ኦሮሜ ኣሳስ 14:19 - Geeshsha Maxaafa

¹⁹ Hessa gishshas saroteththi beettiza ogenne nuni nu garsan lo7anaas bessiza oge ane koyoos.

ጋሞ ማጻፋ

¹⁹ ሄሳ ጊሻስ ሳሮቴ ቤቲዛ ኦጌኔ ኑኒ ኑ ጋርሳን ሎኣናስ ቤሲዛ ኦጌ ኣኔ ኮዮስ።

Gamo Geesha Maxxafa New Testamen

¹⁹ Hessa gish sarotethi betiza ogene nuni nu garisani loo7onas besiza oge ane koyosu.

ኦሮሜ ኣሳስ 14:19 Referans Kwoze

ኤፌሶኔ ኣሳስ 4:29

Koshshiza mala hankko siyizayta go7izaazinne maaddiza qaalappe attiin go7ay baynda qaalay intte doonappe kezoppo.

ኦሮሜ ኣሳስ 12:18

Inttes dandayettiko intte intte baggara as ubbaara saron diite.

ዬ ማጻፋ 34:14

Iitappe shaaketta; lo7o miish ooththa; saroteth koyada kaalla.

ኦሮሜ ኣሳስ 15:2

Nuni wurikka hara asi ba ammanon minnana mala iza go7izaazinne ufayssiza miish ane ooththoos.

Ibirawe 12:14

Asi ubbara saro daana mala inttes dandayettizayssa ubbaa ooththite; geeyana mala koyite; geeshshateththi baynda Godaa beyanaas dandayettenna.

2ቆሮንቶሴ ኣሳስ 13:11

Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.

ማርቆሳ ሚሺራቾ 9:50

«Maxiney lo7o; gido attiin maxiney ba maxineteththaa yeddiko intte wostti iza mal7o eranee? Intte asateththan maxiney de7o. Intte intte giddon dosettite» gides.

Maatosa 5:9

Saroteth ooththizayti anjjettidayta; ays giikko istti Xoossa nayta geetetti xeygettana.

1ጴጽሮሳ ኪታ 3:11

Iita yo7oppe haakko, lo7o ooththo; saroteth koyonne kaallo.

1ቆሮንቶሴ ኣሳስ 14:26

Hessa gishshas ta ishatoo! Histtiin ay giinoo? Intte issife shiiqiza wode inttefe issi issi asas mazamure qasse issi issi asas timirtey dees; issi issi asas qonccontta xuura miishshata qonccisiza imotay dees; hara asas dumma qaalan haasayana imotay dees; haras qasse he qaalaa birshiza imotay dees; hessi he imotay wurikka ammanizayta go7anaas bessees.

1ቆሮንቶሴ ኣሳስ 10:33

Ta as wursaka ay ogerakka ufayssana koyza mala intteka hessaththo ooththite; daroti attana mala ta tana go7izaaz gidontta istta go7izaaz koyays.

ዬ ማጻፋ 133:1

Ishantti issifeteththan de7izayssi ay mala lo7onne ay mala ufayssizaazee!

2ጺምቶሳስ 2:22

Panththateththa iita amoteththafe baqata; geeshsha wozinara Godaa xeygiza asatara xilloteth, ammano, siiqonne saroteth kaalla.

1ጺምቶሳስ 1:4

Qasseka asay yootiin wurontta beni wode haysi7en ba wode wursontta mala azaza; heyta mala yo7oy palama denththeththees attiin ammanon oosettiza Xoossa oosos aykkoka go7enna.

2ቆሮንቶሴ ኣሳስ 12:19

Intte wurikka ha7i gakkanaas qoppizay nu intte sinththan nuna ashshanaas haniza miishsha mala xeelleetii? Nuni Kirstoosan gididi inttes yootizayssi Xoossa sinththana. Ta siiqotoo! Nu hayssa ubbaa yootizay inttena go7anaas giidikko!

1ቆሮንቶሴ ኣሳስ 7:15

Gido attiin nam7atappe issoy ammanonttaadey shaakettana koykko shaaketto; adde gidiin macca gidiin ammanizaadey hessa mala wogaan qashettenna; Xoossi nuna saron daana mala xeygides.

1ቆሮንቶሴ ኣሳስ 8:1

Eeqas shukettida asho gishshas intte taas xaafidayssa mala gidikko tumukka nu wurikka eriza miishshi dees; eroy otorisees; siiqoy gidikko go7ees.

1ቆሮንቶሴ ኣሳስ 10:23

Wurikka taas imettides shin wurikka tana go7izaaz gidenna; wurikka taassa shin wurikka tana maaddenna.

1ቆሮንቶሴ ኣሳስ 14:3

Tinbite haasayzaadey as minththeththanaas, denththeththanaassinne go7anaas haasayees.

1ቆሮንቶሴ ኣሳስ 14:4

Hara qaalan haasayzaadey qasse barkka bana minththeththees; tinbite haasayzaadey gidikko Woosa Keeththaa go7ees.

1ቆሮንቶሴ ኣሳስ 14:5

Intte wurikka hara qaalan haasayzaakko ta dosays shin hessafekka bollara intte tinbite qaalan haasayzaakko ta dosays; Woosa keeththay minnana mala hara qaalara haasayzaadey ba haasayzayssa birshontta izi hara qaalara haasayzayssafe tinbite haasayzaadey aadhdhees.

ኤፌሶኔ ኣሳስ 4:12

Hessika Kirstoosa asateth gidida Woosa Keeththiya keexettana mala ammanizayta ammano oosos giigsanaassa.