ኦሮሜ ኣሳስ 12:6 - Geeshsha Maxaafa

⁶ Nuus imettida imota mala dumma dumma imotay dees; issaades buroppe hananaaz yooto gidikko izaades imettida ammano mala yooto.

ጋሞ ማጻፋ

⁶ ኑስ ኢሜቲዳ ኢሞታ ማላ ዱማ ዱማ ኢሞታይ ዴስ፤ ኢሳዴስ ቡሮፔ ሃናናዝ ዮቶ ጊዲኮ ኢዛዴስ ኢሜቲዳ ኣማኖ ማላ ዮቶ።

Gamo Geesha Maxxafa New Testamen

⁶ Nuusi immetida imota mala dumma dumma imotethi dees. Isades burope hananazi yooto gidiko izades immetida ammano mala yooto.

ኦሮሜ ኣሳስ 12:6 Referans Kwoze

1ቆሮንቶሴ ኣሳስ 7:7

Asi wuri ta mala machcho ekkontta dizaakko ta dosays; gido attiin issi issi asaas Xoossafe imettida dumma dumma imotay dees; issaas issi qommo imotay dees; hankkoyssas qasse hara qommo imotay dees.

ኦሮሜ ኣሳስ 12:3

Inttes Xoossi immida ammano mala intterkka inttena paacci xeellite attiin ha7i dizayssafe bollara inttena dhoqqisi xeellontta mala tani taas imettida Xoossa kiyateththan inttena issaa issaa zorays.

ኦሮሜ ኣሳስ 1:11

Intte minnana mala maaddiza Ayana imota ta intte gishshassinne inttena ayfera beyanaas laamotays.

1ቆሮንቶሴ ኣሳስ 13:2

Tinbite haasayza imotay taas diikkoka, woykko xuura yo7otanne erateth wursa ta erikkoka, zumay izi dizasoppe dhoqallada haraso diggiza ammanoy taas diikkoka hessa wursaka siiqoy baynda ta ooththiko hessi hada.

ኤፌሶኔ ኣሳስ 4:11

Issi issi asati Hawaareta, baggayti Nabeta, harati Mishiraachcho qaala sabaake, baggayti qasse heemmizaytanne tamaarsizayta gidana mala izi imota immides.

1ቆሮንቶሴ ኣሳስ 14:1

Siiqo kaallite; ayana imotata harappeka tinbite haasayza imotata lo7eththi koyite.

2ቆሮንቶሴ ኣሳስ 8:12

Asi immanaas wozinappe koykko izaadey kiyateththan immizayssi ekettizay asi baas dizaari mala immiko attiin baas bayndayssafe immishin gidenna.

1ታሶሎንቄ ኣሳስ 5:20

Tinbite qaala kadhopite.

1ቆሮንቶሴ ኣሳስ 14:29

Tinbite haasaya imotay diza nabeti nam7ati woykko heedzdzati tinbite haasayetto; hankko asay yootettidayssa lo7eththi paacco.

ሃዋሬታ ኦሶ 15:32

Yuhudaynne Sillaasi nabeta gidida gishshas daro zoridi ammanizayta minththeththida.

ሃዋሬታ ኦሶ 2:17

« ‹Xoossi Wurseththa gallas ta Ayana asho may7ida ubbaa bolla tani gussana; intte macca naytinne intte attuma nayti tinbite haasayana; yelaga nayti ajjuuta beyana; cimati agumo agumettana.

ፒሊጲሲዮሴ ኣሳስ 3:15

Hessa gishshas nuni ammanon minnidayti wurikka haniza yo7o ubbaa hessaththo xeellanaas bessees; issi issi dumma qofay inttes diikko hessaka Xoossi inttes qonccisana.

ኤፌሶኔ ኣሳስ 3:5

He xuuraykka ha7i ammaniza Hawaaretassinne nabetas qonccida mala kase beni aadhdhida wode diza asataskka qonccibeenna.

ሃዋሬታ ኦሶ 13:1

Anxokiyan diza Woosa Keeththan nabetinne astamaareti deettes; heytikka Barnabaasinne Negere geetettiza Simoonara, Qareena dere as Luqiyoosara, Herdoosara issife diccida Minaheranne Sa7oolera wuri issife deettes.

ሉቃሳ ሚሺራቾ 11:49

«Hessa gishshas Xoossa erateththi, ‹Nabetanne Hawaareta ta isttas yeddana; isttika isttafe issaa issaa wodhana; haratakka gooddana.

Maatosa 23:34

Hessa gishshas nabetanne eranchchata astamaaretakka ta inttes yeddana. Intte istta giddofe issi issi asata wodhana. Baggayta intte kaqqana; baggayta intte Ayhuda Woosa Keeththan garafananne he katamappe hara katama intte gooddana.

1ቆሮንቶሴ ኣሳስ 14:24

Gido attiin asay wuri tinbite qaala haasayettishin imaththi woykko ammanonttaadey gelikko ba siyidayssa ubbaa erananne he qaalan pirdettana.

ሃዋሬታ ኦሶ 21:9

Izas nabe gidida oyddu gelontta geela7oti deettes.

1ቆሮንቶሴ ኣሳስ 3:5

Ero! Gido attiin Aphiloosi aazee? Phawuloosikka aazee? Istti Goday isttas issaas issaas immida mala ooththiza oosanchchata; intteka istta baggara ammanideta.

1ቆሮንቶሴ ኣሳስ 12:18

Gido attiin Xoossi issaa issaa ba koyida mala asateththaa giddon daanaas bessizason woththides.

2ጴጽሮሳ ኪታ 1:20

Intte harappe aaththi qoppanaas bessizay Geeshsha Maxaafan diza tinbite qaalaan yootettida ay miishshika oonikka baas misatida mala birshanaas bessenna.

Maatosa 25:22

«Hessaththoka nam7u shii bira ekkidayssi godazaakko shiiqidi, ‹Godoo! Ne taas nam7u shii bira immadasa shin hekko hara nam7u shii bira wodhisadis› gides.