ዛካራሳ ቲንቢቴ 2:5 - Geeshsha Maxaafa

⁵ Tani tarkka izis tama dirsa gidana; izi giddon tani izis bonchcho gidana› gees gaada yoota» gides.

ጋሞ ማጻፋ

⁵ ታኒ ታርካ ኢዚስ ታማ ዲርሳ ጊዳና፤ ኢዚ ጊዶን ታኒ ኢዚስ ቦንቾ ጊዳና› ጌስ ጋዳ ዮታ» ጊዴስ።

ዛካራሳ ቲንቢቴ 2:5 Referans Kwoze

ኢሳያሳ ቲንቢቴ 4:5

GODAY Xiyoone zuma bollanne heen shiiqiza ubbata bolla gallas shaaranne cuwa, omars eexxiza tama poo7o kiittana; Xoossa bonchchoy katamayo dunkaane mala kammi naagana.

ዬ ማጻፋ 3:3

Gido attiin GODAWU! Neni ta yuushon gondalle. Tana bonchchisizaynne minththeththizay nena.

ዛካራሳ ቲንቢቴ 9:8

Tani gidikko ta keeththa bonqqiza wolqqamatappe naagana; hayssafe guye un7eththizay ta deraa laattenna. Tani ha7i minna naagays.

ዮሃኒሳ ኣጁታ 21:23

Xoossa bonchchoy izis poo7iza gishshassinne Dorsazi izi poo7o gidida gishshas he katamays arshey woykko aginay poo7isanaas koshshenna.

ኢሳያሳ ቲንቢቴ 12:6

Intte giddon diza Isra7eele Geeshshay gita gidida gishshas Xiyoone asawu ilili giite; ufayssankka yexxite» gaandeta.

ዬ ማጻፋ 48:3

He katamaa gimbeza giddon, izi katamays ashshiza miixa gididayssa bessides.

ኢሳያሳ ቲንቢቴ 33:21

Heen GODAY nuus wolqqa gidana; he sohoy dalga shaafanne kanchche gidana; wogoloy iza bollara baanaas dandayenna; gita markabetikka iza bollara beettenna.

ሉቃሳ ሚሺራቾ 2:32

Hayssika ubba deres geemettidayssa qonccisiza poo7o; ne dere Isra7eelesikka bonchcho» gides.

ዬ ማጻፋ 48:12

Xiyoone yuushon hemettite; izi gimbeta yuushon yaanne haa simerettite; izi shakkota qoodite.

ዬ ማጻፋ 46:5

Xoossi izi giddon diza gishshas he katamaya qaaxxuku; wontta maaladora Xoossi izo maaddana.

ዬ ማጻፋ 85:9

Iza bonchchoy nu biittan daana mala atoteththay izas yayyizaytas matan dees.

ዬ ማጻፋ 125:2

Zumati Yerusalaame katama yuushon diza mala hachchife mernaa gakkanaas GODAY ba deraa yuushon dees.

ኢሳያሳ ቲንቢቴ 31:9

Mino miixay shiro gaason kundana; ola gadawatikka ola bandira be7idi dagaman kumana» gees tamay Xiyoonen, tama coocey Yerusalaamen diza GODAY.

ኢሳያሳ ቲንቢቴ 32:18

Ta derey saroy dizason, ammanththizason, woppay dizason woppu gi daana.

ሂዚቄላ ቲንቢቴ 38:14

«Hessa gishshas asa nawu, Googe bolla tinbite yoota; izas Ubbaa Haariza GODAY, ‹He wode ta dere Isra7eeley saron uttidayssa neni erada akeekikkii?

ሂዚቄላ ቲንቢቴ 42:20

Hessa mala ooththidi izi oyddu baggatakka mizaanides. Iza yuushon 500 wadha aduqqidi, 500 wadha aakkiza dirsa gimbey dees. He gimbey geeshshasoho hankko coo sohoppe shaakkanaassa.

ዛካራሳ ቲንቢቴ 2:10

«Hanne Xiyoone nayee ane ilila; ufayetta; tani yaada ne giddon daana» gees GODAY.

ዛካራሳ ቲንቢቴ 2:11

He gallas daro kawoteththati GODAAKKO shiiqidi iza dere gidana; izikka ne giddon de7ana; Ubbaafe Wolqqama GODAY tana neekko kiittidayssa nekka erana.

ዛካራሳ ቲንቢቴ 9:14

GODAY istta bolla qonccana; iza yiishshay wolqqanththa mala popol7u gaana; Ubbaafe Wolqqama GODAY xurumba punnana. Dugehappe keziza gote carko mala izi baana.

ኤርማሳ ቲንቢቴ 31:39

Wadha wodorozi heeppe doommi sitti giidi Gaareebe zumbullatara aadhdhidi Go7aha gakkanaas micettana.

ሂዚቄላ ቲንቢቴ 47:3

He bitaney meezaaniza metire ba kushen oykkidi, arshe kessa bagga biidi goggiza haath kaallidi 1,000 wadha wadhdhides. Tanakka haaththaara kaaleththi pinththides; haaththazi taas qirphe gakkees.

ዛካራሳ ቲንቢቴ 1:16

«Hessa gishshas Ubbaafe Wolqqama GODAY, ‹Tani ta maaroteth Yerusalaames immana; heenkka ta keeththay simmi ooraxidi keexettana; Yerusalaame katamayakka wodoron wadhettana› gees.