ዛካራሳ ቲንቢቴ 10:12 - Geeshsha Maxaafa

¹² Tani istta GODAAN minththana; isttika iza sunththan simerettana» gees.

ጋሞ ማጻፋ

¹² ታኒ ኢስታ ጎዳን ሚንና፤ ኢስቲካ ኢዛ ሱንን ሲሜሬታና» ጌስ።

ዛካራሳ ቲንቢቴ 10:12 Referans Kwoze

ኢሳያሳ ቲንቢቴ 41:10

Tani nenara diza gishshas yayyofa; tani ne Xoossa gidida gishshas dagammofa. Tani nena minththananne maaddana. Ta xilloteththa ushachcha kushen zemppisa oykkana.

ዛካራሳ ቲንቢቴ 10:6

«Tani Yuhuda keeth minththana; ta isttas qadhettiza gishshas istti kase dizasota istta zaarana; tani GODAA istta Xoossa gidida gishshas ta istta woosa siyana; isttika hayssafe kase ta yegga erontta asa mala gidana.

ኢሳያሳ ቲንቢቴ 2:5

Intteno Yaaqoobe zaretoo! Haa yiite! Ane GODAA poo7on simerettoos.

2ጺምቶሳስ 2:1

Hessa gishshas ta naazoo neni Godaa Yesus Kirstoosa kiyateththan minna.

ሚኪያሳ ቲንቢቴ 4:5

Hankko derey ba eeqa sunththan bees; nuni qasse mernaappe mernaa gakkanaas nu GODAA sunththan baana.

ቆላሲያሴ ኣሳስ 3:17

Iza baggara Xoossaa Aawaas galata shiishshishe qaalan gidiin woykko ooson intte ooththizayssa ubbaa Godaa Yesusa sunththan ooththite.

ቆላሲያሴ ኣሳስ 2:6

Hessa gishshas intte Godaa Yesus Kirstoosa ammanida mala izan de7ite.

ፒሊጲሲዮሴ ኣሳስ 4:13

Taas wolqqa immiza Kirstoosan tani ubba miish ooththanaas dandayays.

ኢሳያሳ ቲንቢቴ 45:24

«Istti ta gishshas haasayshe, ‹Xilloteththinne wolqqay GODAAN xalla dees› gaana» gees. Iza bolla hanqon dendidayti ubbay izakko yiidi yeellatana.

ሜቴ ማጻፋ 24:40

Izi, ‹GODAY tani iza sinththan suure hemettida Xoossi nenara ba kiitanchcha kiittana; neni ta nees ta aawa asaappe, ta zaretappe machcho demmana mala, ne biza oge ubbaa lo7eththana.

ኤፌሶኔ ኣሳስ 6:10

Hara baggara mino Godaaninne iza gita wolqqan minnite.

ዛካራሳ ቲንቢቴ 12:5

Yuhuda asaa kaaleththizayti bantta wozinan, ‹Ubbaafe Wolqqama GODAY istta Xoossi gidida gishshas Yerusalaamen diza asay mino› gaana.

ሜቴ ማጻፋ 5:24

Izi Xoossa ufayssishe diin Xoossi iza ekkida gishshas beettontta dhaydes.

1ታሶሎንቄ ኣሳስ 4:1

Ha7i wurseththan ta ishatoo! Intte Xoossa ufayssanaas intte waani waani daana bessizaakko nu inttena tamaarsidos; tumappeka nu tamaarsida mala deeta; hessa gishshas Godaa Yesus Kirstoosan nu inttena woossizaynne zorizay hayssafekka aadhdhiza hanora intte sinththe gujjana malassa.

1ታሶሎንቄ ኣሳስ 2:12

Intte inttena ba kawoteththassinne ba bonchchos xeygida Xoossaas bessiza mala intte daana mala nu inttena minththidos; lo7eththi zoridossinne hadara gidos.

ሂዚቄላ ቲንቢቴ 30:24

Tani Baabiloone kawo qese minththada ta mashshaaka iza oyththana. Gido attiin Paaroone qeseza ta menththana; izikka ba morkkeza sinththan iita madunxida asa mala toqqana.