ኦሮሜ ኣሳስ 7:5 - Geeshsha Maxaafa

⁵ Nagaranchcha medheteththa shenen nu diza wode hayqos gaththiza ayfe nu ayfana mala wogay denththeththida nagara amoy nu bolla ooththides.

ጋሞ ማጻፋ

⁵ ናጋራንቻ ሜቴ ሼኔን ኑ ዲዛ ዎዴ ሃይቆስ ጋዛ ኣይፌ ኑ ኣይፋና ማላ ዎጋይ ዴንዳ ናጋራ ኣሞይ ኑ ቦላ ኦዴስ።

Gamo Geesha Maxxafa New Testamen

⁵ Nagarancha medhetetha shenen nu diza wode hayqo ayfe nu ayfana mala wogay denththethida nagara amoy nu bolla oothides.

ኦሮሜ ኣሳስ 7:5 Referans Kwoze

ኤፌሶኔ ኣሳስ 2:3

Hayssafe kase nuni nu asho amoteth polishe ashoy koyza oge kaallishe isttara doos; nunikka hankko asa mala nu medheteththafe Xoossa hanqo garsan de7oos.

ጋላቲያ ኣሳስ 5:24

Yesus Kirstoosas gididayti asho iza iita qofaaranne iza iita amoteththaara issife kaqqida.

ጋላቲያ ኣሳስ 3:10

«Woga naagon ammanettizayti wurikka qanggeththa garsan deettes; woga maxaafatan xaafettidayssa ubbaa ooththonttaadey izi qanggettidaade» geetetti xaafettides.

ኦሮሜ ኣሳስ 6:13

Intte asateththaa iita ooso ooththiza miish ooththi nagaras haarisopite; hessa mala ooththanaappe hayqoppe gede de7on pinnida asata mala inttena Xoossas haarisite; intte asateththaa xilloteththa miishsha mala Xoossas haarisite.

ኦሮሜ ኣሳስ 6:21

ha7i qasse intte yeellatiza miishshatappe he wode ay go7a demmidetii? Hessa he hanozas go7ay hayqo.

1ዮሃኒሳ ኪታ 3:4

Nagara ooththizay wurikka makkalla ooththees; nagaraykka makkalla.

ቆላሲያሴ ኣሳስ 3:5

Hessa gishshas inttes biitta bolla diza amoteth diggite; heytikka layma, tunateth, asho amo, iita amoteththinne eeqas goyno mala gidida gaphigapho.

1ቆሮንቶሴ ኣሳስ 15:56

Hayqoy izara dukkiza wolqqay nagara; nagara wolqqay woga.

ያቆቤ ኪታ 4:1

Intte giddon diza olaynne ooshshi awappe yidee? Intte wozinan diza amoteththaafe dendida ola gidennee?

ያቆቤ ኪታ 1:15

Amoy qanththatidi nagara yelees; nagaraykka diccidaappe guye hayqo yelees.

Titosas 3:3

Nunikka kase qofay bayndayta, azazettonttayta, balettizayta, dumma dumma amoninne lo7o duussas aylleteththan haarettizayta; asaranne nurkka nu garsankka ooyettishe iitateththaninne miqqayneteththan doos.

ኤፌሶኔ ኣሳስ 2:11

Hessa gishshas intte kase intte yeleteththan Ayzaabeti intte asateththa bolla asa kushe ooso gaason, «Nuni qaxxarettidos» giza asati inttena, «Qaxxarettonttayta» gizaytoo! Intte hessa ane wozinan woththite.

ኦሮሜ ኣሳስ 7:23

Gido attiin ta asateththa giddon ooththiza nagara wogay tana qachchi oykkidi ta qofa wogaara olettiza hara wogay ta asateththa giddon ooththishin beyays.

ኦሮሜ ኣሳስ 6:23

Nagara waagay hayqo; gido attiin Xoossa imotay gidikko Godaa Yesus Kirstoosa baggara mernaa de7o.

ኦሮሜ ኣሳስ 6:19

Hayssa tani asa qaalan inttes qonccen yootizay intte yeleteththan daaburanchcha gidida gishshassa. Intte kase wode intte asateththaa aylleteththasinne kaseppe aadhdhi iitana mala ooththi immida mala ha7i qasse geeshshateththaako efiza xilloteththas aylle histti haarisite.

ኦሮሜ ኣሳስ 5:20

Wogay yiin mooroy darides; gido attiin nagaray daroyssafe bollara Xoossa kiyateththi keehi darides.

ኦሮሜ ኣሳስ 4:15

wogay hanqo kaaleththees; wogay bayndason woga menththoy deenna.

ኦሮሜ ኣሳስ 3:20

Hessa gishshas wogay nagaray aazakko erisees attiin wogaa naagon oonikka iza achchan xillo geetettanaas dandayenna.

ኦሮሜ ኣሳስ 1:26

Hessa gaason Xoossi istta yeellachchiza amoteththas aaththi immides; istta maccassati kase losettida gaytoteththa wogaa losey baynda wogan laammida.

ዮሃኒሳ ሚሺራቾ 3:6

Asappe yelettiday asa; Ayanappe yelettiday Ayana.

Maatosa 15:19

Iita qofay, shempo wodhoy, laymay, laymatanaas qaaqqatoy, kaysoy, wordo markkateththinne asa sunth mooroy wuri wozinappe pulttees.

2ቆሮንቶሴ ኣሳስ 10:3

Nuni dizay hayssa alameza bolla gidikkoka nu olettizay ha alameza asa ola mala gidenna.