ኡሩቲ ማጻፋ 1:6 - Geeshsha Maxaafa

⁶ Iza Mo7aaben dishin GODAY ba asaa mokki xeellidi isttas kath immidayssa siyada nayta machcheta nam7ata banara ekkada ba dere simma baana kezadus.

ጋሞ ማጻፋ

⁶ ኢዛ ሞኣቤን ዲሺን ጎዳይ ባ ኣሳ ሞኪ ጼሊዲ ኢስታስ ካ ኢሚዳይሳ ሲያዳ ናይታ ማቼታ ናምኣታ ባናራ ኤካዳ ባ ዴሬ ሲማ ባና ኬዛዱስ።

ኡሩቲ ማጻፋ 1:6 Referans Kwoze

ዬ ማጻፋ 132:15

Tani izo keeha anjjana; izin de7iza manqotakka kath kalssana.

ዬ ማጻፋ 111:5

Baas yayyizaytas kath immees; ba caaqo qaalaakka mernaas qoppees.

ኬሳ ማጻፋ 4:31

Isttika ammanida. GODAY isttako yidayssanne istta waaye be7idayssa siyida mala biitta bolla gufanni goynnida.

ኬሳ ማጻፋ 3:16

«Hee baada Isra7eele cimata shiishshada GODAA intte aawata Abrahaame, Yisaaqanne Yaaqoobe Xoossi taas qonccidi, ‹Tani intteko yadis; Gibxen intte bolla aazi oosettidaakko tani beyadis.

ሉቃሳ ሚሺራቾ 19:44

Nenanne ne gibbe giddon nenara diza ne nayta ubbaa biitta kessana; shuchchaaka shuchcha bollafe laallontta aggettenna. Hessi wurikka Xoossi nena koyishin neni erontta aggida gishshassa» gides.

ሉቃሳ ሚሺራቾ 1:68

«Yiidi ba asaa ashshida gishshas Isra7eele Xoossi galatetto.

Maatosa 6:11

Hachchis gidiza kath nuus hach imma.

ኤርማሳ ቲንቢቴ 29:10

«GODAY, ‹Intte Baabiloonen daana laappun tammu layththi polettidaappe guye ta inttena mokka xeellana; tani inttena ha biitta zaara ehana gida lo7o qaalayokka inttes polana.

ኢሳያሳ ቲንቢቴ 55:10

Iraynne shachchi saloppe wodhdhidi biitta kalssidi, biittay mokisana malanne ayfe immana mala, zerizaades zereth, mizaades kath immontta dishe guye simmonttayssa mala,

ሶፎናሳ ቲንቢቴ 2:7

Hessika Yuhudappe casha attidaytas gidana; isttika heen baas aqota demmana; Gadey qammishin Asqeloona kataman diza keeththatan aqana; GODAY istta Xoossay istta naagana; isttafe di7ettidayssaka isttas zaarana.»

ዬ ማጻፋ 146:7

Izi qohettidaytas pirdizayssa; gafidayta mizi kalssizayssa. GODAY qashettidayta birshi yeddizayssa;

ዬ ማጻፋ 145:15

Ubbaa ayfey neekko xeellees; isttas koshshiza woden neni isttas quma immaasa.

1ሳሜላ ማጻፋ 2:21

GODAY Haanna anjjides; iza qanththatada heedzdzu attuma naytanne nam7u macca nayta yeladus; yelaga Sameelikka GODAA sinththan diccides.

ሜቴ ማጻፋ 50:25

Yooseefey Isra7eele nayta, «Xoossi inttena maaddanaas tumu xomosiza wode, intte ta meqeththa ha biittafe pude ekki biite» giidi caaqechides.

ሜቴ ማጻፋ 48:15

Hessafe guye Yaaqoobey Yooseefe, «Ta aawati Abrahaameynne Yisaaqi iza sinththan suuren de7ida Xoossi, ta de7o ubbaan hach gakkanaas tana heemmida Xoossi,

ሜቴ ማጻፋ 28:20

Yaaqoobey, «Ne tanara gidada ta biza ogen ne tana naagikko taas miza qumanne may7o ne immiko ta aawa soo saron ne tana zaarikko neni GODAY ta Xoossa gidana.

ሜቴ ማጻፋ 21:1

GODAY Saara qoppides; kase izis yootida malakka ooththides.

1ጴጽሮሳ ኪታ 2:12

Oonee erizay, «Inttena istti iita ooththeettes» giidi asay zigirkkoka Xoossi nuna beyanaas yiza gallas Ayzaabeti intte oosoy lo7o gididayssa be7idi Xoos galatana mala intte isttara diza wode intte amaley lo7o gido.

1ጺምቶሳስ 6:8

Gido attiin nuus maanayssinne nu may7anayssi diikko gidana.

ዬ ማጻፋ 147:14

Izi ne zawa saroteththan naagees; nena keehippe lo7iza gistte kalssees.

ሌሚሶ ማጻፋ 30:8

Tani as cimmontta malanne wordo haasayontta mala tana naaga; tana dure woykko manqo histtofa; gido attiin hachchis hachchis gidiza kath taas imma.

ኡሩቲ ማጻፋ 1:5

Mahalooneynne Kelooney nam7atikka hayqqida. Nuhaama izi azinaynne nam7u nayti hayqqiin barkka attadus.

ኡሩቲ ማጻፋ 1:7

Kase ba dizaso yeggada nayta machcheta nam7atara issife Yuhuda biitta efiza ogen gelidi buus doommida.

ዬ ማጻፋ 102:14

Ne oosanchchati izan diza shuchchata doseettes; budhettida biittaska qadhetteettes.

ኢዩኤሌ ቲንቢቴ 2:19

Hessa gishshas GODAY, «Intte kath, woyne ushshinne wogara zayte kallana gakkanaas ta inttes immanaas hayssafe guye kawoteththati inttena baas kaassa miish histtana mala ta isttas aaththa immike.