ኦሮሜ ኣሳስ 1:7 - Geeshsha Maxaafa

⁷ Xoossan dosettidaytanne geeshshata gidanaas xeygettida Oroome biittan diza inttes ubbaas nu Aawaa Xoossaafenne nu Godaa Yesus Kirstoosappe kiyateththinne saroteththi inttes gido.

ጋሞ ማጻፋ

⁷ ጾሳን ዶሴቲዳይታኔ ጌሻታ ጊዳናስ ጼይጌቲዳ ኦሮሜ ቢታን ዲዛ ኡባስ ኑ ኣዋ ጾሳፌኔ ኑ ጎዳ ዬሱስ ኪርስቶሳፔ ኪያቴኔ ሳሮቴ ኢንቴስ ጊዶ።

Gamo Geesha Maxxafa New Testamen

⁷ Xoossan dosetidaytanne geeshata gidanaas xeygetida Orome biittan diza intes wurisos nu Aawa Xoossafene nu Goda Yesus kirstoosape kiyatethine sarotethi intes gido.

ኦሮሜ ኣሳስ 1:7 Referans Kwoze

ቆላሲያሴ ኣሳስ 1:2

Qolasiyaasen diza Kirstoosan dummatidaytassinne ammanettida ishatas nu Aawaa Xoossaafe saroteththinne kiyateththi inttes gido.

ኤፌሶኔ ኣሳስ 1:2

nu Aawaa Xoossafenne Godaa Yesus Kirstoosappe kiyateththinne saroteththi inttes gido.

1ታሶሎንቄ ኣሳስ 1:1

Phawuloosappe, Silwaanoosappenne Ximtoosappe; Xoossaa Aawassinne Godaa Yesus Kirstoosayta gidida Tasolonqen diza ammaniza asaas nu Aawaa Xoossaafenne Godaa Yesus Kirstoosa kiyateththinne saroteththi inttes gido.

2ቆሮንቶሴ ኣሳስ 13:14

Godaa Yesus Kirstoosa kiyateththi, Xoossa siiqoynne Xillo Ayana issifeteththi inttenara ubbatara gido.

2ዮሃኒሳ ኪታ 1:3

Xoossaa Aawappenne iza Naa Yesus Kirstoosappe kiyateththi, maaroteththinne saroy tumaninne siiqon nunara gido.

Pilmoonas 1:3

Nu Aawaa Xoossaafe nu Godaa Yesus Kirstoosappe kiyateththinne saroteththi inttes gido.

2ታሶሎንቄ ኣሳስ 3:18

Nu Godaa Yesus Kirstoosa aadho kiyateththi inttenara ubbaara gido.

2ታሶሎንቄ ኣሳስ 3:16

Saroteththaa Goday izi ba baggara yo7o ubbaan inttes saroteth immo; Goday inttenara ubbaara gido.

ዮሃኒሳ ኣጁታ 22:21

Godaa Yesusa kiyateththi inttenara ubbatara gido. Amiin!

Pilmoonas 1:25

Godaa Yesus Kirstoosa kiyateththi inttenara gido.

1ዮሃኒሳ ኪታ 3:1

Nuni Xoossa nayta geetettana mala Aaway darssi siiqida iza siiqoy nuus ay mala gitakkonne ane be7ite! Tumukka nu iza nayta; alamey nuna erontta aggiday iza erontta aggida gishshassa.

1ጴጽሮሳ ኪታ 1:15

Inttena xeygida Xoossay dumma gidida mala intteka intte duussan ubbaan dummatite.

Titosas 1:4

Nuus koththe gidida ammano issifeteththaan, ammanon taas tumu naa gidida Titoosas, «Xoossaa Aawappenne nuna ashshida Yesus Kirstoosappe kiyateththinne saroteththi nees gido» gides.

2ጺምቶሳስ 4:22

Goday nenara gido; Godaa kiyateththi inttenara gido.

2ጺምቶሳስ 1:2

dosettida ta naa Ximtoosas kiyateththi, maaroteththinne saroteththi Xoossaa Aawappe Godaa Yesus Kirstoosappe nees gido.

1ጺምቶሳስ 1:2

Ammanon taas tumu naa gidida Ximtoosas Xoossaa nu Aawappe nu Godaa Yesus Kirstoosappe kiyateththi, maaroteththinne saroy nees gido.

1ታሶሎንቄ ኣሳስ 5:28

Nu Godaa Yesus Kirstoosa aadho kiyateththi inttenara gido.

1ታሶሎንቄ ኣሳስ 4:7

Xoossi nuna geeshshateththas xeygides attiin tunateththas xeygibeenna.

1ታሶሎንቄ ኣሳስ 1:3

Ammanoninne mino siiqoteththan intte ooththida ooso gishshas Godaa Yesus Kirstoosa bolla diza intte mino hidotan beettida intte minoteththaa gishshas nu Godaa Xoossaa, nu Aawaa sinththan ubba gallas intte gishshas qoppoos.

ቆላሲያሴ ኣሳስ 3:12

Hessa gishshas dumma gididi dosettidaytoo! Intte Xoossas doorettidayta gidida mala misheteththinne kiyateth, ashketeth, bonchchonne dandaya may7ite.

ፒሊጲሲዮሴ ኣሳስ 4:23

Godaa Yesus Kirstoosa aadho kiyateththi inttenara gido. Amiin.

ፒሊጲሲዮሴ ኣሳስ 4:20

Nu Aawassinne nu Xoossaas mernaappe mernaas bonchchoy gido. Amiin.

ኤፌሶኔ ኣሳስ 6:23

Aawaa Xoossaafe, Godaa Yesus Kirstoosappe saroteththinne siiqoy ammanora inttes ta ishatas gido.

ጋላቲያ ኣሳስ 6:18

Ta ishatoo! Godaa Yesus Kirstoosa aadho kiyateththi inttenara gido! Amiin.

1ቆሮንቶሴ ኣሳስ 16:23

Godaa Yesusa kiyateththi inttenara gido.

ኦሮሜ ኣሳስ 9:25

Hose7e maxaafan, «Ta dere gidonttayta tani, ‹Ta dereta› ga xeygana; tani istta dosettonttayta, ‹Dosettidayta› ga xeygana.

ኦሮሜ ኣሳስ 5:1

Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees.

ሃዋሬታ ኦሶ 15:23

Istta kushen immi yeddida dabdaabezi, «Intte ishatappe, Hawaaretappe, cimatappe, Ayzaabetappe ammanida Anxokiyaninne Sooriyan, Kilqiyankka diza ammanizaytas nu sarokay inttena gakko.

ቆላሲያሴ ኣሳስ 3:15

Intte wurikka issi asho gididi saroteththas xeygettida Kirstoosa saroteththi intte wozinan kawoto; intte galatizayta gidite.

ፒሊጲሲዮሴ ኣሳስ 4:13

Taas wolqqa immiza Kirstoosan tani ubba miish ooththanaas dandayays.

ኦሮሜ ኣሳስ 8:39

dhoqqa gidiin woykko ziqqa gidiin, woykko ay medheteth gidiin Godaa Yesus Kirstoosa baggara nuus diza Xoossa siiqoppe nuna shaakkana dandayza miishshi bayndayssa ta shaakka eradis.

ኦሮሜ ኣሳስ 1:6

Intteka Yesus Kirstoosayta gidana mala xeygettidaytara deeta.

ዮሃኒሳ ኣጁታ 2:1

«Efesoone Woosa Keeththa kiitanchchaas, ‹Hayssi laappun xoolintteta ba ushachcha kushen oykkidaadefenne istta bolla xomppe woththiza laappun worqqa ballata giddon simerettizaadefe yootettides.

ያቆቤ ኪታ 1:1

Xoossa oosanchchanne Yesus Kirstoosa oosanchcha gidida Yaaqoobeppe biitta bolla laalettida tammanne nam7u kochchatas saroteththi inttes gido.

ዮሃኒሳ ሚሺራቾ 20:17

Yesusi qasse, «Ta buro pude ta Aawaakko kezabeekke; tana bochchofa; gido attiin ne ha7i ta ishataakko baada, ‹Tani ta Aawakkonne intte Aawaakko, ta Xoossaakonne intte Xoossaako kezana gides› gaada isttas yoota» gides.

Maatosa 5:16

Hessaththoka asay intte lo7o ooso be7idi salon diza intte Aawaa bonchchana mala intte poo7oy asa sinththan poo7o.

ዬ ማጻፋ 60:5

Neni siiqizayti attana mala ne wolqqan nuna ashsha; neni nuukko alla.

ዛሬ ማጻፋ 33:12

Biniyaame qommota gishshas Musey, «GODAY siiqida asi izan ammanetti dees; ubba gallas istta izi naagees; ba hashen tookkidi shempisees» gides.

ዮሃኒሳ ኣጁታ 3:22

«Ayanay Woosa Keeththatas gizayssa hayththi dizay wuri siyo!» gaada xaafa gides.

ዮሃኒሳ ኣጁታ 3:14

«Lodoqiya Woosa Keeththa kiitanchchaas, ‹Hayssi amiin› gidayssafe, tumu ammanettida markka gididaadefe, Xoossa medheteththi wuri izappe beettidaadefe yootettidayssa.

ዮሃኒሳ ኣጁታ 3:7

«Filadelfiya Woosa Keeththa kiitanchchaas, Hayssi geeshshinne tumanchcha gididayssafe Dawite keeththaa qulpe oykkidayssafe yootettidayssa; izi doydayssa oonikka gordenna; izi gordidayssa oonikka doyenna.

ዮሃኒሳ ኣጁታ 2:29

Ayanay Woosa Keeththatas gizayssa hayththi dizay wuri siyo!» gaada xaafa gides.

ዮሃኒሳ ኣጁታ 2:18

«Tiyaxiroone Woosa Keeththa kiitanchchaas: hayssi tama laco misatiza ayfeti dizaadefenne bonqqida taman geli qoxetti kezida xarqimala misatiza tohoti dizaadefe Xoossa naappe kiitettidayssa.

ዮሃኒሳ ኣጁታ 2:12

Phergamoone Woosa Keeththa kiitanchchaas, «Hayssi nam7u baggara qara mashsha oykkidayssafe yootettidayssa.

ዮሃኒሳ ኣጁታ 2:8

«Samerneese Woosa Keeththa kiitanchchaas, hayssi koyronne wurseth gididayssafe kase hayqqidayssafenne ha7i gidikko paxa dizayssafe yootettidaaza.

1ጺምቶሳስ 6:2

Ammaniza godati diza ammaniza ashkarati godati isttas ishata gidida gishshas godatas bessiza bonchcho immetto; harappeka istta ooson maadettiza ammaniza godati isttas dosettidayta gidida gishshas nekka haytantta mala yo7ota tamaarsanaassinne zoranaas bessees.

Siiqo Saba 5:1

«Taas siiqo michcho gidida ta mishirayee! Tani ta atakilte giddo geladis. Ta karbbenne ta shitto ciish maxadis; Eessa ukeththaa ililozara gaththa madis; Ta woyne ushshaa, ta maaththaa uyadis» gides. «Intteno siiqettizaytoo! Kallana gakkanaas miite; alana gakkanaaska uyite» gida.

ታይቦ ማጻፋ 6:25

GODAY ba ayfeso poo7o nees qoncciso; izi nees qadhetto.

ሃዋሬታ ኦሶ 9:13

Hanaaniyaykka zaaridi, «Godoo! Hayssaadey Yerusalaamen diza geeshshata bolla ay mala iita meto gaththidaakko ta daro asappe siyadis.

ኦሮሜ ኣሳስ 5:5

He hidotay qasse nuna yeellachchenna. Xoossi nuus immida Xillo Ayanan ba siiqo nu wozinan gussida gishshas he hidotay nuna yeellan gaththenna.

ኦሮሜ ኣሳስ 8:28

Xoossi bana dosizaytassinne iza shene mala xeygettidaytas ubbaas ooththiza miish ubbaaka lo7os ooththizayssa nu eroos.

1ቆሮንቶሴ ኣሳስ 1:24

Xoossi xeygidaytas istti Ayhudata gidiin woykko Girike dere as gidikkoka Kirstoosi Xoossa wolqqanne Xoossa erateththa.

ፒሊጲሲዮሴ ኣሳስ 1:2

nu Aawaa Xoossaafe, Godaa Yesus Kirstoosappe kiyateththinne saroteththi inttes gido.

1ታሶሎንቄ ኣሳስ 1:4

Xoossan dosettida nu ishatoo! Izi inttena dooridayssa nu eroos.

2ታሶሎንቄ ኣሳስ 1:2

Xoossaa Aawappenne Godaa Yesus Kirstoosappe kiyateththinne saroteththi inttes gido.