ኦሮሜ ኣሳስ 9:5 - Geeshsha Maxaafa

⁵ Kase Aawatikka istta bagga; Kirstoosi istta zereththa zarkken qoodettees; izikka ubbaafe bolla gidida mernaas galatettida Xoossaa. Amiin.

ጋሞ ማጻፋ

⁵ ካሴ ኣዋቲካ ኢስታ ባጋ፤ ኪርስቶሲ ኢስታ ዜሬ ዛርኬን ቆዴቴስ፤ ኢዚካ ኡባፌ ቦላ ጊዲዳ ሜርናስ ጋላቴቲዳ ጾሳ። ኣሚን።

Gamo Geesha Maxxafa New Testamen

⁵ Kase Aawatikka istta bagga Kiristoosa asho baggara istta zeretha zariken qoodetes. Izikka wurisofe bolla gidida medhinas galatetida Xoossa; amin7i.

ኦሮሜ ኣሳስ 9:5 Referans Kwoze

ኦሮሜ ኣሳስ 1:25

Istti Xoossa tumateth wordon laammida; medhdhida Xoossaa aggidi medheteththas goynnidanne isttas ooththida; medhdhida Xoossi izi mernaas galatettidayssa. Amiin.

1ዮሃኒሳ ኪታ 5:20

Xoossa Nay yidayssanne nuni tuma Xoossaa erana mala akeeka izi nuus immidayssa nu eroos; nunikka tumu gidida iza Naaza Yesus Kirstoosan doos; Izikka tumu Xoossanne mernaa de7o.

ዮሃኒሳ ሚሺራቾ 10:30

Taninne ta aaway nu issino» gides.

1ጺምቶሳስ 3:16

Tumu Ayana duussa xuuray sidhey baynda gita; izikka, «Ase gidides; iza Xilloteththi Xillo Ayanan qonccides; kiitanchchatas beettides; dere ubbaas sabbakettides; alamen dizaytan ammanettides; bonchchora pude dendi bides» gizayssa.

ኦሮሜ ኣሳስ 1:3

Mishiraachcho qaalaykka ba naaza gishshas izi asho baggara Dawite zereththafe gididayssa yootiza gishshassa.

ዮሃኒሳ ኣጁታ 1:18

Tani paxa days. Kase hayqqadiskoshin hekko tani hayssafe mernaas paxa daana; hayqo bollanne Si7oole bolla tani Godaa.

ኢሳያሳ ቲንቢቴ 11:1

Isseye durumappe aacay purccana; iza xaphotappe issi haggay ayfe immana.

ዮሃኒሳ ኣጁታ 22:16

«Tani Yesusi hayssa inttes markkattana mala ta kiitanchchaza Woosa Keeththatas yeddadis; taas yeleta zarkkeynne qommoy kase Dawitekko; tani poo7isiza wontta xoolintte.»

2ቆሮንቶሴ ኣሳስ 11:31

Mernaas galatettida Godaa Yesus Kirstoosa Aawaa Xoossi ta wordotonttayssa erees.

ኦሮሜ ኣሳስ 11:28

Inttes Ayzaabetas Mishiraachcho qaalay gakkana mala Isra7eele nayti Xoossan ixettida as gidida; gidikkoka kase dooroza mala gidikko ba aawata baggara istti dosettidayta.

ኦሮሜ ኣሳስ 10:12

Ayhudata giddoninne Ayzaabeta giddon dummateththi deenna; issi Goday ubbaasikka Godaa; iza woossizayta gujji anjjees.

ሚኪያሳ ቲንቢቴ 5:2

Hanne ne qasse Beeteliheeme Efraata, Yuhuda zarkketappe neni guuth gidikkoka izas kessay kase beni wodeppe gidida Isra7eele haarizaadey ne giddofe taas kezana.

ኢሳያሳ ቲንቢቴ 7:14

Histtiko GODAY barkka inttes malata bessana; geela7oy shaarana; attuma naa yelana; iza sunththaaka, ‹Amanu7eele› gaada sunththana.

ዬ ማጻፋ 106:48

GODAY, Isra7eele Xoossi mernaappe mernaa gakkanaas galatetto! Asay ubbay, «Amiin» go. GODAA galatite!

ዬ ማጻፋ 103:19

GODAY ba araataa salon essides; iza kawoteththay ubbaa haarees.

ዬ ማጻፋ 72:19

Iza bonchcho sunththay mernaas galatetto; biitta ubbay iza bonchchon kumo. Amiin! Amiin!

ዬ ማጻፋ 45:6

Abeet Xoossawu! Ne kawoteththa algay mernaas daana; ne kawoteththa guufeykka suureteththa guufe.

ዬ ማጻፋ 41:13

GODAA Isra7eele Xoossay mernaappe mernaa gakkanawu galatetto. Amiin! Amiin!

ዮሃኒሳ ኣጁታ 22:20

Haytantta ta markkattizayssi, «Tani addafe eeson yaana!» gees. Amiin! Godaa Yesusa haa ya.

2ጺምቶሳስ 2:8

Hayqoppe dendida Dawite zereth gidida Yesus Kirstoosa qoppa; ta yootiza mishiraachcho qaalaykka hessa.

1ጺምቶሳስ 6:15

He qoncceththi anjjettidayssi barkka ubbaa haarizayssinne kawota kawoy, godatas Goday izi ba woden bessana.

1ቆሮንቶሴ ኣሳስ 14:16

Hessaththo gidontta aggiko ne Xoos Ayanan galatiza wode hessa erontta issi imaththa asi ne galata woosaa wostti, «Amiin» gaanaas dandayzee?

ዬ ማጻፋ 89:52

GODAY meri mernaas galatetto! Amiin! Amiin.

1ታሪኬ ማጻፋ 16:36

GODAA Isra7eele Xoossay mernaappe mernaa gakkanaas galatetto! Hessafe guye dere ubbay, «Amiin» giidi GODAA galatides.

1ካዎታ ማጻፋ 1:36

Yoodahe naa Bannayay kawozas zaaridi, «Amiin! Ta godaa kawoza, GODAY, Xoossay minththo!

ዮሃኒሳ ኣጁታ 5:14

Oyddu do7atikka, «Amiin» gida. Cimatikka ba liiphen gufannidi izas goynnida.

ሃዋሬታ ኦሶ 20:28

Xillo Ayanay inttena Xoossa dorsata heemmanaas shuumides; hessa gishshas intte hu7essinne Xoossa dorsatas naagettite; Goday ba suuththan wozzida Woosa Keeththayo naagite.

Maatosa 6:13

Iitappe nuna ashsha attiin nuna paacen gelththofa; bonchchoy merippe mernaa gakkanaas neyssa. Amiin› gi woossite.

ኤርማሳ ቲንቢቴ 28:6

«Amiin! GODAY ooththo! GODAA Keeththaa miishshatanne di7ettidi bida asaa ubbaa Baabilooneppe zaari ehidi GODAY ba yootida qaala polo!

ዛሬ ማጻፋ 10:15

GODAY kase intte aawata keehi siiqida gaason inttena ayzaabeta giddofe doorides; intteka hach gakkanaas izas doorettida dere gidideta.

ሜቴ ማጻፋ 49:10

Dere haarizaadey yaana gakkanaashe, kawoteththaa algay Yuhudappe, halaqateththa guufey iza keeththafe shaakettenna. Qasse dere asay izas azazettana.

ሜቴ ማጻፋ 12:3

Nena anjjizayta ta anjjana; nena qanggizaytakka ta qanggana; biitta bolla diza asi wuri ne baggara anjjettana» gides.

ሃዋሬታ ኦሶ 3:13

Nu aawantta Abrahaamentta, Yisaaqantta, Yaaqoobentta Xoossi ba naaza Yesusa bonchchides. Intte qasse iza hayqos aaththi immideta; Philaxoosi iza birshana koyiinkka intte, ‹Koyokko› gideta.

Ibirawe 7:24

Yesusi gidikko mernaas dizaade gidida gishshas iza qeeseteththi shaarettontta qeeseteththa.

ሉቃሳ ሚሺራቾ 20:44

Histtiko Dawiti iza, ‹Godaa› gi xeygishe waani izas naa gidanee?» gides.