ኦሮሜ ኣሳስ 3:9 - Geeshsha Maxaafa

⁹ Histtiin nu ay giinoo? Nuni isttafe aadhdhizonii? Mulekka aadhdhoko. Ayhudata gidikkoka, Ayzaabeta gidikkoka wurikka nagarappe garsa baggara diza gishshas ta wursaka kasetada isttas yootadis.

ጋሞ ማጻፋ

⁹ ሂስቲን ኑ ኣይ ጊኖ? ኑኒ ኢስታፌ ኣዞኒ? ሙሌካ ኣኮ። ኣይሁዳታ ጊዲኮካ፥ ኣይዛቤታ ጊዲኮካ ዉሪካ ናጋራፔ ጋርሳ ባጋራ ዲዛ ጊሻስ ታ ዉርሳካ ካሴታዳ ኢስታስ ዮታዲስ።

Gamo Geesha Maxxafa New Testamen

⁹ Histinni nu aazi ginoo? Nuni isttafe adhizonii? Mulekka adhoko. Ayhudata gidikkoka hanikko dere asa gidikokka wurikka nagarape garisa baggara diza gish ta wursikka kassistada isttas yootadis.

ኦሮሜ ኣሳስ 3:9 Referans Kwoze

ጋላቲያ ኣሳስ 3:22

Qasse Geeshsha Maxaafay hayssi alamey wurikka nagaran qashettidayssa awajjees; hessika asi wurikka Yesus Kirstoosa ammanon beettiza hidotay ammanizaytas ubbaas imettanaassa.

ኦሮሜ ኣሳስ 6:15

Histtiin ay ooththinoo? Woga garsan gidontta nuni Xoossa kiyateththa garsan diza gishshas nagara ooththinoo? Mulekka ooththanaas bessenna.

ኢሳያሳ ቲንቢቴ 65:5

Istti, ‹Ta geesh gidida gishshas kichcha; ta mata yooppa; taakko shiiqoppa› gizayta. Hayssa mala derey ta siidhen cuwa malanne gallas kumeth eexxiza tama mala.

ኦሮሜ ኣሳስ 11:32

Xoossi wursika maaranaas asi wurikka azazettontta mala gordides.

ኦሮሜ ኣሳስ 3:19

Hessa gishshas doonay wurikka gordettana mala derey kumeth Xoossas zaaro immana mala wogay gizay wurikka wogappe giddora dizaytas gididayssa nu eroos.

ፒሊጲሲዮሴ ኣሳስ 1:18

Hessa gidikko ay metoo dizay! Waanna ayfe yo7oy suureteththan gidiin woykko misatisson gidiinkka awarakka Kirstoosa sabbakiza gishshas ta ufayettays.

ጋላቲያ ኣሳስ 3:10

«Woga naagon ammanettizayti wurikka qanggeththa garsan deettes; woga maxaafatan xaafettidayssa ubbaa ooththonttaadey izi qanggettidaade» geetetti xaafettides.

1ቆሮንቶሴ ኣሳስ 14:15

Histtiin ta ay ooththana mala taas bessizee? Tani ta Ayanankka woossana; wozinan woththadakka woossana; ta Ayanankka yexxana. Wozinarakka yexxana.

1ቆሮንቶሴ ኣሳስ 10:19

Histtiin eeqas yarshettida yarsho gidiin woykko eeqay ba baggara go7ara dees gazinaa?

1ቆሮንቶሴ ኣሳስ 4:7

Neni aazan aadhdhay? Neni harappe ekkontta attida miishshi aazee? Histtiin ne wursaka ekkiday hara asappe gidikko hara asappe ekkontta asa mala aazas ceeqettay?

ኦሮሜ ኣሳስ 11:7

Histtiin ay gaanee? Isra7eele nayti lo7eththi koyidayssa demmibeettenna; Xoossan doorettidayti gidikko demmida; hankko attidayta wozinay muumides.

ኦሮሜ ኣሳስ 3:5

Nu makkalla oosoy Xoossa xilloteth qonccen bessizayssa gidikko histtiin nu ay gaanee? Coo asa woga mala palamettanaas Xoossi ba hanqo nu bolla ehizayssi nuus bessenna gaaneyee? Hessaka ta gizay asaththo qofanna.

ኦሮሜ ኣሳስ 1:18

Tumaa ba iitateththaninne makkallan tucci oykkizayta iitateththaa bollanne istta makkallateththaa ubbaa bolla Xoossa hanqoy saloppe qonccana.

ሉቃሳ ሚሺራቾ 7:39

Yesusa qumas xeyssida Farsaaweykka hessa be7idi, «Hayssi addezi nabe gididaakko hanna iza bochchida maccassaya iza oonakkonne ay ooththiza asakko eranakkoshin; iza nagaranchchako shin» giidi ba wozinan qoppides.

ሌሚሶ ማጻፋ 20:9

«Ta wozinaa geeshshadis; ta geeshsha; tanan nagaray baawa» gaanay oonee?

ኦሮሜ ኣሳስ 2:1

Hessa gishshas nenoo hara bolla pirdizaysso neni ta hanni gaason ooththadis giza gaasoykka nees deenna; ne hara asa bolla pirdizayssan nerkka nees kunane ekkaasa; gaasoykka hara asa bolla ne pirdizayssa nekka zaarada iza ooththiza gishshassa.

ኦሮሜ ኣሳስ 3:1

Histtiko Ayhuda as gideththas aaza go7ay dizee? Qaxxaray ay go7izee?

ኦሮሜ ኣሳስ 7:14

Wogay Ayana yo7o gididayssa nu eroos; ta qasse nagaras aylle mala bayzettida asa.