ኦሮሜ ኣሳስ 6:4 - Geeshsha Maxaafa

⁴ Hessa gishshas Kirstoosi ba Aawaa bonchchon hayqoppe dendida mala nunikka hessaththo ooraththa de7on daanaas xinqatan hayqqidi izara moogettidos.

ጋሞ ማጻፋ

⁴ ሄሳ ጊሻስ ኪርስቶሲ ባ ኣዋ ቦንቾን ሃይቆፔ ዴንዲዳ ማላ ኑኒካ ሄሳ ኦራ ዴኦን ዳናስ ጺንቃታን ሃይቂዲ ኢዛራ ሞጌቲዶስ።

Gamo Geesha Maxxafa New Testamen

⁴ Hessa gishshi Kiristoosay ba Aawa bonchon hayqoppe denddida mala nunikka hessaththo ooratha deyon daanas xinqqaten hayqqidi izara moogetidosd.

ኦሮሜ ኣሳስ 6:4 Referans Kwoze

2ቆሮንቶሴ ኣሳስ 5:17

Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides.

ቆላሲያሴ ኣሳስ 3:10

Bana medhdhidayssa misatana mala eran ooraxida ooraththa asateth may7ideta.

ኦሮሜ ኣሳስ 7:6

Ha7i gidikko kase nuna waaxi qachchida wogaas hayqqida gishshas he wogaappe wozzettidos; hessika kase ceega wogaan xaafettidayssan gidontta dishe ooraththa Ayana ogen nuni ooththanaassa.

1ጴጽሮሳ ኪታ 3:21

Hessi he haaththi ha7i qasse intte izan attiza xinqata leemiso; hayssi xinqatay qita bolla geeyanaas meeceteththi gidontta geeshsha qofaa ekkanaas Xoossaako shiishshiza woosa. Izi inttena ashshanaykka Yesus Kirstoosa denththaa baggara.

ኦሮሜ ኣሳስ 6:9

Kirstoosi hayqoppe dendida gishshas nam7anththo izi hayqqonttayssanne iza bolla hayqos wolqqay bayndayssa nu eroos.

2ቆሮንቶሴ ኣሳስ 13:4

Izi masqale bolla kaqettidi daaburan hayqqikokka ha7i qasse Xoossa wolqqan paxa dees; nunikka izara laafata gidikkoka intte gishshas giidi Xoossa wolqqan minni doos.

ኦሮሜ ኣሳስ 6:3

Nuni Yesus Kirstoosara issino gidana mala xammaqettidayti iza hayqon nu issife gidanaas xammaqettidayssa hayssa intte erekketii?

1ዮሃኒሳ ኪታ 2:6

Ta izan days giza asi oonikka Yesusi simerettida mala simerettanaas bessees.

1ቆሮንቶሴ ኣሳስ 6:14

Xoossi Godaa hayqoppe denththida mala nunakka qasse izi ba wolqqan hayqoppe denththana.

ኦሮሜ ኣሳስ 8:11

Yesusa hayqoppe denththida iza Ayanay intte bolla dizaa gidikko Kirstoosa hayqoppe denththidayssi intte giddon diza iza ayanay hayqqanaas diza intte asateththas de7o immana.

ኤፌሶኔ ኣሳስ 4:17

Ayzaabeta mala coo mela qofan mela simerettanaas inttes bessenna gaada ta inttena zorays.

ኦሮሜ ኣሳስ 6:19

Hayssa tani asa qaalan inttes qonccen yootizay intte yeleteththan daaburanchcha gidida gishshassa. Intte kase wode intte asateththaa aylleteththasinne kaseppe aadhdhi iitana mala ooththi immida mala ha7i qasse geeshshateththaako efiza xilloteththas aylle histti haarisite.

ዮሃኒሳ ሚሺራቾ 11:40

Yesusikka, «Ne ammanizaa gidikko Xoossa bonchcho beyandasa gaada nees ta yootabeekkinaa?» gides.

ሃዋሬታ ኦሶ 2:24

Gido attiin Xoossi iza bollafe hayqo wolqqa diggidi hayqoppe denththides; hayqoykka iza oykki ashshanaas dandaybeenna.

ቆላሲያሴ ኣሳስ 4:1

Godatoo! Inttes salon Goday dizayssa intte eriza gishshas inttes ooththizaytas tumaninne suureteththan ooththite.

ኤፌሶኔ ኣሳስ 5:8

Kase intte dhuma shin Godaan ha7i intte poo7o; intte poo7o nayta mala diite.

ዮሃኒሳ ሚሺራቾ 2:11

Yesusi hessa malalisiza malata ubbaafe koyro Galila geetettiza deren Qaana kataman ooththides; ba bonchchoka hessa malan qonccisides; iza kaallizaytikka izan ammanida.

ሃዋሬታ ኦሶ 2:32

He Yesusa Xoossi hayqoppe denththides; nunikka wuri hayssas markkatta.

ኦሮሜ ኣሳስ 6:8

Nuni Kirstoosara hayqqidayta gidikko nu izara issife daanayssa ammanoos.