ኦሮሜ ኣሳስ 12:16 - Geeshsha Maxaafa

¹⁶ Intte intte garsan doseteththan diite; manqotara issifeteththan daanaas koyite attiin otorettoftenne ceeqettofte.

ጋሞ ማጻፋ

¹⁶ ኢንቴ ኢንቴ ጋርሳን ዶሴቴን ዲቴ፤ ማንቆታራ ኢሲፌቴን ዳናስ ኮዪቴ ኣቲን ኦቶሬቶፍቴኔ ጬቄቶፍቴ።

Gamo Geesha Maxxafa New Testamen

¹⁶ Inte inte garisan dosetethan diite. Maniqotara isopetethan daanas koyte attin otoropitene ceeqetopite.

ኦሮሜ ኣሳስ 12:16 Referans Kwoze

1ጴጽሮሳ ኪታ 3:8

Hessafe asa baggara qasse intte issoy issaara siiqon diite; hara asa bolla gakkiza meto intte meto mala xeellite; intte intte garsan ishantta mala siiqettite; ashketanne kiyata gidite.

ሌሚሶ ማጻፋ 3:7

Nerkka nena aadho eranchcha gooppa; GODAAS yayya; iitappeka haakka.

Ibirawe 13:5

Miishsha siiqoppe naagettite; inttes dizayssi gidana; hessas gaasoykka Xoossi, «Ta inttena mulekka aggikenne yeggike» gides.

ኢሳያሳ ቲንቢቴ 5:21

Banttana barkka, «Tani aadho eranchcha! Tani qara gidikkinaa!» gi qoppizaytas aayye ana!

ኦሮሜ ኣሳስ 15:5

Minoteththinne dandaya immiza Xoossi intte Yesus Kirstoosa kaallishin inttes intte giddon Ayana issifeteth immo.

ኦሮሜ ኣሳስ 12:3

Inttes Xoossi immida ammano mala intterkka inttena paacci xeellite attiin ha7i dizayssafe bollara inttena dhoqqisi xeellontta mala tani taas imettida Xoossa kiyateththan inttena issaa issaa zorays.

1ቆሮንቶሴ ኣሳስ 3:18

Oonikka barkka bana baleththofo; inttefe oonikka hayssa ha alamezan bana eranchcha mala qoppiko izaadey eranchcha gidana mala bana barkka eeya mala qoodo.

2ቆሮንቶሴ ኣሳስ 13:11

Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.

ኦሮሜ ኣሳስ 11:25

Ta ishatoo! Intte cincca as gididayssa inttes misatontta mala hayssa giddo xuura yo7oza intte erontta attana mala ta koykke. Hessika Ayzaabetappe xeygettidayti wuri ammanana gakkanaas Isra7eele nayta wozinay muumides.

ሉቃሳ ሚሺራቾ 14:13

Gido attiin asaa xeyssada mizana koykko manqota, kushey, tohoy baynda wobbetanne qooqeta xeyssa; neni anjjettana.

ሌሚሶ ማጻፋ 26:12

Barkka bana, «Tani aadho eranchcha» giza as beyadii? Izappe eeya asas lo7o qaaday dees.

1ቆሮንቶሴ ኣሳስ 8:2

Ta erays giza asi eranaas bessiza mala buro eribeenna.

1ቆሮንቶሴ ኣሳስ 6:5

Ta hessa inttes gizay inttena yeellachchanaassa; intte garsan ammanizayta giigsanaas dandayza wozinama asi deennee?

ኤርማሳ ቲንቢቴ 45:5

Histtiin neni nees gita miish koyay? Asa nayta ubbaa bolla tani bash ehana gishshas ne hessa koyoppa; gido attiin neni bidaso ubbaan ta ne shemppo ashshana» gees.

ፒሊጲሲዮሴ ኣሳስ 4:2

Intte qofay Godaan issino gidana mala Ewodiyanne Sinxekey ba garsan siiqettana mala ta istta woossays.

1ቆሮንቶሴ ኣሳስ 4:10

Nu Kirstoosa gishshas eeyata gididos; intte qasse Kirstoosan eranchchata; nuni daaburanchchata; intte gidikko minota; intte bonchchettidayta; nuni gidikko kawushshata.

ሉቃሳ ሚሺራቾ 6:20

Yesusikka bana kaallizaytas, «Xoossa Kawoteththay inttes gidida gishshas intteno manqotoo! Intte anjjettidayta;

Maatosa 26:11

Manqoti ubba wode inttenara deettes; ta gidikko ubba wode inttenara diikke.

Maatosa 11:5

Qooqeti xeelleettes; wobbeti hemetteettes; inchchirachcha hargizayti paxeettes; tulleti siyeettes; hayqqidayti hayqoppe paxi dendeettes; manqotas Mishiraachcho qaalay yooteettes.

1ጴጽሮሳ ኪታ 5:3

Hessaththoka intte alaafeteththaa garsan dizayta yedhdhi haaron gidontta wudezas lo7o leemiso beson gido.

ፒሊጲሲዮሴ ኣሳስ 3:16

Gidikkoka nu ha7i gakki eridaazan ane simerettoos.

ፒሊጲሲዮሴ ኣሳስ 1:27

Kirstoosa Mishiraachcho qaalaas bessiza mala diite; hessaththo haankka ta inttena baada be7idaakko woykko haahon daada intte gishshas ta siyizaakko intte Mishiraachcho qaalaa ammanos issife olettishe issi Ayanan intte minni eqqanayssa ta erays.

1ቆሮንቶሴ ኣሳስ 1:10

Ta ishatoo! Intte garsan shaaketeththi dontta mala inttes issi wozinaynne issi qofay daana malanne intte intte garsan issino gidana mala Godaa Yesus Kirstoosa sunththan ta inttena woossays.

ሃዋሬታ ኦሶ 4:32

Ammanizayti wurikka issi wozinaninne issi qofan gaaggi deettes. Isttas dizay wuri issi bolla dees attiin baas dizaaz, «Hayssi taas buzo miishsha» gizaadey deenna.

ኤርማሳ ቲንቢቴ 32:39

Isttassinne isttafe guye istta naytas lo7o gidana malanne istti taas ubba wode yayyana mala tani isttas issi wozinanne issi qofa immana.

ሌሚሶ ማጻፋ 19:22

Asappe koyettizay mino siiqo; wordanchcha gidanaappe manqoteththi lo7o.

ሌሚሶ ማጻፋ 19:17

Manqos kiyiza asi GODAAS tal7ees; GODAY he lo7o ooso waaga qanxxana.

ሌሚሶ ማጻፋ 19:7

Manqo iza dabbo ubbay ixxees; histtiin iza laggeti ay keena izappe baqatanee! Kaalli aadashidikka izi istta demmenna.

ኢዮቤ ማጻፋ 36:5

«Tumukka Xoossi wolqqama; gido attiin oonakka kadhenna; izi ubbaaka akeekees.

2ታሪኬ ማጻፋ 30:12

Kawozinne iza shuumeti GODAA qaalay gida mala azazidayssa Yuhuda asay issi wozinan azazettana mala Xoossa kushey Yuhuda asaa bolla dees.

3ዮሃኒሳ ኪታ 1:9

Tani Woosa keeththas hayssafe kase xaafadis; gido attiin kaaleththizaade gidana koyza Diyoxiraxoosi nuni gizaaz ekkenna.

ኦሮሜ ኣሳስ 6:2

Mulekka gidenna; nuni nagaras hayqqidos; histtiin hayssafe guye nu waani nagaran daanee?

ሌሚሶ ማጻፋ 17:5

Hiyeesata bolla qilcciza asi istta medhdhidayssa cayees; hara as gakkiza meton ufayettiza asi qaxxayettontta attenna.

ሌሚሶ ማጻፋ 26:5

Gidikkoka eeyas iza eeyateththaa bessa; histtontta aggiko izi bana eranchcha mala qoodana.

ኦሮሜ ኣሳስ 11:20

Tumu gidetashin istti meqqiday ammano paceppe dendidayssanna. Intte qasse ammanon eqqideta; babbite attiin otorettofte.