama GODAY kiittidayssa erana. GODAA intte Xoossaas intte wozinappe azazettiko hessi wuri inttes hanana.